بديت أعلم ولدي استخدام الحمام ... ولكن.......!!!

هــلا اختي
مااسوي له شي اقوله ليش ماعلمتني عشان اوديك الحمام، اصلا مااقدر اضربه او اصارخ عليه وهو ماقد سواهـا في الحمام يعني مايعرف بس معند مره0
بس هو يصير معصب مررره ولايبغى نوديه للحمام عشان نغير له

الغالية لا تضربينه ولا تصارخين عليه ولا شي ... عقب ما تسألينه (انت ليش ما علمتني عشان اوديك الحمام) كملي كلامج: (ما دامك ما رحت سويتها في الحمام فاليوم انت ما بتشوف الكرتون .. وما في كرتون ابدا لين تروح تسويها في الحمام) .... او اختاري اي شي ثاني ا نتي تعرفين انه يحبه وايد.

الحرمان مثل المكافأة .. اثنينهم لهم تاثير قوي على الطفل .. فلا تغفلين اي واحد فيهم .... يعني كافئيه اذا سوا في الحمام واحرميه اذا وسخ ثيابه.

ومهم جداً انج تنفذين هالشي في كل مرة .. يعني في كل مرة يسويها في الحمام لازم تكافئينه حتى لو ببوسة أو حظن حلو .. وكل مرة يسويها في ثيابه لازم تحرمينه ولا تعطينه الشي اللي حرمتيه منه ابدا ابدا الا عقب ما يسويها في الحمام .... حتى لو تم لين ثاني يوم.

ماشاء الله تبارك الله على كتاكيتكم

وعليكم ياامهات يااعسولاات





قريت الموضوع من اول مشاركه الى آآخر مشاركه

كثير استفدت منكم

ونغمة تائهه شجعتيني اني اعلم بنتي وهي اقل من سنتين

لان في البدايه بديت افقد العزيمه من الردود

الله يحفظ كتاكيتك






كل الشكر ام الهتون على هالموضوع المتميز

الله يعطيكم العافيه

ما شاء الله عليج .. قريتي الموضوع كله؟!!!!!

انا كنت ققدت الامل ان حد يقدر يقرا الموضوع من اوله .. مع اني كنت اتمنى لاني احس ان بداياتنا مع عيالنا ممكن تفيد غيرنا مثل ما فادتنا .. وبعد كنت اخاف حد يتملل من تكرار الكلام والنصايح.

على كل حال موفقة حبيبتي .. وطمنينا على كتكوتج شو بيصير وياها.