شاركي في النقاش

سجلي الدخول لإضافة تعليق.

التعليقات

103

  2. @bsm_braaa

    مرحبتين يا عسولة..
    من خلال تجربتي-زميلاتي وحمولتي يقولون إني كشخة بس أنا من جنب القدّة :)-
    الكشخة, في البساطة الـ "غريبة"
    أنا ما تجذبني مثلا اللي قلتي إنها لون واحد..المناكير والشنطة والإكسسوار...إلخ..بالعكس أحس إنها قريوية شوي, وأقصى كشختها إنها تطقّم كل شي لون واحد..وما أنصحك تسوين مثلها..
    نصيحتي لك كالتالي:
    أولا: اشتري شنط ماركة أنيقة..ابعدي عن المشجرة واللي خرابيطها واجد..وابعدي عن اللي عليها أسماء ماركات..تراها صارت مستهلكة..خذي لك شنطة وحدة كبيرة وجلد, وغامري شوي..خذي حمرا مثلا, وإلبسيها مع تنورة جينز ميدي وتي شيرت مااااسك على الجسم (يكون لونه يمشي مع الأحمر, بس مو أحمر..)مثلا بني, أو بيج, ..وحطي حزام بني نازل عالخصر وشبشب عالي -شوي-بني..وإذا كنتي رايحة لاستراحة مع حمولتك مثلا, ارفعي شعرك بنظارة ديور أو غوتشي..
    لاتقولين ما يهمني الميك أب..لازم يهمك..وانا مثلك ما أواطن المكياج اللي كأنك مصفّقة من كثر الألوان..بس لازم كريم اساس, وما أحط بودرة, أتكحل بكحل بني, وماسكارا, وبلشر برونز وقلووووووووووووووووووس..القلوس أهم شي, بعدين ابخ بخاخ mist من ميك اب فور إيفر أصير ألمع(مو لمعة سهرات, لأ ,,لمعة برونزية, كأن وجهي مرطب)..
    هذا لوك بسيط..وبنفس الوقت أنيق..
    بالنسبة للدوام..مرة لبست تي شيرت بسيط وسادة من مانغو لونه أسود وعلى الجسم..ولبست تعليقتين (يجون مع بعض) من برومود, طوااااااااال مرة, بس ماخليتها متدلية على صدري, جبتها من فوق كتفي الأيمن لين تحت ذراعي الأيسر (كأني شايلة شنطة) وكان وحدة لونها أسود والثانية ابيض..ولبست كاوتش أحمر وحطيت روج أحمر..وكل زميلاتي يطالعوني ويقولون :حركاتك مستحيل نسويها, بس إذا سويتيها ودنا كلنا إنا سويناها قبلك ..
    الشكل الغريب هو اللي دايم يجذب..أهم شي ما يكون شاذ ولا منفّر..والأفكار كثيررررررررررة..وكلامي أكثر:):)

  3. @am_alrkny

    صاحبة الموضوع
    ما شاء الله يابسمة براءة من كلامك باين أنك كشخة ...

    أقول لخواتي ما تعجبني اللي جاية كلها لونين متعاكسة يقولون بالعكس حلوة .. أحس كنها ملونة بالطول بلونين ...

    لو أقول لك أني ما عندي شنطة مكتوب عليها اسم الماركة يمكن ما تصدقيني لأني بصراحة صرت أشوفهن عند أبو ريالين من كثرهن ..

    بالنسبة للدوام أنا من النوع اللي عملي وكثيره تنقلاتي علشان كذا ما أحب الجزمة العالية دائماً كوتش وبالنسبة للبس محدد لنا بالأبيض والأسود علشان كذا ما أشتق ..

    بصراحة بالنسبة لشعري دائماً مرفوع لأني جربت أفكه يجي نهاية الدوام وتشوفيني تقولين بسم الله الرحمن الرحيم ..

    علشان كذا لو عندك أفكار للدوام أتحفيني .. شاكرة تعاونك ..

  5. @oathk_alkhta

    أهلين اختي ام الركني

    بالفعل انا اضم صوتي لصوت الاخوات فعلا مو حلو اللي تجيك مطقمه لونين :09: على بالها كاشخه

    طيب شعرك وش رايك تسوين له تمليس ولا ريلاكس وتاخذين راحتك وتجلسين تلفحين فيه من اليوم لبكره:) ترا مهما كان مظهرك وشعرك مفتوح يعطيك نعومه وانوثه اكثر طبعا مع التغيير مره مرفوع مره مفتوح مره نص ونص تغيير

    بالنسبه للملابس حاولي تركبين الوان على بعض واستفيدي من اراء بعض البنات وغامري بالألوان بدون جنون مثلا تلبسين تنوره بيضاء ميدي مع بلوزه برتقاليه اكمام قصيره او جبنيز وتلبسي تحتها بلوزه اكمام طويله موف مع طوق وحلق وتختارين لون واحد من الالوان الثلاثه اللي قبل مع صندل

    او بلوزه سودا اللي تجي منقطه بأبيض حتى لو تكون ساده مع بنطلون جنيز ازرق غامق مع صندل وحلق وساعه ويكون احمر

    وتحاولين تنسقين البلابز والتنانير اللي عندك وتعاكسينهم بحيث تطلعين بكذا طله مختلفه

    ولاتكثرين اكسسورات مثلا على قولتك خاتم وساعه بالعكس مناسب لاتزحمين نفسك بالاكسسورات لو بتلبسين سلاسل طويله يفضل البلوزه تكون ساده عشان ماتصير زحمه وحوسه ويبين جمال اللبس

    الأحزمه تعطيك اناقه على اللبس مو طبيعيه

    والمكياج اهتمي فيه مهما كان هو سر من اسرار المرأه

    والشنط اختاري لك وحده فخمه وحاولي تبرزيها بالتعليقات بالأشاربات والجزم حاولي لو مرتين في الأسبوع تلبسين كعب لأنه يحلي الجسم شوفي وحده لابسه جزمه رياضيه وماشيه ووحده لابسه كعب وشوفي الفررررق حتى المشيه والرزه تفرق

    اتمنى اكون افدتك ولو بالقليل

    موفقه وان شاء الله تكونين اكشخ وحده :27:

تابعي تجارب أخرى من هذا القسم.