بدأت العطلة وبدآ سهر الاولاد عندي فكرة صغيرة بخصوص الاكل

السلام عليكم

هلا وغلا بالجميع اللي رد واللي مارد والله يسعد الجميع دنيا وآخرة اللهم آمين0

الاخت الغالية الحياة مبدأ6 : سالفة الطلبات اللي ماتنتهي هذي فعلا مشكلة

لكن اذا الام طبقت فكرة معينة وصبرت عشان النتيجة يبيلها سعة صدر0

اكثر الامهات للاسف عشان تتخلص من الحاح الطفل وطلباته وحنته اللي

تدش المخ تعطيه اللي يبي عشان ترتاح والطفل ذكي جدا ويستعمل هالسلاح

خاصة لما يشوف الام مشغولة او عندها ضيوف 0

الحل خاصة ايام العطلة اذا الاولاد بسن المدارس اعطيهم مصروف اسبوعي

واوضح لهم انه اذا صرفته لايمكن اعطيك زيادة وعشان اشجعهم على التوفير

اقولهم قصص لو من الخيال عن اولاد وفروا وصار عندهم فلوس كثيرة واشتروا

اللي يبون وبهالطريقة يعرف قيمة الفلوس ويحسب حساب للفلس قبل لايصرفه

(عكس لما ياخذ منك كل شوي لو ياخذ مليون مالهم قيمة عنده) وهالطريقة

تعلم الاعتماد على النفس ويستانس عندة محفظة خاصة يبيها دوم منتفخة هههه

الاشياء اللي من السوبر ماركت حاولي قدر الامكان ماتاخذينهم معك او فهميهم

اذا اخذتوا شئ زايد راح ينخصم من المصروف 0

واذا الاب مثلا اهو اللي يتسوق تمسكين ورقة وقلم وتسالينهم عن طلباتهم

بس يكونون شبعانين عشان مايقعدون يتشهوون ههههه والطلبات تكون معقولة

وحق اسبوع عشان مايملون وكل وحدة ادرى بظروفها0

صدقوني الطريقة اعلاه روعة ومجربة بس تبي عزم وصبر من الام مو اول

مايقعد الجاهل يتمسكن خربت التالي والاولي وراح ترتاحين باذن الله من الحنه

والرنه والصجة والموال المعروف بكل بيت 0

والطفل لما تعودينه على الاسراف وكل ماطلب هاك راح يصير اناني وعواطفه

متبلده واسالوا واقراوا مآسي الاسر اللي ربوا عيالهم بهالطريقة شلون الام

كانت تبدي عيالها على نفسها ولما كبروا انقلبوا عليها والعياذ بالله0


الله يصلح حال عيالنا وعيال المسلمين اجمعين ويهديهم اللهم آمين0

الف شكر لك
انا احول الغدا عشا بعد المغرب والفطور نتاخر احسن شئ

وانا مثلكم تماما الفطور يصير غدا والغدا يصير عشاء والعشاء اخر الليل
وغصبا عنا يتغير نظامنا مع الأجازه