شاركي في النقاش

سجلي الدخول لإضافة تعليق.

التعليقات

23
  1. drrubbey1982
    ايه يا حوامل مصر؟؟؟؟انتم فين................الموضوع سهل أوى ولاهى
    اخيرا مصريييييييينننننننن


    طيب قبل حاجات البيبى جبتو لبس الحمل منين :D

    بصوا فى كذا محل بس احنا لازم نتكلم فى الماركات

    انا لسه مجهزتش حاجه

    بس أصحابى بيقولولى ان احسن ماركات هى الصياد و بابيون ( قطن مصر 100 %)

    يالله تفاعل الليه يخيكو

    والاول نتعرف على بعض

    انا ندى

    بكريه وحامل فى السادس الحمدلله
  2. do3a2
    انا كمان من الاسكندرية واسمع ان الصياد حلو بس ممكن حد يقولى القيها فين وفى كمان طهيو
    السلالالالالالام عليكم بنات مصر الحلوين
    ربنا يكملنا حملنا على خير ويرزقنا حمل كامل وولادة هينة وذرية جميلة الخلقة والخلق

    بصوا بقى يابنات
    بالنسبة للبس الحوامل فيه انجيليك في شارع النزهة بعد الدفاع الجوي على صفه يعني عنده من كل شيء للحوامل بلوزات جيبات بنطلونات كل حاجة
    في mother to be في الميرغني بس غااااااالي موت

    لبس الأطفال بقى
    love & care فرع في عباس العقاد ورا شيخ البلد وفرع في سيتي ستارز
    our kids فرع في مدينة نصر اخر مصطفى النحاس وفرع في المهندسين
    kids park....child mall دول محلين في اخر مكرم عبيد قرب السراج مول
    lovely في مكرم عبيد برضه
    seseme club في اول مصطفى النحاس
    zero to five فرع في كارفور المعادي وفرع في المهندسين كبير وحلو
    الصياد في مساكن شيراتون قدام النساجون الشرقيون

    في بقى في سيتي ستارز محلات كتير للأطفال بس غاااااااالية جدا عشان ماركات زي mother care بس الحقيقة دا يستاهل بس بيني وبينكم العيال في السن الصغير دا ولا حاجة بتبان عليهم

    انا رأيي بقى الحاجات اللي ماتستخسروش فيها هي البوسيت (عربة البيبي يعني) في انواع حلوة وتستحمل زي graco
    لكن لبس البيبي جيبي طقمين تلاتة شيك حلوين عشان لو جه ضيوف لكن الباقي هاتي الحاجات العادية عشان الرضاعة والقشط بتاع العيال هيقرفكم
    هاتو بافيتات تكون خفيفة مش بشمع عشان بتكون غلسة وواقفة كده وهاتو منها كتير يجي 12 واحدة هتتهروا قشط
    الفانيلات لو هتولدوا في الشتاء هاتو 8 كم و8 كت لأنك هتلبسي كذا واحدة عشان الدفا
    طبعا الكفوف مهمة وماتكتروش بالسالوبيتات اللي مقفولة الرجلين عشان هتصغر بسرعة
    ياريت لو فيه بنطلونات او كولونات عشان يتدفوا
    طبعا هاتي كوفرتتين من النوع القطني المربع عشان تلفي فيه البيبي ولو في الشتاء هاتي واحد كمان صوف
    هتحتاجوا بطانية ولحاف وسرير بيبي وكاريكوت وشنطتها
    حوض البيبي وومكن تستغني عنه لو اتمكنتي انك تحميه في الحوض العادي بتاع الحمام بس لازم تشتري السافنجة اللي ماتخليش البيبي يتزحلق
    بصو لو افتكرت حاجة تانية عشان اكيد فيه تاني بس فصلت والساعة واحد بالليل

تابعي تجارب أخرى من هذا القسم.