السلام عليكم يا بنوتات يا حلواااات
كيف حالكم ان شاء الله بخير
إذا تبغوا تعرفوا كيف حالي انا كمان بخير و سعادتي تزيد بالتواصل معاكم
ما راح اطول عليكم في المقدمات لاني انا نفسي ما احب المقدمات الطويلة:08:
طبعاً باين من العنوان ان الموضوع يخص أي وحدة عندها تكيس مبايض
و اللي ما عندها الله يحفظها منو .. و إذا قدرت تساعدنا نكون لها شاكرين
طبعاً تكيس المبايض زي ما كلنا نعرف يسبب الكثير من المشاكل
اللي ممكن نقسمها إلى مشاكل تخص المتزوجات بس و مشاكل تخص المتزوجات و الأنسات
القسم الأول يكمن في تأخر الانجاب بسبب مشاكل التبويض و تأخر الدورة الشهرية
طبعاً هذا الشي ممكن يكون مخفي يعني ما احد يعرفه غير المقربين لكن الناس الثانين ما راح يعرفوه
القسم الثاني من المشاكل بيكون ظاهر للكل و هذا اللي يتعب النفسية
طبعاً هذا ما تسلم منه المتزوجة و الانسة
زي حب الشباب ، زيادة الوزن، زيادة شعر الجسم و الوجه، تساقط الشعر
تبقع الجسم، زيادة التعرق .. و الله أعلم إذا في مشاكل ثانية و لا لا
البنات
طوليتها و هي قصيرة احنا كلنا عارفين هذا الشي ايش الجديد في الموضوع؟؟:09:
طيب طيب انا عارفة اني ما قلت شي جديد .. الجديد هو اننا نحاول نساعد بعض
في النوع الثاني من المشاكل لأن النوع الأول يحتاج اشراف طبي و متابعة دقيقة
طبعاً احنا عارفين انو تكيس المبايض ما له علاج نهائي يعني راح يلازمنا لآخر العمر
يعني عارفين ان المشكلة الداخلية ما لها حل نهائي على الأقل خلينا نعيش حياة طبيعية في الظاهر ... كيف؟؟؟
كل وحدة تحدد المشاكل الظاهرية اللي عندها و كيف عالجتها و هل نفع العلاج و لا لأ.
راح أبدأ بنفسي
المشاكل الظاهرية هي:
أولاً: تساقط الشعر
يعني بعد ما كان شعري طوييييل إلى نهاية الظهر و كثيف و سميك:32: و لامع
أصبح قصير و قلت كثافته إلى الربع و أصبحت الشعرة خفيفة كشعرة الاطفال
باهتة بلا لون هذا ما عدا الفراغات :06:... و الحمد لله على كل حال.
العلاجات المستخدمة:
علاجات كثيرة من فيتامينات و مقويات و شامبوهات
لكن أفضلهم من حيث النتائج رغم ان التساقط ما زال مستمراً و لم ترجع كثافة شعري أبدا
بخاخ Astragene
لون العلبة كحلي و الورقة اللي عليها أبيض.
ثانياً: حب الشباب
من يوم عمري 11 سنة أعاني من حب الشباب إلى الآن يعني 14 سنة عذاب من الحبوب
و ما أقدر أعد الادوية و الكريمات و الصابون اللي استخدمته بدون فايدة
أفضل علاج من حيث النتائج
جبوب رواكتان لمدة 6 شهورصحيح خلال فترة العلاج صارت بشرتي رووووووعة ناعمة و ما فيها دهون .... لكن يا فرحة ما تمت:06: لأنو بعد شهرين من نهاية العلاج رجعت الحبوب بالتدريج
و المعروف ان رواكتان اخر العلاجات لحب الشباب واقواها على الاطلاق و ما يستخدموه إلا في الحالات المستعصية وتحت اشراف طبي بسبب آثارها الجانبية
يعني يظهر انه ما في أمل ان هذي الحبوب تروح .. لكن الامل في الله كبير
يا للا يا حلوات همتكم معايا خلينا نتساعد عشان نكون أحلى و نحس اننا طبيعين على الأقل قدام الناس
و سامحوني إذا طولت عليكم .. بس ايش أسوي تعبت من التفكير و ما لقيت غيركم يشاركني همي:42:
شاركي في النقاش
سجلي الدخول لإضافة تعليق.
التعليقات
5- تحيه وبعد....
الله يشفيك يا حبيبتي... لكن انا الحمدالله ما اعاني من هذا المرض....
بس استخدمت الروكاتين لمده سنه كامله :( والحمدالله راحت كل الحبوب بفضل الله ثم بفضل الدواء - لك روحي
تسلميلي انت الوحيدة اللي عبرتيني رغم انك ما عندك تكيس عسى ربي يحفظك و يحميك من كل شر
بس سنة كاملة مو كثير؟؟
كم غرام كنتي تاخدي في اليوم؟؟ و كم وزنك؟؟
أنا كنت آخذ أول شي 10 غرام لمدة اسبوعين و بعدين 20 غرام لمدة شهر و بعدين 30 غرام و آخر شهر في العلاج 20 غرام
مشكلة هذا الدواء انه يزيد الطين بلة يعني يطيح الشعر و انا شعري يطيح خلقة غير باقي الآثار
بس عموماً اكرر شكري لك
:26: - عندي كلمة صغيرة
ما شاء الله تبارك الرحمن .. اللهم لا حسد
يظهر اني الوحيدة من اللي عندهم تكيس و تعاني من هادي الأعراض ... كنت حابة استفيد من خبراتكم .. معليش ما لي حظ معاكم ... إلا إذا كانت الأعراض اللي اتكلمت عنها ما لها أهمية فهذا شي ثاني
ياللا شكراً لتعاونكم معايا - تحيه وبعد...
انا استعملت 10 جم لمده 6 شهور وما كان الدكتور يقدر يرفع لي الجرعه.... لاني كنت اعاني من جفاف شديد ... كان معي نزيف بالانف :(.... واكرمك الله امساك مع دم ... كل ذلك بسبب الدواء لاني تاثرت فيه مره
بعدين زاد لي الدكتوره الجرعه 20 جم لمده 6 شهور....
وعلى فكره انا بشرتي كانت كويسه ما فيها حبوب كثير بس انا اصريت على الدكتور استخدم الروكاتين لان سمعت انه يصفي البشره حتى لو ما كان فيها حبوب يعني يوخر اثار الحبوب.....
والحمدالله كانت النتيجه كويسه....
طيب حبيبتي انتي لازم تعالجين التكيس عشان تاخر الانجاب؟؟ والا انتي مو متزوجه؟؟
والله يشفيك يا حبيبتي
ودعواتك لي بالذريه الصالحه عاجلا غير اجل يا رب العالمين - انا بعد عندي تكيس
بس ما اقدر افيدكم بخصوص خلطات الشعر و البشرة ..الخ
لان ما عندي خبرة بالموضوع ومن 3 ايام فقط عرفت عندي كيس
بس هو اكيد التكيس راح يلازمنا طول العمر؟
مافي امل انه يزول؟
مواضيع مشابهة
تابعي تجارب أخرى من هذا القسم.