وش رايكم ياحريم أطيعه ولالا ؟؟؟؟؟؟؟؟؟؟؟؟؟؟
السلام عليكم ورحمة الله وبركاته أبدخل بالموضوع طوالي انا مشكلتي مع ولدي الكبير بالثانوي هذا الله يسلمكم واحد من قرايبنا اتفق مع ولدي انهم يعملون ببيع عطورات المفارش ودهن العود هو يوفر البضاعه وولدي يبيع له واتفقوا على نسبه من الربح لولدي وهو بالحيل ياقلبي مبسوط يبيع على الاقارب والاصدقاء وحصل مبلغ حلو من البيع لكن اللي ضيق صدري انه يبي يروح يبيع بالسوق وانا رفضت وقلت مايصير الناس كله تبي تعرفك زعل وقال وش دعوى وش انا مسوي انارايح اسرق؟؟ الناس كله تبيع وترزق الله مع العلم انه يحب هالنوعيه من الاعمال يعني بيع وشراء وبالصيف يروح هو واخوانه للسوق بموسم التمر ويبيعون الماء البارد وماشاء الله يكسبون الضعف والولد ماعليه ماشي بدروسه فاوش رايكم اتوكل على الله واخليه يروح ولا امنعه بس اخاف يكون عنده رد فعل عكسي واندم تري اجوبتكم هي اللي بتحدد موقفي علما ان ابوه يقول خليه يعتمد على نفسه والحركه بركه ارجوكم لا تخذلونن عطون رايكم بسرررررررررررررررعه :44: