السلام عليكم ورحمة الله وبركاته
بدخل في الموضوع على طول <<<مو على عرض خخخخخخخخخخ
فيه ناس تجيب شغالات مب بفيزا لانهم ارخص ( هذا منتشر في السعودية ) ليش؟ شغالات عمرة او اعتقد هذا مسماهم
المهم هذولي مثل عصابات اولا فيه رئيسة لهم تتصلين عليها وتطلبين منها وتتجادلين معهم
لا وراتبها 1000 ريال سعودي اذا ما كان 1500 ريال وازيدكم من الشعر بيت يوم في الاسبوع لها اجازة تروح
وين ما تبغى وما تجي الا اليوم الثاني ويمكن في الليل بعد
الحين انتو تدرون هي وين تروح ؟ ومع من كانت ؟ لا وبعضهم ترجع لك حامل وتقولك انه زوجها موجود بالبلد
وانتي يا حبة عيني مصدقة وتقولين للناس وتترددين وراها (ترى زوجها موجود عشان كذا هي حامل) << لا
والله احلفي بس
والادهى والامر هل فيه وحدة منكم سوت لها تحاليل قبل لا تخليها تشتغل؟
تحاليل دم لامراض معدية وجنسية بعد ؟
ما تخافون على انفسكم وعيالكم وازواجكم ؟
طيب اكيد ما دام شغلتيها وعطيتيها الخيط والمخيط اكيد ما تخافين صحيح ليش اتعب نفسي معكم << اسكتي بس
فيه حريم الله لا يبلانا مثلهم اقول بعضهم وعلى مراى << متعوب عليها الكلمة حتى ما عرفت اكتبها سامحوني
المهم على مراى من ناظري << حلوة ناظر ي المهم الحرمة ما تشتغل يعني ربة منزل وعندها شغالة
تغسل وتطبخ وتكنس وتنظف وترتب الملابس وتطبخ طبعا وترعى الاطفال اذا طلعت المدام على قولتهم من
البيت ! يا مكثر الطلعات
لا وفيه وحدة عنده بنات كبار لكن عندها شغالة
وفيه غيرها وغيرها وفيه حرمة توها حامل وعند امها وامها عندها شغالة وهذه العروس الحامل جايبة شغالة !
اعذرها يمكن كانت وقتها عشان حامل ورحمها نازل لكن لكن هي عند امها والام عندها شغالة
طيب بتقولون يمكن تبي شغالتها تتعلم من شغالة امها وعلى مراى من ناظر امها طيب
وبعد ما خلص ظرفها وولدت وطابت وهي ربة منزل ليش الشغالة
ايش تبي فيها !
انا الي لاحظته انه ياكثر الحريم الي عندهم شغالات ان كانت محتاجة او لا
بعدين فيه ناس حالتهم المادية تعبانة يالله يشيلون حالهم وعندهم شغالة طيب ليش ؟
هل هو فشخرة ؟
هل هو مسايرة العصر؟ << اي عصر الا قولي مسايرة مرض
هل الناس بتعايرها ؟ << عاد تعالو شوفوا يمكن الحين بيصير او يمكن صار عاد الحرمة الي
ما عندها شغالة الناس تعايرها وتقول لها شوفوها مسكينة ما عندها شغالة
الحين الي ما عندها شغالة صارت مسكينة والله ما درو انه هم المساكين
طيب ماعلينا
الحين الناس بشكل عام ما اتعظوا من بلاوي الشغالات من سحر وبلاوي ويا كثرها !
طيب ليش اذا جا رمضان كثرت طلبات الشغالات
ابي افهم هو مو شهر عبادة يعني مو شهر اكل !
يمكن وحدة تقول انا اشتغل برا البيت واحتاج شغالة طيب اذا على الطبخ تقدرين تطبخين من الليلة السابقة
وتسخنينه او تجهزين نص والنص الباقي اليوم الثاني
طيب بتقولين عيالي وين بحطهم يا مكثر الحضانات حطيهم ولا رجعتي شيليهم
بتقولين ايش دراك بهالحضانات انها سنعة بقولك بنفس الي دراك انه شغالتك سنعة
طيب انتو ما تحبون نبيكم محمد صلى الله عليه وسلم !
اكيد الي يحبه يتبع سنته صح ولا لا !
ما دريتو عن الحديث هذا
عن علي رضي الله عنه :
أن فاطمة رضي الله عنها آتت النبي صلى الله عليه وسلم تسأله خادما فلم تجده ووجدت عائشة فأخبرتها . قال علي : فجاءنا النبي صلى الله عليه وسلم وقد أخذنا مضاجعنا فقال :
" ألا أدلكما على ما هو خير لكما من خادم ؟ إذا أويتما إلى فراشكما فسبحا ثلاثا وثلاثين واحمدا ثلاثا وثلاثين وكبرا أربعا وثلاثين فإنه خير لكما من خادم "
قال علي : فما تركتهن منذ سمعتهن من رسول الله صلى الله عليه وسلم .
قيل له : ولا ليلة صفين ؟ قال : : ولا ليلة صفين .
شاركي في النقاش
سجلي الدخول لإضافة تعليق.
التعليقات
64- كلامك عين العقل بس مين يفهم !!
- اجزم بأنك غير موظفة لانك حينها ستحسين بالمعاناة
ارفض مقارنة الموظفة باللي حاطة رجل على رجل وشخير الى الظهر ليلةعمر اجزم بأنك غير موظفة لانك حينها ستحسين بالمعاناة ارفض مقارنة الموظفة باللي حاطة رجل على رجل وشخير الى الظهر
الموضوع ابدا ما يدل اني موظفة او لا
ثانيا كثير حريم موظفات وما عندهم شغالات وامورهم طبيعية وبعض منهم
موجود عندنا في المنتدى هذا الله يعطيهم الصحة والعافية
وعلى طاري المسيكينات الي في البيت
مين قالك انهن يشخرن الين الظهر ليش ما عندهم زوج وعيال
ما وراهم شغل ومسح وغسيل وتنظيف وتكنيس وطبخ الخ وامور كثيرة يمكن انتي
غافلة عنها ما الومك لانك ما تدرين عنها لانك يمكن معتمدة على الشغالة تسويها
تحملي ردي- يكفي انك تعينين على البلاء في البلد باستخدام خادمه غير نظاميه
- انا يا بنات قصدت في موضوعي مو بس فشخرة الناس الي عندهم شغالات لا طبعا
قصدي الاساسي خطورة الشغالات بشكل عام وخاصة الي بدون فيزا
مواضيع مشابهة
تابعي تجارب أخرى من هذا القسم.