السلام عليكم ورحمه الله وبركاته .
بنات بقولكم سالفتي بس تكفون بدون كلام جارح دلوني على الطريق الصح لان مخي مشتت مرررررره..
انا عمري 21 سنه والبنت الوحيده عند اهلي مع ثلاث اولاد .
انا حياتي تدهورت بعد ماراح ابوي وخلانا مع امي وانا عمري 16 سنه كان رايح على اساس يشتغل بمدينه ثانيه وتركنا بدون مصروف ولاخبر عنه ولاشي وكان يكلمني وهو سكران دايما..
امي كان عاجبها الوضع كذا حتى انها ماحاولت تكلمه وتقوله يرجع لنا وامي من يوم انا صغيره تعاملني بقسوه مع اني بنتها الوحيده.
وحياتي تدهورت بعد ماعرفت ان امي لها علاقه مع ولد حالتي (( يعني امي تصير خالته مع العلم انها اكبر منه ب20 سنه وهو صغير لسى ماتزوج وقتها))
كنت صغيره مافهم بس حسيت ان فيه شي ولليله من اليالي شفته داحل عند امي بغرفه النوم وسكت سويت نفسي ماشوف وتعقدت ونفسيتي خربت ومادري لمين اتكلم واخوي اللي اكبر مني دايما مسافر ومايعرف وش اللي يصير ولو اقوله كان يسوي شي في امي.
حتى اني اشوف رسايل غزل بجوالها من ارقام ثانيه يعني لها كذا علاقه ..
وانا ياعالم مت حتى دراستي نزل مستواي مع العلم اني كنت شاطره ودخلت الجامعه ومستواي صار ينزل مع اني حققت حلمي ادخل ادب انجليزي وعدت سنه وضغطت على نفسي بس مو قادره وصرت اكلم شباب مع اني كنت مستحيل افكر بهالشي واستغرب من اللي يسوون هالشي وانا لي علاقه مع شاب هالحين وامي عرفت وحبستني في البيت وتشك فيني باي شي وماطلع ولا اروح وربي فكرت انتحر كذا مررره لان احس نفسي ضايعه وماحسها امي وابوي رجع الحين بس ياريته مارجع كل يوم خناق في البيت وكل صباح وانا رايحه للجامعه وعندي اختبار يتخانقون بلسياره وانا اصيح ويتشتت ذهني احس الدنيا ضايقه فيني ودي اموووت وارتاح من هالحياه :44:
تكفووون ساعدوني ولاتضغطون علي اكثر حاولو تدلوني ايش اسوي ماعندي احد اتكلم معاه ولا اخوات ولا اي شي حتى صديقات ماعندي صايره انطوائيه مرررره تعبت
شاركي في النقاش
سجلي الدخول لإضافة تعليق.
التعليقات
13- ياناس احس اني اكرررره امي ماحسها ام وربي ماطيق احط عيني بعينها مدري ليش .
كنت اتمنى لو ماعندي ام ولا اشوف امي كذا ..
انا تعبانه الحين ونفسيتي خلاص صفررر. - انتي الحين جالسه تبررين غلطك وتحطين الذنب ذنب امك
غلط ياختي لانه انتي موصغير ومحتاجه لتربيه او توجيه انتي دارسه وفاهمه وجامعيه يعني مو صغيره
لاتحطين اللوم على امك والمشاكل كثير غيرك انوادو عند ام واب مايصلون
وماشاءا اله تبارك الله بالعكس تمسكو بالصلاه اكثر وكانو سبب لهدايه اهلهم
اتمنى ترجعين لنفسك وتشوفين حياتك بمنظار ثاني غير منظار انك فاقده امك وابوك
اشغلي وقتك مابين الدراسه والصلاه حاولي تخصصين جزء من وقتك يوميا للاستغفار واقراءه القران ولازم تتدعين لامك
راح تلاحظين ان حياتك تغيرت
يارب يهديك وييسر امرك ويهدي امك ويسخرها لك - امك لازم تواجهينها باللي تسويه عشين تدري انك تعرفين بالامور الغلط اللي تسويها
وبعدين مهما كان هذي امك واي انسان يغلط انتي لازم تنصحينها
واما من ناحيتك انتي مهما كثرت المشاكل لاتلجأين لهذي الامور اقصد انك تكلمين وتصير لك علاقات
اذا الواحد قفلت ابواب الدنيا بوجهه لازم يلجأ الى الله
ادعي ربك وتوكلي عليه وصلي الوتر وناجي ربك بهمومك ومشاكلك لانه هو ادرى بحالك
ولا تصيرين ضعيفه واي شي يأثر فيك
المشاكل من اول ببيتكم ,لاتخلين مشاكل امك وابوك تسببلك عقده وخوف :mad:
خلاص انتي كبيره ومتعوده على اهل بيتك يعني صيري قويه ولا تسمحين لشي يأثر فيك
احتمال المشاكل تستمر معاكم لكن انتبهي لا تخرب عليك مستقبلك
ذاكري زين وعيشي حياتك وانبسطي بما يرضي الله طبعا
واهم شي امك تبطل العلاقات اللي مسويتها
كوني انتي السبب بهدايتها
يمكن المشاكل اللي تجيكم من ضعف بالوازع الديني
لاتزعلين ياقلبي من كلامي لكن انتي كبرتي ولازم تحقين الحق بس بدون مشاكل .
والله يعينك famous girl انتي الحين جالسه تبررين غلطك وتحطين الذنب ذنب امك غلط ياختي لانه انتي موصغير ومحتاجه لتربيه او توجيه انتي دارسه وفاهمه وجامعيه يعني مو صغيره لاتحطين اللوم على امك والمشاكل كثير غيرك انوادو عند ام واب مايصلون وماشاءا اله تبارك الله بال…
كلام سليم- انا عارفه اني غلطانه ومعترفه بغلطتي بس بنفس الوقت فاقده شي كبير بحياتي وانا مابرر غلطي افهموني
انا حاولت بامي يوم واجهتها زعلت علي شهر كامل ماتكلمني وحتى اخواني صارت تكرهم فيني تخاف اني اقولهم شي عنها
بس مستحيل افكر بلشي هذا حاولت افهمها اني بنتها حرام اللي تسويه فيني ..
وانا مواضبه على صلاتي والاستغفار والدعاء لي ولاهلي بس انا تعبانه حرام عليكم لاتحطون الذنب علي ابيكم تنصحوني ايش اسوي
مواضيع مشابهة
تابعي تجارب أخرى من هذا القسم.