ما دام الولد فديته منزعج من الحفاظ فغالبا ما بيتعبج في مسألة استخدام الحمام إن شاء الله.
وعلى كل حال فأهم فترة واللي فيها التعب كله هي خلال الأسبوع الأول والثاني .. لان الطفل في الغالب بيكون استوعب الموضوع بعد هالفترة.
ومع اني مب شايفة انه ضروري تهملينه في يوم عرس اختج خصوصاً انه عقب شهر يعني مب قريب .. لكن حتى لو اضطريتي انج تلبسينه حفاظ في هاليوم فما اظن انه بينتكس مثل ما تتوقعين .. خصوصا اذا تجاوب وياج بشكل جيد من البداية.
عموماً هو بعد صغير فديته يعني ما في داعي للاستعجال .. فانتي مبدئياً جربي ابدي وياه الحين وشوفي رد فعله خلال أسبوع أو عشرة ايام .. فإذا شفتي منه تجاوب فكملي وياه وإذا شفتيه مب متجاوب فأجلي الموضوع لين عقب العرس.
بس مثل ما اتفقنا .. لا تتوقعين منه إنجازات ضخمة في البداية عشان ما يصيبج الاحباط.
يعني لا تتوقعين أبداً انه يقول لج انه يبا يروح الحمام من أولها .. وتوقعي انه حتى لو بدا يتعلم عدل فلازم تحصل له عثرات وغلطات بين فترة وفترة لين يقدر يتحكم في نفسه عدل.
وممنوع الضرب والصراخ خصوصاً في البداية .. وطبعاً لا تنسين أسلوب الثواب والعقاب.
بديت أعلم ولدي استخدام الحمام ... ولكن.......!!!
متابعة النقاش، صفحة 114