هل حصل لك موقف مرعب شيب شعرك و وقف قلبك ولا رنسيتيه؟ تعالي واكتبيه>>تنبيه ثاني

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

1,602
  1. شوفوا موقفي المرعب حقيقة الذي لا أنســـــــاه...

    كنت في أحدى الأسواق النسائية المغلقة وكانت تقام محاضرة تربوية هناك لإحدى الداعيات .... وكنت حاضرة فيها وفجأة......
    إذا بإبنتي أنذاك و حينها كانت في عمر ثلاث سنوات تقريبا تطلب مني الذهاب بها لدورة المياة وكانت شديدة الخوف لا تذهب لمكان ما إلا معي...!!
    ذهبت بها وأنا لا أود قطع إستمتاعي بسماع المحاضرة - فكانت تلك الأخت المحاضرة تملك أسلوبا رائعا وإلقائا مميزا ولاسيما ان الحديث كان عن التعامل والتواصل الاجتماعي - ...المهم ذهبت بها لدورة المياة وأدخلتها إليها وبقيت عند الباب من الخارج وهو مفتوح قليلاولكن أغطيه بجسمي وأنتظرها....
    لعلي تحدثت قليلا مع أحدى الصغيرات لما دخلت مكان دوارت المياة تريد شيئا ما وفي تلك اللحظة ألتفت لأرى أبنتي وإذا بدورة المياة خالية ........... هنا تملكني الرعب ......... ؟؟؟!!!
    وقفز إلى ذهني ما كنت أسمعه من كثير من الناس والقصص المرعبة عن أطفال يختفوون في دورات المياة بفعل الجن .... نعم الجن ...وكاد قلبي ان يتوقف من الخوف وألتفت ثانية صوب الخارج فلم أجدها...!!
    ركضت خارجة من مكان دورات المياة وأبحث عنها بدون هدى حدث كل هذا في أقل من دقيقة.......؟؟؟
    نظرت للألعاب التي كانت قبل مجيئها تلعب بها وإذا بإبنتي عندها...........!!!!
    ذهبت إليها وسألتها كيف خرجت من دورة المياة قالت عندما كنت تتكلمين مع البنت خرجت وربما كنت سهيت وانفتح الباب قليلا وأنا واقفة عنده ...وخرجت منه...
    وقفت قليلا إهدي من روعي ....وذهبت للمحاضرة وأنا في شغل عنها.......!!!
    شكرا لصاحبة الموضوع ..
  2. @adoaaa_alryad

    كنا بشهر العسل عالبحر جا زوجي واستأجر جيتي سكي ودخل للبحر وانا خليت الكاميرا موجهه عليه واتلفت يمين ويسار
    خبركم حرمه (ماتبي تفوت شي كل شي بنلحق عليه)
    المهم وانا ادور بالهاردار(راسي)واحسيت إلا العالم تركض وإلي يصرخ ويقول إميرجنسي والخبصه واتابع وين رايحين
    والتفت ولا الناس تركض للبحر بالجيتي سكيات والقوارب واناظر من بعيد إلا ابو الشباب منقلب الأخ يفكر نفسه بالبر بين الطعوس
    وماشاءالله جثه ماهو قادر يرقى عليه مره ثانيه وهم مايشفونه يحسبون غرقان
    وانا التفت ومالقيته وروح اركض للبحر كان اطيح عند المويه واقعد اصيح
    تدرون تروعت اقول في نفسي ترملتي يالعروس وانا اصيح وافكر من ازهم عليه ومن بيجي ياخذني ومتى والرجال الأجانب يهدوني
    بنما العوايل السعوديه ماحركو ساكن الله يهديهم
    اللمهم وانا اصيح جا الشيخ بالدباب وصل عندي تصدقون ماكلمني ولا اخذ بخاطري ركب دباب ثاني ودخل للبحر مره ثانيه ولعب لمن شبع وانا جالسه
    بعده ضليت هاك اليوم كله ماده بوزي شبرين وزعلانه عليه وماني طايقته وهو يراضيني بس ماش فايده
  3. @rhf_alogod

    انا بايام الثانويه صار لي موقف الله لايعيده وصلت انا وختي للمدرسه وانا دخلت فصلي من زود الدفاره قبل الطابور الفصل كان بالملاحق عزبة مو فصل الا اسمع صراخ البنات في الساحة قلت يابنت انثبر ي لاتطلعين يمكن شي صاير و شوله ترتاعين مادريت ان الروعه والبلى بيجي عندي شوي الا اشوف هذيك القطوه اللي جايه تمشي ميتين انا:eek:انا جتني ام الركب الا اسمع طراخ اثاريها المصونه صقعت بالشباك تبي تنحاش وهو مسكر رجعت وانا توني بنحاش مع الباب الا هي تحت رجولي تبي تسبقني وانا:06:مت من الصراخ واحس راسي شاب من الصراخ رحت للبيت وانا ارجف وجهي ولوني تقلبوا من الخوف الا يومكم اذا تذكرهو مر عليه اكثر من 5 سنوات:09:
  4. ياكثر ماتخرعت

    اعظم شي روعني وخرعني خبــــر وفــــــــــــــــــــاة ابوي (الله يرحمه ويغفرله ويسكنه فسيح جناته)توفى سكته وكانت صدمه الله يرحمه صغير عمره 48 سنه ..... اللهم ابدله دارا خير من داره واهلا خير من اهله وزوجا خير من زوجه لا اله الا انت سبحانك اني كنت من الظالمين

    كان طالع مافيه شي وكاشخ وكان بيجتمع مع اصدقائه بالبر ويومها كان العشاء عليه وطلب من امي تسوي له العشاء ... وفجأة دق خالي يسأل اذا ابوي يتناول ادوية ضغط وسكر او اي شي قلت لا ... وكان خالي ناوي يطلعنا للمقهى وجاء وجاب جدتي ام امي وقال معليش مقدر اطلعكن وراي مشوار وراح وشكينا ودقينا على ابوي مقفل وكانت امي مسويه العشاء ومضبطتته ومقصدرته وجاهز وفجأه دق خالي الثاني يسأل عنه ودقينا على خالي وحلفناه وقال بالعنايه وكل شوي ندق عليه لحد ماقال لاوصلت اقولكم ااااااااااه وقتها كلنا نصااارخ ونصيح وجدتي تهدينا واللي طاح واللي داخ واللي ينادي بأسمه وامي قعدت تهلووس مره تصيح ومره تسرح حتى سبحان الله وقتها التوت رجولها وايدينها من الروعه ويوم شفناها كذا خفنا عليها وقعدنا نهديها ..... <<<--- هذا مابعد تأكدنا

    واول مادخل خالي ضم امي وضمني انا وخواتي جميع وقال ادعوا له بالرحمه ااااااااااااااااااااااااااااه مقدر اوصف لك

    الحين له شهر ونص وذكراه تقطع قلبي ..... مافيه ابو مثله بالدنيا تبطي الحريم ماولدن مثله الله يرحمه كان رحوم وعطوف وكريم ويحبنا ومدلعنا ومعيشنا برفاهييه رغم فقره الله يرحمه والله اني انهااااااااااار كل يوم خصوصا الصبح اتذكره حتى النوم ما انام زي الناس والله اني مشتاااااااااااااقه له ولصوته وسوالفه وضحكته .... كل ما اشتقت له عبرت بدموعي وقصيدي ... اذا تبين ارسلك قصايدي فيه على الخاص ماعندي مانع عشان تحسين بمدى الجرح والالم اللي عجزت اعبر لك فيه
    .............

    وفيه مواقف ثانيه بس الحين انا متضايقه اذا روقت اكتب لك

    الله يرحمه ادعوا له تكفوووووووووووووون
  5. القلب الناابض
    انا في سالفه صارت لي قبل سنتين..كنت مسافره مع اهلي وبنتي معاي وزوجي عند اهله ماجا معاي.. رحنا لبنان وبنفس السنه صارت الحرب..وصلنا بالليل الوضع عادي جدا وفجأه وحنا نايمين على الساعه 11 او 12 بنفس اليوم على الساعه وحده والا اصوات القنابل وال…
    ياحليلكم مواقفكم بعضها المضحك والمبكي والمرعب

    بس البنت الصغيره مسكينه الله يرحمها

    أما أنا صار معي موقف عمري ما أنساه

    مره كنا رايحين لمكه .. عاد لازم نمر على السوق كنت توني صغيره ما أتغطى
    المهم كنا طالعين من محل امي واختي راحوا من جهه وانا رحت من الجهه الثانيه أحسبهم رايحين معها
    وانا اللي ادور يمين وشمال وعاد تعرفون صغيره وما اتغطى فأحس كل عيون العبدات فيني وما ادري وين امشي الا احد من وراي يجرني قلت ياااااويلي خذوني خذوني
    يوم التفت وتكلمت اختي خنقتني العبره ولا قويت اتكلم

    آسفه على الاطاله ..

تابعي تجارب أخرى من هذا القسم.