انتبهي حبيبتي روحي من أول ماتحسين بألام تشبه آلام الدوره تحسين بها اسفل البطن أو الظهر وتكون على أقوى شوي ..
بس لا تسويين مثلي تقولين بأتحمل الألم وما بروح على طول ..
لأن أنا في حملي صارت لي الألام ( وكان قبل موعد الولاده بعشر أيام ) فما اتوقعت انها ولادة لأن كل اللي حولي يقولون
شيئ طبيعي الألام في التاسع ومو أي ألم تخافين وتقولين ولاده ( مايبون يخوفوني ) ..
فأنا أخذت بهذا الكلام وماتوقعت الولادة وخصوصا باقي على موعدها وقت ..
وتجيني الألام وأتحمل وبس أمشي في البيت وأدور وأدعي ربي انه يسهل علي ..
ويجيني ألم ويجلس شوي ويروح ..
والمهم اني صابره على شدة الألم اللي جاني وزوجي يحاول فيني يقول خلينا نروح المستشفى وأنا ما فكرت أبدا
اني اروح لأن باقي في بالي انها مو ولادة ..
وجالسه على ذا الحال من العصر الين الساعه 1 الليل ..
وانا مره كنت ميته من الجوع فأكلت شوي وبعدين اشتد الألم فجأه بصوره ماتصورتها لدرجة اني ابغى اروح دورة المياه وما قدرت الا
بصعوبه ويوم رحت لقيت المفاجأة ( لقيت الله يكرمكم قطرات بسيطه من الدم ) فانطلقت بسرعه عند زوجي أصحيه لأنه كان نايم
وقام مسكين فز وطيرااااااااااااان على المستشفى وكان هذا الكلام الساعه 1 المهم اني وصلت المستشفى وبسررررررررررعه على
غرفة الولادة وماجات الساعة 2 الا وأنا والده ..
الحمد لله والشكر وبصراحة كانت لحظات جدا صعبه بس الله يسرها فله الحمد وله الشكر..
وعذرا على الاطالة لكن انتبهي لاتسوين مثلي لأني بعد ماولدت قاعده أفكر اقول سبحان الله لو اني متأخره عشر دقايق
كان ولدت في السيارة بس الحمد لله ربي ستر ..
الله ييسر لك ولكل حامل ويسهل عليكم ولادتكم ,,آمين
بــــنات طلبتكم عندي سؤال البعض يستهون فيه بس انا اشوفه مهم
متابعة النقاش، صفحة 2