شلونكم ياكروشات
عطيتكم الهرجة كلها بالعنوان
بدون لف ودوران ماودي اني اغث اهلي في نفاسي طبعي كذا سبحان الله حتى بالاجازات ما احب اطول احس انه الوحده مالها الا بيتها وخاصة اذا كان عندها عيال
ابي خبرتكم ونصايحكم متى اقدر ارجع لبيتي بعد الولادة بعد اسبوع او اسبوعين او اكثر ولا لازم اكمل الاربعين كلها
علما ان مارح يكون عندي شغالة وعندي بنت من قبل
وبيتي بمدينة ثانية يعني رح يكون فيه سفر يمكن ساعتين
هل شغل البيت أو السفر رح يأثر علي وانا نفاس
واي نصايح اخرى لا تبخلون بها علي وجزيتم خيرا
شاركي في النقاش
سجلي الدخول لإضافة تعليق.
التعليقات
16- الله يقومك بالسلامه
بس لو انا بمكانك جلست لحد ماخلص الاربعين
لان النفاس يبغى راحه جسديه ونفسيه
بس كل وحده ادرى بظروفها
وانا اشوف انك تجلسين عشرين او ثلاثين يوم
لانك راح تتعبي وخصوصا انو ماعندك شغاله تساعدك والوحده بعد الولاده
تكون متفككه والتعب يأثر عليها على المدى البعيد
وجهة نظر واتمنى الاخوات يفيدو1 بارائهم - اجلسي لحد ماتخلصين الاربعين
لان النفاس يبغى راحه جسديه ونفسيه
وماعندك الا بنت وحده لو عنده 4 او 5
ممكن الوحده تجلس شهر او 20 يوم - الله لايخلينا ولايخليك من اهلنا
يااختي اقعدي وريحي راسك وجسمك وسبحان الله النفاس فيه ضيقة صدر وغلقه لو بتقعدين لحالك بتكتئبين
بس الاهم من هذا كله نفسيتك ببيت اهلك يمكن انتي ماتحبين تقعدين عندهم اصلا؟؟
اذا كان وضعك كذا ارجعي لبيتك بعد اسبوعين بس لازم تجيبين شغاله مؤقته اقل شي تنظف لك البيت وتخدمك
الله يهون عليك يارب - جيبي شغاله مؤقته والسفر مايضر لو بعد 3 ايام
بس انتبهى اذا رحتى لازم تهتمين باكلك وراحتك ,,وجيبي شغاله مجربه - تبغبن نصيحتى اجلسى عند اهلك كل الاربعين انا عندى 3 وهذا الرابع واهلى بعيدين يمكن ساعتين ونص وراح اجلس النفاس كلة
عندهم الوحدة تلاقى الى يونسها ويريحها لاحقة على الرجعة تغلى على زوجك وترجعين وكانك عروس وهذى وجهة نظرى
مواضيع مشابهة
تابعي تجارب أخرى من هذا القسم.