الجديد بس في فن التقديم لبنات الرياض ( سيتم حذف المواضيع المشابهه )

نجديه

فيه عندك ماينا عنده صواني اجار وجوي عنده الصواني القزاز اللي طايحين فيها الحين

:
:

احلى بنيه

غريبه رفعوا سعرهم داي مود توني ماخذه منهم وترى عندهم انواع انا اقصد حق القهوه الملونات المدوره ب 90 توني ماخذه من يومين ما امداهم يرفعون السعر

:
:

shosho3660

ارسليلي رقم ام قاسم لو سمحت

:
:

لمسات راقيه

الجوهره حلاها
هدى الفطاير احلى
منى عندها شغلات حلوه زي السوفنيرات والشوكولاته المزينه
عريب الحلا احلى

:
:

ورده ولا كل الورود

الشكولاته الحلوه طعم عندك جوي بالثلاثين - دونيه بالعروبه - شوكولاين بالملك عبد الله - واو بالثلاثين

:
:

عيونها من دون كحل

اذا بتخلينها بعد العشا لازم عشا عيب بس قهوه وشاي
انا اقترح العصر وافضل المغرب
طبعا قدمي المعتاد شاي - قهوه - عصير
وممكن تسوي الطريقه التقليديه اللي عي طبعا مع القهوه تمر وحلا قهوه
وع الشاهي فطاير
والعصير ممكن ميني كيك او تارت او في اقتراحات كثير كتبناها

او اذا خليتيها بعد المغرب ممكن تسوين حركة عربية الشاي وتحطين بالعربيه سلطات باشكال حلوه يعني انا مره سويت هالحركه وجبت الفلفل الكبار الملونات فرغتها وكل حبه حطيت نوع سلطه وكل وحده احط لها حبة من كل نوع مع الملعقه وطبعا فطاير اشكال نوعيها مع الشاهي واذا ما ودك بعربيه ممكن تحطينهم على الطاوله بنص المجلس وطبعا تقدمين لكل وحده صحن وملعقه وشوكه ومنديل ملفوفه بطريقه حلوه وسلامتك

:
:

فراشة الرياض

زي ما قالوا البنات تلاقينه بطيبه بالحمود

:
:

dream seeker

الا والله صادقه ما ادري شلون غابت عن بالي ام سعود فطايرها تهبل بس رقمها راح من عندي من زمان عنها اذا عندك رقمها بالله ارسليه لي لو سمحت

:
:

النايفه...

الارقام ارسلتها لك على الخاص

والفطاير الملونه عند الجوهره العبد اللطيف
واسعار الكل صراحه اغلبها بين 120 وبين 150 في اشياء اقل
وبالنسبه للتوصيل اذا مو غلطانه الجوهره توصل بس مو متاكده لاني دايم ارسل لهم سواقي فما ادري
والصواني تبعتك اذا 6 خلي 4منها حلا و2موالح
ممكن تعبيينهم مو شرط من هالحريم ممكن من بره بعد يعني صينية حلا من الجوهره وصينه شوكولاته من واو >> تعجبني تغليفاته روعه وطمها حلو وصينيه حلا القهوه الكور من سنتفون او حلا بحريني او كويتي من مرنون وصينية تمور محشيه
وممكن الموالح فطاير من هدى او الجوهره صنية موالح ملونه من درة الصالحية اللي بالثلاثين

:
:

shosho3660

حلوه الحركه وغريبه وين تنباع ؟




سمي وش بغيتي ؟؟

بغيت محل يأجر صواني غير درة الصالحيه
وبغيت شوكولاته غير باتشي وشوكولاين وسعد الدين
وبغيت معجنات غبر اوبرا
وتسلمين يا قلبي

همسة حب

تسلمين ياقلبي والفطاير الملونه طعمها زي العاديه بالضبط بس اللهم الوانها غير
والصواني اللي قلتي عنها حلوه وبرضه موضه والقزاز اللي اقصد القزاز الملون تجي اشكال ممكن فازات او صواني عاديه وتجي احجام هذي الحين اخر شي بصواني التقديم

:
:

اليشمك

عندك ماينا وجوي ياجرون صواني
وشوكولاته عندك جوي والبينا ولافندر وواو
والمعجنات عندك روز وجاناش ولينوتر وسنتافون ودرة الصالحيه

سنتافون وين موقعه وسلامتكم