شاركي في النقاش

سجلي الدخول لإضافة تعليق.

التعليقات

81
  1. @moooomy_1

    ياحبيبتي ياأموله ليه الزعل والعصبية ... والله من يوم مارديت عليك وانا اسوي
    بحث بس للأسف مالقيتها .. مع اني متأكدة اني قريتها بحواء ... واللي كاتبتها
    الخنساء ... يمكن يكون هناك لبس :(

    عالعموم بالغاليه لا تزعلي ولا تضايقي نفسك بحاول أعصر مخي واتذكر

    اذكر اني ذوبت قالب صغير زبدة لورباك وحطيت معاه زبادي بكمية تناسب شعري
    ووزعته على كامل الشعر ... مممممممم اش كمان


    أهاااا ... وخليتها على شعري طول فتره النهار ......... >> الله يستر ان شاء الله ان الطريقة صح
    وغسلت شعري ولفيته برول متل ماذكرت .... وفكيت المكر وطلع شعري :32: :32:

    عالعموم انا تركتها بسبب الريحه ... بس وحده من قريباتي قالت اذا ماتبغي يطلع ريحة بشعرك
    لا تذوبي الزبدة فوق النار خلها تذوب بحراره الغرفة .. ان شاء الله انا واخواتي نجربها بكره
    وارد عليك باقرب فرصه لاني ناويه استخدمها قبل الدراسه ماتبدأ

    هااااا ياعسل ان شاءالله تكوني راضية .... واحنا ان شاء الله دايم بالخدمة
  2. @alhm_1

    السلام عليكم

    امل عمري ...

    الله يسعدك ..أنا مثلك في مواصفات الشعر اللي ذكرتيها , ومرت علي فترة في حياتي كنت فيها معقدة بسببه
    لا .. وازيدك من الشعر بيت..ان اهلي كانوا ولايزالون يتمنون يشوفون شعري , لاني دائما اغطيه حتى في الاعياد ولايمكن يشوفونه الا بالمناسبات الهامة جدا..
    وما بقت خلطة ولا طريقة الا جربتها ,واستمر في الواحدة فيها نصف سنة او اكثر واذا مالقيت فايدة استخدمت غيرها..
    ومرة كان ابوي معاي لما رحت للعطار اطلب منه مواد للخلطات , فكان يضحك علي ويتعجب من طلباتي..وكنت اقول له : شكلي باشتغل في هذي المهنة على اخر عمري..
    وكل ماأسأل عن شي في البيت اذا هو موجود او لا... يقول الوالد: ليه ؟؟ لايكون لشعرك؟؟
    واذكر اني طلبت منه كذا مرة (وانا جادة) بول البعير - اكرمك الله وكل من قرأ- لكنه شرشحني...
    لكني لم اعد اهتم بسخرية الاخرين..
    ولا اخفيك سرا...بصراحة تحسن شعري عن قبل قليلا , وخلطتي الجديدة فيها موز ... وعيبها انها تسبب تساقط في الشعر على شكل خصل...لكني ساستمر عليها باذن الله حتى انهي 6 اشهر عللى الاقل..

    وخذيها مني : ان الدنيا دار ابتلاء فاصبري ولاتجزعي , والحمد الله على كل حال...


    لكني حبيت اسال الاخت اللي قالت : اني اقدر اطلب من الكوافيرة تخفيف للشعر من الداخل ..هل هذا موجود فعلا؟؟

    وأسأل الله لي ولك راحة البال , وان شاء الله اذا صار في شعري تحسن بأبلغك لكن اصبري على الاقل 5 شهور...


    والسلام عليكم
  3. @beloved

    السلام عليكم ورحمة الله وبركاته ,,,,,,,,,
    الله يسعدنا وياك اختي امل عمري ويرزقك بالزوج الصالح والذريه الصالحه اميييييييييييييين,,,
    والله حبيبتي مثل ماقالولك البنات الله يسعدهم ترى الزيوت لها اثر كبير على الشعر افضل من الاشياء لصناعيه
    والاستشوار لكن بالنسبه ليه اشوف زيت فازلين الزيت طبعا مو الكريم صراحة روعه سوي حبيبتي الخلطات الي قالولك الاخوات عليها قبل الحمام وبعد الدش صدقيني زيت فازلين ينعم الشعر بس حاولي تكثرينه شوي وهو ماله لون الزيت يعني زي لون الماء لكن من لما كنت صغيرة والله العظيم وانا استخدمة روعه بمعنى الكلمة ,,,,
    وبعدين حبيبتي فيه خلطه طبعا بالحناء رهيبه وتخلي الشعر ناعم لمدة شهر او 3 اسابيع لكن حاولي تستمري عليها
    كل ماشفتي نفسك فاضيه حطيها قبل مايجي العريس وتتزوجين بعدين ان شاء الله مابتحصلين وقت تحكين شعر راسك
    زي مايقولون ؟؟؟؟؟؟؟؟
    والخلطه غاليتي هي حناء ناعم طبعا + علبه عسل العلب الصغيرة الي في الفنجان والحناء زي 5 او 6 ملاعق حناء
    وكركم اذا تبغين الشعر يصير على ذهبي يعني ملعقه وعلشان مايبينلك لون الحناء في شعرك
    + بابونج تغلين كميه من البابونج في قدر ربع ساعه او10 دقايق واعجني الحناء بالماء حق البابونج +
    +سدر السدر برضه ينعم الشعر صدقيني الخلطه هذي مرة روعه واتمنى تفيد الجميع لاني انا مجربتها ها الخلطه
    لكن اختي اذا عندك بابونج وسدر حاولي تشطفين شعرك من باقي الماء حق البابونج لانه صدقيني ينعم الشعر
    والخلطه خليها سائله يعني الحناء مايكون جامد
    وبعد ماتحطينها خطي شعرك لمدة 6 او 10 ساعات وبعدين اغسليه بالمويا زي ماقلت قبل او بالماء لوحدة لا تغسلينه بالشامبوا اذا سويتي هذي الخلطه لان السدر والحناء هي تعتبر منظفات خاصة السدر واذا خلصتي ادهني شعرك بزيت
    فازلين وخليه شوي وبنسيه وماادراك ما التبنيس استشوار طبيعي للشعر
    لا تنسين اختي تردين علينا اذا جربتي هالخلطات والله يوفقك حبيبتي اختك والمحبة للخير دائماBeloved
  4. @aml_aamry

    صاحبة الموضوع
    هلا بالعسل مووومي مشكوره ياعمري على ردك

    وانا استعملت الزبده قبل مااقرأ ردك بس بدون زبادي زبده لوحدها خليتها تذوب على حراره الغرفه وبعدها حطيتها على شعري وحطيت فوقها زيت السمسم من شركه وادي النحل والله مااعرف اذا كانت هذه الزيوت مفيده او لا بس مالقيت غيرها

    وبالنسسبه للبحث اختى انا مااعرف استخدم البحث لكان استخدمته :44:


    واشكرك مره ثانيه وانا في انتظارك وارحب بك اي وقت

    تحييييييييياااااااااااااتي :26:
  5. @am_khald_alshryf

    السلام عليكم...


    الله يكون في عونك....

    قطعتي قلبي عليك....

    وحبيت افيدك بخلطه عندي انشاء الله تنفعك...

    تاخذين ماء القهوة بعد طبخها بدون هيل وتصفينها وتغسلين فيها شعرك عند النوم... وتلفينه على شكل طاقيه حول راسك (طريقه التبنيس)

    وبإذن الله تشوفين النتائج...

    واذا نفع معك ادعيلي...وللمسلمين

تابعي تجارب أخرى من هذا القسم.