{^*_*^}{^*_*^}بنات بريــطانيــــــــا UK حياكــــــــم الله {^*_*^}{^*_*^}

مشكورة اختي

ايوة ابغى معهد يكون فيه كلاس نسائي في بورمث او حتى اي مدينة ثانية ؟؟

السلام عليكم

اخباركم جميعا ودي ارد عليكم لكن فاتني كثير :06:

واهم شي

الحمد لله على سلامتك يااخت شماليه ولاباس طهور ان شاء الله


وسلامي للجميع

بنات ويش فيكم اليوم مكسلين صح ما أشارك معاكم كثير بس احب اقره كلامكم واستفيد من تجاربكم الحلوة
بعدين لوسمحتوا انا متوهكه ماني عارفة اظبط مينيو لللاكل كل يوم اقعد احوس ويش بسوي غداء تكفون ممكن احد يساعدني

طيب يابنات لو حن على زوجى واخذنى معاه يارب كيف الجو شهر جولاى واوقست برد مطر حر ايش اجيب ملابس معى

السلام عليكم

معليش تراني غبت عنكم بشوف غلاتي عندكم <<<<<<<<<<< من زينك عاااااااااااد

لا والله ولدي كان تعبان ( بعيد الشر عن عيالكم )

فيه كحه تقطع القلب

وشكله عاد اعداني

او فيه فايروس منتشر بالجو فمرضنا احنا الاثنين .

فاعذروني على التاخير بالرد على بعض البنات

ماشاء الله ماقدرت اقرا كل الصفحات

ابرد على اقدر عليه وان نسيت احد العذر والسموحه .

--------------------------------------

شمس

جامعة لانكستر مافيها تخصصنا للاسف

ولا ودي

تخصصنا بجامعتين بس ساوث امبتون وادنبره :(


----------------------------------------

ميشو

والله اخباري تمام الله مير يسلمك

احنا لا مو لغه وبس

احنا لغه وقبول في ادنبره لدراسة الماستر والدكتوراه بس الله يسخرهم لنا , طالبين درجة عااااااليه بالانجليزي

و جاينا عرض احسن في ساوث امبتون اذا جبنا درجة معينه في الايلس نروح لمها

وعسا الله يكتب الي فيه الخيره


على فكره انتي باي مدينه ؟
----------------------------------------------------

ميمو

ماشاء الله حركات وطبخات ودنيا

اجل الدراسه وينهي هههههههههههههههه

بالنسبه للحديقه انا رحت لها مره وحلوه عجبتني

اذا كنتي جايه من ناحية المسجد ( المسجد ورا ظهرك وكنك رايحه لحي قلمترون )

بيجيك بابا جونز على الزاويه

لفي معه يمين وامشي شوي سيده وتلقينها

عند حي مارشمونت قريبه من مستشفى الاطفال على ماعتقد

ممكن تبحثين عنها بالنت

خلينا نطلع لها يوم قبل مادخل الشهر التاسع .

وادنبراويه معنا

وقولي لي قبلها بيوم عشان استعد , وانتي ماعليك اطلعي من المعهد واتجهي على طول للحديقه :)

فيه حديقه ثانيه اسمها ( حديقة الورد ) بوتنيك قاردن , بعيده شوي ولا قد رحت لها تاخذين باص 8 . بس برضه يمدحونها

قرري وعلميني




يااااااااااااااحبي ياناس للسنعات ولو اني منيب منهم :)

تسلمين ياقمر اهم شئ نشوفك بس

ماتبين نروح للميدوز ؟<<<<<<<<< راحت لها مره وصجت العالم عندها :)

---------------------------------------------------

حورية على الارض

انا ناويه اشتري كريمات التشقق من بوتس بس المفروض من الشهور الاولى تستخدمينها


--------------------------------------------------

الي تسال عن اجهزة الابت توب

انا واهلي واهل زوجي كلهم خليتهم يستخدمون فيجستو سمنز

بس طبعا فيه انواع

عملي وقوي ويتحمل والاحسن قليل مايعلق .

بالنسبه لديل و اتش بي هذولي خلقه مااااااااااااااااااااااااااااااااااااااحبهم لاني دايم القى مشاكل منهم

وتوشيبا من عرفته وهو جهاز يعلق

وايسر رخيص ويكرف لكن ماتحملين عليه اشياء كثيره وبعد فتره يبدى يعلق

فيه ماركه يمدحونها لكن للامانه ماجربتها اسمها ASUS باديه تشتهر وعليها سوق كبير .

واشوف في مجلات الكمبيوتر مواصفاتها خطيره

----------------------------------------------

شماليه

حيا الله مطول الغيبات

ماتشوفين شر يالغاليه

وتوه ينور الموضوع

وعسا الله يجزاك خير ياااارب

------------------------------------------


فرح


هلا والله شخبارك وش اخبار مجودي

سالتيني عن عزيمتي

الصراحه اني كنت خاااااااااااااااااااايفه مره لاني ماعمري سويت عشا لرجال

<<<<<<<<<< يقعد عندها الغاز 9 شهور ماخلص .

عاد كل شئ صار تمام الحمد لله , بس قهرني واحد اعتذر على اخر لحظه وبقى شوي من الاكل

وانا خلقه ماعرف اقيس الاكل فصار كثير شوي وجلسنا فتره ناكل منه :)

عاد ماعمري نويت اصور شئ

يوم جيت اصور هالانجاز هذا عشان اوريه امي تفرح تشوف اني اطبخ

واثر البطاريه مخلصه

بغيت اصكها بالجدار , قلت الشره موب عليك الشره على جاي يصور

والحلى سويته من اسسسسسسسسسسسسسهل شئ

اخذته من هذا الموضوع

http://forum.hawaaworld.com/showthread.php?t=1135723

وبالنسبه للصيام في بريطانيا

يوم قلتي ودي افطر بالحرم

طقتني العبره قسم بالله

حالتي زي حالتك , انا زوجي اذا جاب درجه زينه بالايلس ابروح ( وعدت امي )

عاد عساااااااااااااااااااااااااا الله يوفق رجلي ورجلك قولي امين ويجيبون احسن الدرجات ان شاء الله .

اول ماجيت عادي مره وضعي هنا

لكن الحين احس بشووووووووووووووق الله به عليم .

عسا الله يرجعنا لاهلنا سالمين وغانمين يااااااااااااااااارب.

------------------------------------------------


ام هنو

كل عزيمتي وانا ادعي لك

اخذت طريقة الكشنه من موضوع لك قديم والصراحه طلعت مررررررررره لذيذه

بالنسبه للسفر

انا كنت اسافر كل عشر ايام مرتين ( ذهاب واياب ) في السعوديه بالطياره من الرياض للقصيم

من اول الاشهر لحملي لحد مادخل التاسع والحمد لله ماواجهتني مشاكل الا الام الظهر

انتي استخيري

--------------------------------------------------------------------


سلااااااااااااااااام

واذا نسيت احد سامحوني

تراني ماقريت كل الردود

:)