~*¤®§(*§ ملتقى المغتربات في استراليا الجزء السابع§*)§®¤*~

الغاليه ام جلمبو ..
بالنسبه الصحي بتحصلون عليه من الجامعه او معهد اللغه مع بداية الدراسه والله يوفقكم ويسهل اموركم...

عجينة البف باستري
في نوع كويس عليه صورة عصفور موجود في كولز
الصوص شوكليت كويس حق كادبوري وانا كنت استخدام نوع ثاني بس نسيته

الجبنه الكيري ممكن تستغنو عنها ب تشيز كريم حقت هوم براند تكون في علبه دائريه في التلاجات وكل ملعقه تساوي مربع

صباح الخير بنات.........بنت العيون كيفك وكيف الكتكوت؟شوفي بالنسبه للبف باستري اللي اخذه اسمه pam pas
بس تجي مربعات كبيره ومرسوم عليها من برا فطيرة باللحم......اما الصوص اذا كان قصدك السايله اللي زي الهيرشي فالبنات يمدحون حقت الولورث ...........

صباح الخير
سعوديا كوول ....ليش مافيه بيجامات اجل انا عجبتني بيجاماتهم تذكرني بيجامات لاسنزا وبعد احسن و فيه خيرات كثيره حتى بيجامات الولادي اشكال والوان وتلقين ارواب للولادي للبرد حلوه الوان كثيره اما بالسعوديه مااحلم القى لعيالي بيجامات حلوه الا بمذركير او اوكايدي وما القى الا قطعتين وغاليه .
نجومه ... وش صار على سفرتكم استعديتي علميني وش شريتي هدايا علشان استفيد منك ودي انا اهدي لبعض اهلي ملابس لان هي اللي بيفرحون به بس المشكله هنا الثياب ماتمد بيد الطواف .
بنت العيون ... حوستك مع المقاضي ذكرتيني باول ماجيت انواع الاحباط مره شريت قشطه ومن رحت للبيت سويت الحلى من فكيت القشطه لقيته حليب سايل بغيت انتحر بلشت ماادري وش اسوي لاني خلطت بعض المقادير بس الحمدلله استر الله لاني شاريه القشطه الطازجه اللي بالثلاجه فحطيته بداله .
اما بالنسبه لعجينة البف باستري انا عجبتني اللي بصورته مسوين فيه سويسرول لحم بس مادري هي ام عصفور ولا لا .