قصيدة حزينة ومبكيه لأسير سعودي بأمريكا..!!!
السلام عليكم ورحمة الله وبركاته
هذه القصيدة لاخونا في الله / نايف اليوسف
( نسأل الله العلي القدير أن يعجل بفك أسره )
المسجون بسجن / لايمون .... بولاية / كلورادو الأمريكية ..
منذ اكثر من ست سنوات ...
كتب هذه القصيدة المبكية لشدة شوقه
ولهفته على والدته المكلومه ..
والتي تنتظر عودته لها بفارغ الصبر ..
:
سادس سنه في ديرة الغرب مسجون
سـجــن الـغـثـى والبـهـذلـه والأذيــــه
سجانهـم قلبـه مــن الـكـره مشـحـون
عـنــده حـيـاتـي أو مـمـاتــي ســويــة
هـذا رمضـان أقبـل وأنــا فـيـه مـحـزون
يــــارب هـــــون مـشـكـلاتــي عـلــيــه
وسط السجن مابه معي من يصومون!!
مسلـم ومـن حـولـي وجـيـه أجنبـيـه!!
دايــم حـزيـن وضـايـق الـصـدر مـغـبـون
ملـيـت مــن جــو الـسـجـن والأسـيــه
يـمـه كفـايـة وقـــت الأفـطــار تـبـكـون!
تــبـــون نــايـــف مــالــكــم مــقــدريــه
ودي يايـمـه بيـنـكـم بـــس وشـلــون!!
ودي بـتـمــره مــــن يـديـنــك هـنـيــه!!
يمـه فطـوري خـالـي الطـعـم والـلـون!
مـشــتــاق لـلـمـرقــوق والمـحـلـبـيـة
مشتاق للمسجـد مـع اللـي يصلـون!!
أصـلــي الأوقـــات صــبــح وعـشـيــه!!
ودي معـي فــي ليـلـة الـقـدر تـدعـون
يـفــك قـيــد الـلــي حـيـاتـه شـقـيــه!
يالله يـارحــمــان يـاخــالــق الــكـــون!!
غـفــر لـعـبـدك كـــل ذنــــب وخـطـيــه
وصـيـتـي تـكـفـون لامــــت مــدفــون!!
فــــي دار أبـومـتـعـب ديــــار الـحـمـيـة
نسأل الله يفرّج كربته وان يفرح نظرته برجعته للوطن واهله ..!!
وجميع أسرى المسلمين