شسوي بنات اخت زوجي..... استغفر الله ؟؟؟؟؟؟

الله يعينك ...انا اقول لو تهددينها وتقوليلها بنطلع كل الارقام اللي كنتي تتكلمين فيها من شركة الاتصالات وبنعطيها زوجك علشان يعرفك على حقيقتك اذا مادفعتي...وبعدين لازم تعلمين رجلك كيف يواجه الناس بحقه وكيف يتكلم ..كل مره عطيه دروس وعطيه امثله انه لو صار جيه شو ممكن ترد وتعمل ....الله يعينك صعب العيشه مع واحد بارد موووووت...هدديه بالانفصال اذا ماحاول يغير شخصيته ياأختي حاولي معاه قوليله انه لايكون انسان سلبي لأنه ماراح يقدر يتحمل مسؤليج بعدين مين يدافع عنج وعن حقوقج اذا الرجال مااخذلج الحق المرأة مهما كان تكون ضعيفه بدون رجال يسندها اسأليني أنا والله قهر لما الوحده ماتلقى اللي يعينها

الله يعينك لكن اهم شي ان زوجك يكون عنده موقف وقوة شخصيه لانك راح تتعبين بعدين
ولدرجة ان اهله مو عاملين له حساب اخته ترد عليه بكل وقاحه وتقول انها تكلم شباب من الطفش؟؟؟؟؟؟؟
ومثل ماقالو بعض الاخوات انتي غلطتي يوم قبلتي بشبكه رخيصه كان قلتي لخالتك انا غاليه وماارضى غير بالغالي
لازم تجلسين مع نفسك وتدرسين وضعك تمام ويمكن خيره انكم قاعدين 3 سنوات مخطوبين
الله يوفقك

ياحبيبتي مافي رجال يرضى في اهله انتي لاتزيدي عليه خلاص طنشو الرجال وادعي ربك انه يهديه ويسدد وانتو جهزو لزواجكم عيشي حياتك انتي وزوجك ولا تقعدي كل اشوي تسبي في اهله يضحكو عليك ماحد معبرك ومن هالكلام تذكريه بالسالفه في الاخير يحقد وينقلب عليك بعدين ادعي الله داااااائما اذا كان فيه خير لك يجعله من نصيبك واذا شر يصرفه عنك

بنات الله يهداكم اللي تقولها افسخي الخطوبة واللي تقول وشلون ترتبطين فيه .. الخ

انا من رايي انكم ما عاشرتوا الرجال 3 سنوات وعرفتوه مثل ما هي تعرفه ..
اكيد حبته وحتى لو الحب مو كل شي......... بس اكيد تشوف فيه اشياء تخليها تتعلق فيه..
بعقلها قبل قلبهااا ..

اتوقع البنت حطت ميزاته بكفة وعيوبه بكفة.. واكيد هي شايفة اشياء ميزاته اللي اصلا ما ذكرتها لنا
هي اطرحت المشكله وبس.. وهذا اللي يهمنا وانا ما اشوف اهله سبب انها تنفصل عنه

ولا حتى ضعف شخصيته سبب انها تنفصل عنه .. هذا مع الوقت باذن الله بيتغير وهي ممكن تكون سبب


اهم شي اخلاقة الحلوه اللي هي شايفته فيه وصلاته ودينه .. كل هذا لغيناه؟!

والواحد اذا جات تتزوج راح تتزوج الرجال وتسأل عنه.. ولا بتسأل عن كل فرد من افراد اسرته .. ماكان احد تزوج

يكفي انها مرتاحة مع زوجها وتعامل اهله بما يرضي لله وتعتبرهم اهلها وتتجنب المشاكل معاهم ..
..
وبعدين لا ننسى ما في حد كامل!!


---------------------------------------------------------------------------------------
اختي معليش طولت ..



بس الله يعوض زوجك خيييييير

اولا يفصل الخط اللي باسمه لاخته ... ولا تجيبين سيرة اخته لاحد اعتبريها اختك واستري عليها حتى لاهلك لا تتكلمين فيها وادعي ان ربي يهيديها .. علشان ربي يستر عليكم ..

ثانيا يفكر شلون يسدد الفاتورة(بالاقساط وعلى مدى بعيد ) ويتعلم من الدرس.. وسبحان الله يمكن خيره .. رب ضرة نافعة

وثالثا استعجلوا في الزواج كلما قربتي منه وكنتي معاه اتوقع مع الوقت ما راح يتأثر بأهله

واشحنيه دروووس بقوة الشخصية وشلون يقول لا ودايما قوليله احب تحاورني ما احب الرجال اللي وافقني على كل شي وبس

احنا زوجين نكمل بعض.. كل واحد يقول رايه بالثاني اذا شاف شي ولازم بينا دايما تصفيه حسابات التراكم مو حلو بين الزوجين يوووووولد مشاكل..

دايما حسسيه ان ما تحبين احد يستغله حتى لو انتي .. واذا انتتقدتيه قوليله احب الناس تشوفك احسن واحد بالدنيا
انقهر لما اشوفك كذا لان انا وانت واحد ..


ومع الوقت بتلمسين تغير باذن الله .. وطبعا مع ملازمة الدعاء ان الله يصلح الاحوال ويهديكم ويألف بين قلوبكم

وادعي لاهله ما تدرين يمكن تكونين سبب وثمره طيبة لهالعيله


وقولي الحمد لله ربي رزقني بزوج مثل هذا .. عيوبه قليله!!

ولا تصدقين اذا تركتيه انك بتحصلين زوج كامل لان الكمال لله.. ممكن تحصلين زوج اهله زينيييين وهو شخصيته قويه لكن يضربك مثلا او يكذب او يخوووووون ...الخ


دام استخرتي ربك فيه توكلي على الله .. فالدنيا ما تخلى من المشاكل

وتعاملي مع الموقف بكل بساطه وتدبر


والله يديم عليكم السعادة والتوفيق