السلام عليكم ورحمة الله وبركاته ؛؛؛ وبعد
أخواتي العزيزات , أخواتي المغتربات في بقاع الارض
احب أن اكون ضيفة جديدة تضاف معكم بإذن الله في هذا القسم العامر .
حيث اني سأغترب عن بلدي واهلي لمواصلة الدراسة بأذن الله مع زوجي العزيز وأطفالي التوائم " ماشاء الله "(خمسة أشهر) في استـــــــــراليا تحديداً في ملبورن .
ولضيق وقتي وعدم وجود الوقت الكافي (حيث انة لم يُرسل القبول النهائي إلا قبل أسبوع وبداية الدراسة بعد شهرين) و مع أطفالي للبحث في النت حبيت ان تفيدوني من خبرتكم في السفر وخاصة الى أستراليا .
وقبل ان تبدأو في مساعدتي أحب أن أذكركم بحديث الرسول اللهم صلي وسلم عليه: (من فرج على مسلم كربة من كرب الدنيا فرج الله عنه كربة من كرب يوم القيامة)..
والله اني لأدعي من كل قلبي بأن الله يفرج كربة كل من فرجت كربتي وساعدتني وساعدت كل مغتربة في الاجابة عن الأسئلة التالية..
*** في البداية أسئلتي راح تكون عن أولادي :
س١: هل مسموح لي أني آخذ معاي علبة حليب للأطفال وأكل خاص فيهم بالطيارة وادخلها لأستراليا؟
س٢: تنصحوني آخذ عربية السوق والمشاية من السعودية أو راح ألاقيها هناك بأسعار قريبة من الأسعار بالسعودية؟
*** بأذن الله أنا راح أكمل دراستي ؛ ؛ بالنسبة للحضانات :
س٣: هل الحضانة تطلب عمر معين للطفل وكم أسعار الحضانة للطفل الواحد وهل هي باليوم أو الأسبوع أو الشهر؟
س4: هل أستطيع أستقدام خادمة باستراليا وكم الرسوم تقريباً وهل هناك نظام فيما يتعلق براتبها؟
س5 : أتمنى تفيدوني عن تجربتكم بالدراسة وكيف تصرفتوا مع أطفالكم أثناء الذهاب للجامعة؟ حتى أستفيد منها..
س6: هل حليب سيميلاك بأنواعه ونان و أس ٢٦ متوفره في استراليا بشكل سهل ومُيسَّر؟
س7: كيف الجو بشهر ٨ و٩ في ملبورن أنا أعرف برد بس هل البرد شديد جداً يعني آخذ كل الملابس شتوية؟
س8: أنا بأذن الله راح أفصِّل عبايات ملونة بس أيش الألوان إلّي تنصحوني فيها؟؟ أنا سمعت بيج بني رصاصي عودي بنفسجي وردي وهل آخذ عباية سوداء فيها شوية موديلات وأيش الأقمشه اللي تنصحوني فيها والمويديلات؟؟ واللثامات آخذ أسود أو ملون؟؟
والله يجزاها بالخير اللي تقدر تصور عبايتها أو ترسم الموديل بورقة وتصوره بالجوال وتنزلَّنا الصورة..
س9: ممكن تعطوني أسماء محلات ألاقي فيها عبايات ملونة جاهزة وأحجبة في الرياض والشرقية وجده؟؟
س10: هل آخذ معاي جاكيت طويل للركبة للشتاء وألبس معاه حجابات ولثام هل هذا المنظر مقبول؟؟
س11 : أنا قريت أن في "سوق الهنود" في ملبورن فيه بهارات وبن بس تنصحوني آخذ من السعودية أوأشتري من هناك؟؟
س12: قدر الضغط وقدور التيفال آخذها من السعودية أو موجودة بأستراليا؟؟
س13: الشحن ؛ ؛ هل يكون السعر بالوزن أو بالكراتين وهل أحطها بداخل كراتين حتى ما تتبلل وتتكسر؟؟
س14: ماهي أهم الأدوات أو الأغراض التي لاتوجد باستراليا ومن المهم أخذها من السعودية؟؟
س15: ماهو خط السير الاسهل والمُفضَّل الى استراليا؟؟ وعلى أي خطوط طيران؟؟ وهل تتكفل الدولة بقيمة خط اي سير؟؟
*** إذا لديكم أيةَ نصائح أو تويجهات إضافية لي قبل السفر إلى استراليا ولمدة لن تقل عن سنة كمرحلة أولى.. ***
جعل الله كل ثانية تقضِينها في الإجابة على هذة الأسئلة شافعة لكِ يوم القيامة ....
والسلام عليكم ورحمة الله وبركاته
:09:
شاركي في النقاش
سجلي الدخول لإضافة تعليق.
التعليقات
20- حبيبتي انا ماني في استراليا بس ابرد عليك باللي اعرفه........
بالنسبه لحليب عيالك واكلهم تقدرين تاخذينه معاك بالطياره عادي ....................وبالنسبه للعربيه احسن لك تاخذينها معاك لان المطارات والانتظار وتفتيش ويطولون فيكون صعب جدا بدون العربيه اذا كان طفل واحد شلون طفلين وهم عند البوابه ياخذونها منكم وعند النزول يسلمونكم اياها عند البوابه ...........ان شالله اكون افدتك
والله يعينكم وتوصلون بالسلامه والله لايخليني من دعواتك :27: ديرتي السعوديه حبيبتي انا ماني في استراليا بس ابرد عليك باللي اعرفه........ بالنسبه لحليب عيالك واكلهم تقدرين تاخذينه معاك بالطياره عادي ....................وبالنسبه للعربيه احسن لك تاخذينها معاك لان المطارات والانتظار وتفتيش ويطولون فيكون صعب جدا بدون …
الله يسهيل عليك اختي وييسير لكم سفرتكم ..
انا كما رايحه ملبورن وان شاءالله البنات ماراح يقصرون معان وخاصه. بنات ملبورن ياريت تعطونا تجاربكم
ولكم كل الشكر .- الله يوصللكم بالسلامه ياقلبي
طبعا انا من برزبن بجاوبك على اللي اعرف
وباقي البنات ماراح يقصرون
ولو تزورين التجمع بتلقين الاجابه الكافيه
بالنسبه للبهارات موجوده بالمحلات الهنديه كن ننصحك تجيبين اذا كنت متعوده على نوع معين ماتستغنين عنه
انا ماجبت اي شي اكتفيت باللي هنا
بالنسبه للشحن يعتمد على الوزن شحنت عن طريق المؤيد الكيلو بعشره ريال ونص وهذا تقريبا ارخص شي
ويفضل انك تجهزينهم بكراتين والاغراض الي ممكن تتكسر هم يغلفونها لك وانصحك اذا وصلتي وقربتوا تاخذون شقه تخلين اهللك يشحنونها للك واكيد هذا بيخفف عليك عفش وبتكونين استقريتي باذن الله وتاخذ اسبوع بالشحن
بالنسبه للحجاب انا فصلت اخذت قماش وفصلته عند محل العبايات موديل بسيط جدا عبايه عاديه واسعه واخذت معها حجابات تناسبها
والنقاب نفس لون العبايه وعبايه سوداء بالنسبه لي اتمنى البسها بس زوجي رافض لانها الصراحه اريحلي
واتوقع سوداء مع حجاب ونقاب ملون عادي بس تراني ماجربت
بالنسبه للطيران
احنا كنا على الاماراتيه الرياض دبي بريزبن مع توقف بسنغافوره ساعه تقريبا او اقل
ومن نظري انها احسن شي وانها الافضل طبعا دبي راح تقعدين ثمان ساعات ويعطونك فندق
والله يسرلك لكم يارب وعليك ياقلبي بالدعاء واعلمي انها كلها تيسير من رب العالمين وخففي همك وتوكلي على ربك
واستمتعي مع اهللك بكل لحظه ولاتشياين هم اكثر من اللازم كل شيء ميسر باذن الله - خذي قدر طبخ الاهو ظغط بن قهوه وكثري لان مافيه هنا -تمر-حلوة شعر-الحليب عادي انا دخلو الحليب -احسن خطوط اتحاد الامارات -ترامس شاهي وقهوه وفناجيل-العربيه خذيها منالسعوديه عشان تحتجيها في المطار وهنا حاجات حلوه وعمليه----------بعدين اكلم لاني الان مممممممممممممممشغوله وااااااااااااجد الله يوفقك
مواضيع مشابهة
تابعي تجارب أخرى من هذا القسم.