كيكة مربى الفواكه بجوز الهند .... من ارشيفي الخاص ....

بسم الله الرحمن الرحيم








هذي الكيكة عندي في دفاتري القديمة ( ارشيفي الخاص ) ....... كنت اتصفحها ومرت علي وكسرت خاطري .... قلت خلني احيي ذكراها ... حتى لو كانت موجودة عندكم .... لأنها سهلة وسريعة .... ولذيذة مع شاي العصر ....



يالله نبدأ بالمقادير :





3 بيضات
ملعقة طعام بودرة فانيلا ...ممكن تقللين منه ...
1 كوب سكر ناعم
2\1 كوب زيت
2\1 كوب حليب
1 ملعقة شاي بكن باودر
1 كوب طحين منخول



للوجه :
مربى فواكه
جوز هند



الطريقة :
اشعلي الفرن على حرارة متوسطة 350 فهرنهايت

جهزي قالب الكيك ... وادهنيه بالزيت ثم غبريه بالطحين او استخدمي ورق الزبدة ....

اخفقي على سرعة عالية البيض مع الفانيلا والسكر بخلاط الكيك .... الى ان يذوب السكر وينتفش الخليط ويبيض لونه ....ثم اضيفي الزيت واخفقي الى ان يمتزج .... ثم الحليب .... بعدين خفضي على سرعة الخلاط واضيفي الطحين والبكن باودر .... اخلطيه ببطئ الى ان يمتزج مع باقي الخليط بدون مبالغة في خلطه ....




صبي الخليط في القالب .... وضعيه في الفرن .... لمدة 35 دقيقة او الى ان تتحمر الكيكة وتنضج .....






اخرجي الكيكة من الفرن وخليها تبرد شوي وبعدين فكيها من القالب او اقلبيها ....





خذي مربى الفراولة تقريبا احتجت 3 ملاعق كبيرة وسخنيها شوي حتى تدفئ ويسهل دهنها على الكيكة ....





رشي جوز الهند على وجه الكيكة ....بالكمية اللي تحبي ....











وقدمي الكيكة ... وبالهنا والعافية ......

250 تعليق 33,768 مشاهدة

شاركي في النقاش

سجلي الدخول لإضافة تعليق.

التعليقات

237
  1. @shmaah_mn_thlg

    ماشاء الله تباركـ الله شكله مرررررره يشهي...

    تسلم يدينك يااااااااااارب ..

    والله يعطيكـ العافية...
  2. @thlg_1

    يااااه هاذي الكيكه ما تتخيلين بشو ذكرتني ( الصراحه ارجعتي لي ذكريات الطفوله ) ....تعرفين كيكتك ذكرتني بسيارة المخبز اللي كانت تجي جمب بيتنا و كان يبيع بعض انواع الكيك و أشهرها هاذي الكيكه ام الجام و جوز الهند .... عاد الحين واين خلاص ما شي هالكيك ؟؟؟ما نشوفها سيارة المخبز.....

    تسلم إيدنك و ربي يحفظك
  3. صاحبة الموضوع
    ثلج
    يااااه هاذي الكيكه ما تتخيلين بشو ذكرتني ( الصراحه ارجعتي لي ذكريات الطفوله ) ....تعرفين كيكتك ذكرتني بسيارة المخبز اللي كانت تجي جمب بيتنا و كان يبيع بعض انواع الكيك و أشهرها هاذي الكيكه ام الجام و جوز الهند .... عاد الحين واين خلاص ما شي…
    الله يعافيكم .... اسعدني مروركم العطر .....

تابعي تجارب أخرى من هذا القسم.