تعالوا شوفوا ايش صار معانا علشان ولد أخوي

السلام عليكم ورحمه الله
اخباركم
بأدخل في الموضوع
ولد اخوي الله يخليه ويشفيه قولوا آآآآمين
تعبان من ولادته عمره الان خمسه شهور
وديناه المستشفى يقولوا عنده عيب خلقي في القلب وبالتحديد مرض اسمه (( رباعيه فالوب ))
وهو الان في مستشفى القلب نوموه يبون يسوون له بكره ان شاء الله عمليه قسطره
وزوجه اخوي لسا داخله قسم التنويم الا هذي حرمه داخله وتبكي والحريم يعزونها
ولما سألتهم ايش فيها قالوا ان ولدها كان يصلح قسطره ومات وان هاذا ثاني واحد يموت فنفس اليوم من القسطره
عاد احنا وأخوي وزوجته في حال مايعلم بها الا الله
والدموع ماليه عيونا والبيت توتر وطفش وحزن الله لايوريكم
واحنا متوكلين على الله وحده ونسأل الله ان يفرج همنا ويشفي مريضنا
ونعم المولى ربي ونعم النصير

انا نزلت الموضوع ابغى اللي مرت بهذا الموقف يعني قسطره لولد عمره خمسه شهور ومرت بسلام او تعرف موقف زي كذا تطمنا لأنا مره خايفين عسى الله مايفجعكم بغالي
والسبب الثاني ابغى دعواتكم القلبيه لولد اخوي ولنا في ظهر الغيب
وجزاكم الله خير



الحمد لله رب العالمين
أبشركم يابنات ولد اخوي طلع من العمليه وهو بخير
بس لسا البنج ماصحي منه كويس
ياربي لك الحمد حتى ترضى ولك الحمد اذا رضيت ولك الحمد بعد الرضا
ومشكورين يا اخواتي على تفاعلكم معي
ووقفتكم بجنبي ودعواتكم الحلوه
الله لايحرمكم الأجر
ويسعدكم وويوفقكم في الدنيا والاخره
انا نزلت البشاره باخر صفحه بس قلت بانزلها هنا كمان عشان يشوفونها الاخوات اللي قالوا اطمنهم