السلام عليكم ورحمة الله وبركاته
كيفكم ياحلوات
الصراحه انا عندي مشكلة متعبتني حييييييييييل وقلت بإذن الله ماراح يحلها لي بعد الله الا بنات حوا
حبايبي المشكله هي تمسيح السيراميك ياهو جابلي المررض احس ان كل طاقتي تروح فيه
اولا انا ماانظف بيتي الا من اسبوع لاسبوع وهذا بحكم شغل زوجي يكون كل الاسبوع مو عندي مايجي الا الاربعاء والخميس والجمعه والايام الباقيه اكون في بيت اهلي لان عندي جامعه ومااقدر اروح معاه واسيب الجامعه
الحاصل اني يوم الاحد اغسل الغسيل ويوم الاثنين اكوي ويوم الثلاثاء دوامي الساعه 12 ظهر فأنا اصحى من 6 الصبح واروح بيتي وابدى انظف الغبره وامسح الكنب بفوطه مبلله بمعطر وبعض الشغلات المعتاده من مسح دواليب المطبخ وتغيير قصدير البوتوقاز ومسح الطاولات المشكله ان هذي الحمد الله ماتتعبني والشغل مايكون كثير مرره لاني ماعندي اولاد بعدني جديده ههههههههه يعني كل شي يكون مرتب بس امسح الدنيا واخلص والا كل شي بمكانه مافي شي مو بمكانه لكن التعب كله بالسيراميك المصيبه اني لمن امسحه بالممسحه واخليه الين الارضيه تنشف يعني ممكن ساعه مااعدي من المنطقه اللي مسحتها و تشوفينها وش حلاتها بس تمشين تطبع رجولك يعني وانتي تمشين تشوفين رجولك مطبعه فانا مالي الا اني اغسل الارضيه وماشاء الله بيتي مو صغير شقه كبيره ولمن اغسل لازم وانا امسح المويه اشد على الممسحه بيدي عشان ماتبقى بقايا لها لاني لو رجعت مسحت مره ثانيه تبين حدود الممسحه وانا ابي الارضيه تلمع ومافيها اي اثر وبصراحه الشغله هذي ذبحتني احس حيلي كله مهدود ويدي تحمر والدم يتجمع ويكون خطوط حمرا بيدي والله يابنات اي شي احسه يطبع فيه نقطة المويه تبين فيه بسرعه وانا بصراحه كل خوفي من الاجازه ماني عارفه وش اسوي عاد بالاجازه الشغل بيكثر وتقريبا كل يوم او يومين ابي اغسل عز الله يومي كله راح يروح بالشغل
وربي ودي ابكي من التعب ابي حل جذري ماشاء الله عيني بارده على اللي بس تمسح بيتها وخلاص تخلص الله يهنيها ويريحها
ابي حل الله يوفقكم وربي ماتعرفون قد ايش بتاخذون فيني اجر لاني والله تعبت حيييييييييييييييييل
اسفه حبايبي طولت عليكم بس والله هذا كله من زود الحره اللي بقلبي ومصيبتي الكبرى اني اكبر موسوسه
ريحوني بالحل الله يريحكم بالعافيه ويسعدكم بحياتكم قولوا امين وياجعل الجنه نصيب كل من ترد علي وتعطيني الحل
شاركي في النقاش
سجلي الدخول لإضافة تعليق.
التعليقات
10- مرحبا حبيبتي
الله يكون بعونك أنا تمسيح الأرضيات تقطع ظهري
وبالنسبه لطريقتي بتنظيف الأرضيات
أحط شوي كلوركس تقريبا بياله مع ملعقة العملاق الأخضر مع لترين ماء وحطهم بسطل وجيب الممسحه ألي راسها أسفنجه حاطه صورتها وحده من الخوات روعه أغمسها في السطل ومسح الارضيات وبدى غرفه غرفه
أول غرفه أمسحها من أولها وبعدين أجيب فوطه ناشفه ولفها على ممسحه العاديه ونشف فيها الماء وبكذا مايكون فيه أثر لرجولك
وممكن تحطين بليدج للأرضيات مع ماء وتغمسين فيه الممسحه ألي راسها أسفنجه ومسحي الارضيات وماتمشين عليه لين ينشف
وبعدين أنتي ماتتواجدين على طول بالبيت وذا ماعندك أطفال أفرشي بعض الغرف بسجاد وبكذا ترتاحين من المسح - ياحبيبتي مشكورة يعطيك الف عافيه وربي ريحتيني باذن الله انا ناويه اشتري مثل الممسحه اللي عندك حاسه انها بتساعدني وراح اسوي مثل ماقلتيلي وان شاء الله تضبط
الله يوفقك يارب ويسعدك دنيا واخره ويريحك مثل ماريحتيني - أحسن طريقة يستخدمها الكثير
وتختصر الوقت والجهد
ونتائجها رائعة
اكنسي السراميك كله بمكنسة كهرب علشان ما يطير الغبار عليك وعلى الأثاث
ثم
المناشف القديمة قصيها بالنص واخفسيها في الوسط ودخليها في الجلاية وهي رطبة شوي ( ماء +مطهر داك بالورود)
وابدي امسحي
وإذا احتجتي رطبيها شوي
وبس
بالتوفيق - عندك يالغلا بليدج لسرميك والرخام رائع
بممسحة لها عصى طويله وحاذري من الاننحناء الخطاء درة نجد أحسن طريقة يستخدمها الكثير وتختصر الوقت والجهد ونتائجها رائعة اكنسي السراميك كله بمكنسة كهرب علشان ما يطير الغبار عليك وعلى الأثاث ثم المناشف القديمة قصيها بالنص واخفسيها في الوسط ودخليها في الجلاية وهي رطبة شوي ( ماء +مطهر داك بالورود…
ياحياتي مشكوره يعطيك الف عافيه والله ابي احاول اسوي كل شي مابخلي ولا شي الا واجربه حتى لو اعرف اني امسح كل قطعة سيراميك لوحدها ........(( عز الله ماخلصت ))ههههههههه
مواضيع مشابهة
تابعي تجارب أخرى من هذا القسم.