كيفكم يابنات عساكن طويبات الحمد لله
المهم الاغلبيه هنا يحبون القيمات الصراحه مانلام فيها
حلوه وسهله ومقاديرها ماتكلف ابد ابد يعني الي ماعندها مقادير حلى لاتعذر تصلح القيمات يالله كل وحده تاخذ وحده قبل لااعطيكم المقادير

المهم مالكم بطوله
المقادير:
دقيق بر 3 اكواب
نصف كاس دقيق ابيض
ملعقه صغيره نشاء
ملعقه صغيره بكنج بودر
ملعقتين كبار خميره فوريه
ذرة ملح
حبة السودا حسب الرغبه ملعقه كبيره
ملعقه كبيرة سكر
شيره او عسل حسب الرغبه
ممكن تعجنيها بلبن او ماء
طبعا الكميه تختلف بختلاف الطحين لانه فيه نوعيه تشرب مويه
وفيه نوعيه العكس
الطريقه:
*جميع المقادير الناشفه اول طبعا مع الحبه السودا
*نضيف الماء او البن طبعا يكون دافي ونعجن لحد ماتصبح عندنا عجينه لينه طبعا نعجنها حتى تصبح مثل العلك <<والله تشبيه بعد قلت
يعني ونتي تعجنيها راح تمط معك العجينه وعلى فكره لازم تكون الين من العجينه القيمات الي بدقيق الابيض لان الابيض يختلف عن الاسمر وقت القلي فا لازم نخف العجينه شوي
*نتركه ترتاح 10 دقايق وبعدين نرجع ونعجنها مره ثانيه ونتركها تخمر مالها وقت مته ماشفتيها طلع فيها فقاقيع خلاص اقليها
انا استخدم يدي في تشكيل العجينه يعني بيدي
*بعد القلي صبي عليها شيره او عسل
ومع دلة قهوه مبهره بهيل وزعفران كلوها بالف صحه وهنا
هاه وش رايكم بلقيمات