نبغاهنـ عونـ... يصيرونـ لنا فرعونـ !!!
السلام عليكم ورحمة الله وبركاته
والله ما أدري كيف أبدأ
يا بنات، أحس إن بعض العضوات "دفشات"
واسمحولي على الكلمة
يعني أحيانا البنت يكون عندها مشكلة،وتستشير البنات عشان يساعدنها
وهن لأ... وهاتي عتاب ولوم... وانتي من البداية غلطي وانتي مفروض :angry2:
وليه وانتي مكبرة الموضوع!!!! عن أبوه
البنت مسكينة تستشيركن
ولا البنت يكون فيها ضيقة، وتبغي تفضفض <<< تدرون أحيانا الواحد أحسن يشكي للي ما يعرفه شخصيا
يعني بس عشان يخفف من اللي في نفسه شوي
لكن لأ... بعد يطيحون عليها نصايح ومفروض ومرفوض
يا بنات... تعاملن باللين شوي <<< طبعا أنا ما أعمم كلامي لجميع بنات عالم حواء
يعني في ناس لما يتضايقون يكتبون <<< شعر، قصة، خواطر، أي شي بس يخففون عن نفسهم
في ناس يقفلون على أعمارهم، وطيح يا بُكى :icon33: <<< هذي أنا :)
وفي ناس ما يعرفوا يتصرفون، فيبغوا يتكلموا وبس :talker:
يفضفضوا.. يحكوا، وأحسن للي ما يعرفونهم شخصيا
فنداء ورجاء مني
لما تدخل وحدة تكتب موضوع مضايقبها شوي
حاولوا تخففوا عنها شوي... حسسوها إن الدنيا بعدها بخير :)
وإن لابد ومشلكة لها حال
ما تطيحون عليها عتاب... وبكذا حالتها تسوء وتقول انتوا والدنيا علي
وأنا الصراحة، وايد شفت من هذا الشي في المنتدى
وصادفني شخصيا :(
على العموم.. أتمنى من كل أعضاء المنتدى التعاون
"نبغاكنـ عونـ... لا تصيرونـ لنا فرعونـ "
تحياتي
بقـ إنسان ـايا