##كيكة أصابع الرينجوووووووووووو##

السلام عليكم ورحمة الله وبركاته



بعد ماشجعتوني بالردود على الكيكة العسكرية ماشاء الله حطيت الموضوع ورحت لحفل تخرجي من الجامعة

ولما فتحت الموضوع لقيت الردود اللي تفتح النفس ............

واطير بالعجة وقلت يابنت صكيهم باحد الكيكات اللي مخزنة صورهم :oوتو تعرفين التحميل>>>>>مصدقه نفسها خخخ

وهاذي كيكة اصابع الرينجو ان ماشفتها بالمنتدى بس يمكن موجودة <<<<<<الله اعلم


[

المقادير
كيك امريكانا سويسرول بالشوكولاته والفانيلا وعددهم حسب الصينية انا حطيت خمسة من كل نكهة
وكرتونة من اصابع رينجو ابو خمس ريال
2قشطة
2ظرف دريم ويب
2ظرف كريم كراميل
ملعقة شوكولاتة
ملعقة صغيرة نسكافية

الطريقة

نجيب الصينية اللي تنفك من الجوانب ونخلط القشطة مع

الكريم والدريم ويب تم نقسمه ثلاث اقسام واحد نخلط معه نسكافيه والثاني نخلط معه الكاكاو ولثالث

نخليه بدون اضافات ونقطع السويسرول حلقات عريضة لثلاث حلقات

وبعدها ندهن الصينية بالخلطة الكريم لحالها مسح خفيف بدون مانخلص الخلطة

ونصف الاصابع على جوانب الصينيه ونصف الحلقات بالفانيلا بعدها ندهن الطبقة الاولى

بخلطة النسكافية ونصف حلقات الكاكاو نضيف خلطة الكريم وبعدها حلقات الفانيلا

واخر طبقة خلطة الكاكاو ونزينها حسب الرغبة انا زينتها بكريمة وتقدرون تبشرون جالكسي على الوجه

وانتم وشطارتكم.........

وتخلها يوم كامل بالثلاجة علشان الحلقات تتماسك مع بعضها

اتمنى ان تكونو فهمتو شرحي مدري شلون جاي ملخبط <<<خلطة وطبقة <<<حشا سيارة اسمنت مو كيكة




وهذي كيكة نفس الفكرة بس بدل الرينجو حطيت سويسرول حبات كبيرة وحطيت ملون طعام اصفر على

الخلطة ,,,,,,,,,,,,,,,,مو الاسمنت >>>>>>>>>>القشطة وصديقاتها






واتمنى يعجبكم وماتنسوني من دعواتكم

10 تعليق 1,848 مشاهدة

شاركي في النقاش

سجلي الدخول لإضافة تعليق.

التعليقات

10
  1. صاحبة الموضوع
    ياليت أحد يقدر يصغر الصور على بالي تعلمت التحميل وماعرفت اصغر الصور

    وطلع شغلي ماش خخخخخخخخخخخ

    اللي مايعرف الصقر يشويه

تابعي تجارب أخرى من هذا القسم.