بسم الله الرحمن الرحيم
موضوعي إلى البنات اللي قدر الله لهم انهم يتزوجون ويسكنون بمنطقه بعيد عن اهلهم بمكان مايعرفون فيه احد غير زوجها
مكان بلا ذكريات
بلا اقارب تزوينهم يسألون عنك
بلا صديقات او حتى معارف
مكان تحنين فيه بكل لحظه إلى امك واخواتك واهلك
انا لي 3سنين ساكنه بالقصيم واهلي بالرياض سعيدة مع زوجي مافي شي
ناقصني غير الناس دائما وابدا لحالي لان زوجي مشغول على طول الخط واصلا تحتاجين احد غير زوجك وما اعرف احد غير اخوان زوجي وطبعا تعرفون ان اهل الزوج مستحيل تاخذين راحتك عندهم لازم تنتبهين على كل كلامك وإلا بينتقدونك اكيـــــــــــــــــــــــــــــــــــد مو مثل اهلك إلى لو ((انبطحتي)) عندهم عادي؟؟
في لحظات تحسين اخواتك نسوك تعودي يعيشون حياتهم دونك ويقولون إسرارهم لبعض ويخبونها عنك لأنهم تعودوا على غيابك
وفي لحظات تحسين بوحده وطفش تدقين على وحده منهم ماترد او تخلي اطفالها يردون >>>>>ياصعبها هذي الحركه تجرح
احسها تقول فاضيه تبي تسولف وهي صادقه انا المحتاجه لهم مو هم المحتاجين لي!
ســـــــــــؤال يابنات مين مثلي مين تحس مثلي مين اخواتها مثلي او انا الحاله النادره
ياليت اللي بعيده عن اهلها تحكي لنا كيف وضعها وكيف تكيفت مع الجو الجديد؟؟؟
الموضوع مغلق