السلام عليكم
دكتوره انا والده لي اكثر من 3 شهور ونص وهذا كان اول حمل لي وولدت طبيعي بس الغريبه بعد الولاده محدش ضغط على بطني علشان تطلع بقايا المشيمه هل هذا الشئ عادي؟
في الاربعين مانزل علي دم كثير الا اول الايام بعد كذا كان ينزل شئ بسيط وانا يا دكتوره ماارتحت بالاربعين ولا اهتميت بتغذيتي
بعد ما خلصت الاربعين ب 3 اسابيع جتني الدوره وطولت وزادت في الايام الاخيره حيث كنت اكملت 14 يوم تقريبا رحت لدكتوره وقالت لي خذي حبوب Micronor علشان ترفعها( انا ارضع ولا استعملت موانع ابد قبل Micronor وكانت الدوره منتظمه قبل الحمل)
بعدين انقطعت يومين وارجعت اقوى من اول واستمريت على هالحال شهر ونص في خلالها اخذت حبوب dicynone اللي علبته حمراء حبيتين معا 3 مرات يوميا مدة اسبوع ولا فاد اخر شئ عملت سونار قالوا لي ما عندي تكيس بالمبايض بس عندي سماكه ببطانة الرحم حيث ان سمكها 18 وانه ما عندي تبويض وانه الحمد الله ماعندي ورم ليفي او زوائد لحميه من تحت
وعملوا لي مسحه من عنق الرحم والحمدالله كانت سليمه بعد كذا اعطوني حبوبprimolut N علشان ترفع الدم ولما بديت استعملها قطعت حبوب Micronor . لما استخدمت Primolut N كانت تنزل علي صفره و كدره واحيانا قليل من الدم طول مدة استخدامها لمدة 3 اسابيع كان اخر حبة اخذتها الاثنين بالليل والحين احنا الخميس الصباح ونزل علي اليوم دم احمر غامق قاني مو فاتح كميته مثل كمية دورتي العاديه بس ما احس ان ماله ريحه هل هو حيض ام استحاضه؟
ونصحوني زميلاتي انه اذا جتني الدوره اشرب كاسة قرفه الصبح وكاسة قرفه بالليل اول يومين علشان تنزل اللي فيني وش رايك دكتوره اسمع كلامهم؟
وللعلم دكتوره سويت تحليل حمل بالدم وماطلعت حامل:44::44::44:
وعلى فكره عمري 26 سنه
ارجوك دكتوره قولي لي وش السالفه؟ هل هي لخبطة هرمونات مثل ماقالوا لي ولا فيه شئ ثاني؟ مع العلم ما عملت اي تحاليل تخص الهرمونات
دكتوره ودي ارضع بنتي على الاقل لعمر 6 شهور خاصه اني ولدتها اقل من 3 كيلو شوفي لي حل الله يرضى عليك
بانتظار ردك
موضوع جديد لتلقى الاسئلة للدكتورة راندة
متابعة النقاش، صفحة 158