تكفون قولوا لي وش اسوي

السلام عليكم ورحمه الله

انا دائما كنت مصتفحه لعالم حواء وتعجبني ردود البنات

وماقد جاء ببالي بيوم اني بكتب مشكله تخصني لكن ربي يشهد اني محتاره

ولاادري وش اسوي

انا متزوجه قبل 5 سنوات وعندي طفلين

المشكله بزوجي صاير غير ب180 درجه

يسهر برا الين الفجر مع ان عنده دوام

واذا ناقشته قال كل اصدقائي كذا

واسلوبه متغير معي حاولت اني اغير ستايلي واغير شكلي واجلس انتظره

ومع ذلك مايهتم يجي الفجر وانا خلاص اكون مليت ونمت او انه يجي على طول ينام

انا طبعا ساكنه مع اهل زوجي ولي غرفه بحمامها بس

دلوني تكفون وش اسوي مع زوجي فكرت اني اروح لاهلي

لكن اخت زوجي هاوشتني وقالت شيلي الفكره من راسك

قالت انه بتعود على بعدك ويصير روتين عنده ولاعاد تفرق

الا اجلسي وتلزقي فيه بعد

بس كيف دلووووني والله يكتب لها سعاده الدارين اللي ترد علي

16 تعليق 1,449 مشاهدة

شاركي في النقاش

سجلي الدخول لإضافة تعليق.

التعليقات

15
  1. ياقلبي ما حبيت اخش وما ارد عليك

    انا بنوته وما عندي خلفيه بس يارب الموجودين يفيدونك

    والله يسخر لك زوجك ويوفقك ويسعدك يارب اختي ادعي ربك يسخره لك
  2. @nono_pink

    حبيبتى ادعى ربى يرجعو لك زى اول واحسن ممكن هو عنده هموم او مضااايق يعنى يهرب شوي من مسولياته وتفكيرة مو يسهر يعنى لازم يخون عادى ممكن فتر ويرجع احسن كماااااان لا تروحى بيت اهلك هو مايشوف انه سوى شي خطا و مطمن عليك وع عياله لانك عند اهله
  3. @hnady208

    warble
    ياقلبي ما حبيت اخش وما ارد عليك انا بنوته وما عندي خلفيه بس يارب الموجودين يفيدونك والله يسخر لك زوجك ويوفقك ويسعدك يارب اختي ادعي ربك يسخره لك
    اختي ليش ما تناقشيه وتقولي له تعال اجلس اريد اتكلم
    بس لازم تكوني لابسة حلو وحاطة ماكياج روعة ولابسة شي اغراء
    وتكلمي معاه اسأليه ليش صار يحب السهر وقولي له انك ما معترضة على سهره بس تخافين عليه خاصة ان عنده دوام ثاني يوم
    قوليله كون اسهر ايام الاجازات مع اصحابك
    وتحججي بأنك تواجهي مشكلة مع احد اولادكم ومحتاجاه كأب يحل المشكلة بس حبيبتي لا تودي اولادك في داهية ويضربهم ابوهم
    قوليله اشتاق لك
    اشتاق وجودك عندي
    ولما تكوني تكلميه حطي يدك اليسار على كتفه اليمين
    ويدك اليمين مرريها على خدوده وذقنه ورقبته وصدره يعني خليه يذوب
    وقدمي له هدية قوليله رحت السوق واشتريت لك هذا
    حاولي تجذبي زوجك لاحضانك ترى بنات الحرام منتشرات بأحدث الاسلحة الانثوية الفتاكة

    حبيبتي انت حرمة واحنا كيدنا عظيم فأستخدمي كيدك في جذب زوجك في شباكك
    والله الموفق
    :26:
  4. هلا اختي احسن شئ انك تجلسين معه جلسة مصارحة وتشوفين ايش السبب اللي يسهر دايم بره البيت وقولي له انك مشتاقة له والرجال يحب اللي يدلعه ويعطيه كلام حلوو والله يسخر لك ان شاء الله ويبعد عن رفاق السوء
  5. صاحبة الموضوع
    amal_7ob
    هلا اختي احسن شئ انك تجلسين معه جلسة مصارحة وتشوفين ايش السبب اللي يسهر دايم بره البيت وقولي له انك مشتاقة له والرجال يحب اللي يدلعه ويعطيه كلام حلوو والله يسخر لك ان شاء الله ويبعد عن رفاق السوء
    الله يجزاكن الخير ويجعل السعاده دربكن

    حبيباتي انا جلست معاه وناقشته قال اصدقائي كذا ليه انا اللي ارجع بدري

    وبالنسبه لتغير الشكل وربي اني اكون متزبطه واجلس الين الساعه 3 او 4 وهو ماشرف

    اقوم انام وش اسوي :(

    وبالنسبه لاطفالي كلهم صغار الكبيير عمره سنتين والثانيه لها 5 شهور

    وحتى الهدايا بعد ماطلعت من الاربعين ماجاب لي هديه ولافكر

    وانا اللي جبت له احس انه متغير

    وحتى اخته لما اشتكيت لها قالت لي هي كمان حاسه انه متغير واني لازم اتفرغ له تفرغ كامل

    كنت ماالبس ملابس البيت برا غرفتي لاني اخجل من والد زوجي

    لكن اخت زوجي قالت الملابس اللي تكون عاديه مو مكشوفه عودي زوجك على شوفتها برى الغرفه

    حالك من حالنا نحن اخواته لان حمواتي يلبسوا القصير بس مو قصير مره

    فهي تقولي البسي زينا المكياج حطي برا الغرفه وانا ماشيه على كلامها دحين

    لكن ابي اشوف كمان رايكم الله يسعدكم

تابعي تجارب أخرى من هذا القسم.