جارتي متزوجه مسيار بس غصبا عنها وهي ملتزمه وبنت حلال -- بس!!!

هي اللي راضية بالمسيار ... شلون متزوجة مسيار غصب ..!!! يعني لعب عليها و قال لها بتزوجك زواج شرعي و غير رايه ؟؟
لازم ترضى بالامر الواقع ... و لا لها حق تتكلم .. لانها فقط تفريغ لشهواته .. و اكيد مايبي منها عيال ... ليه هي اللحين اعترضت ؟؟؟

اخواتي اسفه على تأخري في الرد
هذا انا جيت
اختي قضاء وقدر لها تقريبا تسعه شهور متزوجه وترى يحبها ويدللها مو ماخذها قضاء حاجه وبس
ماشالله يجيبلها زيهم واكثر يمكن ويبغاها سعيده ومبسوطه بس المشكله انه مايقدر يخرج معاها الا لأماكن بعيده بعيد عن مكه -- يعني ياخذها احيانا جده ويقول عنده اجتماع في العمل ويمشيها بس مو دايما
يعني لو يقدر ياخذها مو ماياخذها مره
واول ماتزوجها سافر معاها ابها وقعدو اسبوع تقول
بس مشكلتها انها تخاف زوجه من زوجاته تحمل وتقل فرصتها بالحمل
وانا اقولها عادي لو حملتي من وراه مااعتقد بيزعل لو عرف وبيقبل بالامر الواقع بس تقول انه يتنرفز من هذا الموضوع ويقول ان الاطفال هم اللي مخربين عليه حياته وهو مو ناقصه اطفال واتزوج عشان يرتاح مو عشان يشقى
وتقول خايفه تحمل ويدور للرابعه
اقتراحات التبني حقتكم زيها زي الحمل
هو مايبغى اطفال في بيتها
يبغاها لوحدها وبس
بعدين هي ماشالله رشيقه وهو يخاف يخرب جسمها بالحمل -- وهي ماتبغى تخسره وكمان نفسها في طفل يكون راضي عنه ومبسوط فيه -- بالنسبه لأهلها حتى جيتهم لعندها قليله وهي جدا مستاءه من اهلها من قبل زواجها وتقول انا لي خمس سنوات ادعي ربي يزوجني اي واحد وافتك بسبب تسلط ابوها وعدم تفهم امها لهم ولأخواتها
وعلى فكره عندها اخت تزوجت قريب رجل متزوج لكن بشكل معلن وهي الثانيه ومبسوطه لكن لسى ماحملت
وتقول جارتي لو حملت اختها قبلها اكيد بتفرح لها لكن برضو بتموت قهر وتتعب نفسيتها لأنها اكبر منها ومأجله الحمل عشان زوجها
على فكره جارتي جنبي وقلت لكم الله يهديكم ردودكم لازم تكون هادئه حتى لو معارضين
لانه والله ماتعرفو ايش يلاقو البنات في بيوت اهاليهم من اهانات واساءه وذل عشان يضطرو للزواج بأي شكل
وشوفو مواضيع البنات اللي لسى ماتزوجو كيف وانتو احكمو
شكرا لكم وجزاكم الله خير

كل شي يجي بالتفاااااااااااهم

وعبال مايتفاهمو تشغل وقتها في دور التحفيظ او اي دورات