ماااا اقدر ابلع الكبسولات او الحبوب،،، فـــــي حــــــد مثلي؟؟؟؟

:35:مساء الخير حبيبتي انا أعاني من هل مشكله من زمان بس افظل حل أ كسري حبت أدوا بأسنانك وأشربي عليها كاس ماء او قولي لطبيبك انك ماتقدري تبلعي لحبوب يعطيكي دوا شراب أفظل والله يعينك ياقمر

امي وخالي عندهم نفس المشكله

وطريقة امي تذوب الحبوب في شوية مويه وتبلعها والكبسولات تفكها كمان في المويه وتبلعها وتشرب وراها مويه

وخالي يبلع الحبوب بـ اي مشروب غازي يعني يحط الحبه بفمه وبعدين يشرب ويبلعها مايحس فيها


ان شاء الله اكون افدتك

يوووووووووووه فكرتيني بنفسي زماااااااااااان فعلا ماكنت اقدر ابلع مهما كانت الحبة صغيرة لحد ما مرضت بالتهاب شديد في الجيوب الانفية والمها فظييييييع وسويت عملية ولما جا الدكتور يكتب لي الدواء قلت له انا ما ابغى حبوب فكتب لي شراب بس ضاعف الجرعة المهم استمريت اسبوع الا ويرجع الالم وايام اختبارات وارجع للدكتور قال لابوي ما ينفع الشراب لازم حبوب ووراني طريقة كيف ابلعها في البداية كانت صعبة لكن مع الوقت اصبح الموضوع سهل ( قصة حياتي )
الطريقة انك تحطي الحبة في آخر اللسان وعلى طول تبلعي كمية موية تخليها تنبلع بسرعة طبعا الايام الاولى كنت انضرب ضرب لاني كل ماحاولت اطلع الموية والدواء بعدها قدرت لكن كنت ابلع الحبة بكاستين ثلاثة موية لحد ما تنبلع أما الآن صار الموضوع سهل جدا

ذكرتيني بالذى مضى كنت مااعرف ابلع حبوب ومرتين حملت ولااخذ فيتامينات ولا حديد وكنت اعاني من ذا الموضوع وكنت اذوب البندول لما تجيني الدورة او الانفلونزا لحد ما مرة جيت باروح الحج وكانت بتجيني الدورة يعني لازم اشرب حبوب تاجيل الدورة
وابتدا المشوار وياريته ما بدا
جلست في غرفة ورفعت راسي اطلع على المبة وبلعته طبعا كانت صغيرة وايد وشوي وشوي تعلمت الشغلة والحين ما حد يغلبني 24 ساعة اشتكي من صداع ورايح بندول وكلما شربت زاد علي ودائما اقول ياريتني ما عرفت ابلع هالسم:44:

شوفي انا مرة وانا صغيره كنت جالعه ضرسي ومن الألم خذت بروفين يمكن 6 حبات اتحسب بيخفف الألم
وطبعا رحت المستشفي وغسلوا معدتي ومن يومها اكرررررررررررره الحبوب من اجوفها احس بلوعه
فيوم الدكتور يوصف لج دوا حاولي انج تطلبين شراب
يعنى مثلا للصداع انا ما اداني البندول فأخذ اسبرين الفوار طعمه حلو بالليمون وفيه فيتامين سي
واذا انجبرتي تاخذين حبوب خذيهم وقت الغدا او العشا زهبي لقمه وحطي الحبه في آخر حلجج واشربي ماي او عصير وبعدها كلي شي على طول ومع الايام بتتعودين