تتزوجين ولد عمج اوواحد من قبيلتج او واحد بعييد بنااااااات الكل يشارك و يبدي رايه

شكرا اختي عبورة على المشاااركة

بصراحه موضوع حلو

الله يوفق الجميع :27:

بالنسبه لي
حاليا متقدم لي واحد من بره العايله

وهذي ثالث مره يجون بعد رفض الوالد



:26: والسبب انه من خارج العايله الكريمه
وانا بصراحه حاسه انهم يعزوني حيل وشاريني
من كلام اخته وامه وتصرفاتهم معي


والقرايب مدري احس مو مهتمين ؟؟

يعني اقول لماما
ليه بابا يرفض اللي يبونا !! وخليني اقعد في رجا ناس ما فكرو فيني!!

يعني انا اقول لو يبوني كان تكلمو!!صح؟؟!!

يعني احس الاهل دايم ودهم بالاقرب!!

وانا اشوف اصرارهم
يعني
ما اقول الا الله يكتب اللي فيه الخير!!!


ومدري شنو اللي يدور براس بابا!! :27:

تدرون ما كلمت اي احد بهالموضوع الا انتم :27:

شكرا اختي شموووخ

الله يعزك بواحد بعيييييد ان شاء الله و الزمي الدعاااااء

فعلا لولاه لهلكنا

الله يوفقج و بشرينا بالنتايج

اسال الله ان يكتب لك الخير

اهلين بالبنوتات الحلوات

احب اقولكم رايي
افضل الزواج من بعيد
بتقولون ليه

اقولكم
اضافه لكل الاسباب اللي البنات قالوها وهي
1- تجنبا للامراض الوراثيه
2- تجنبا للمشاكل وتفرق العائله



(السبب الاهم )

3- يكون لك قيمه وشخصيه عند اهل زوجك
تحسين انك صرتي شي مهم
كلهم حابين يتعرفون عليك ويسولفون معاك ويعرفون طبايعك واخلاقك وكل ماجيتي تزورينهم تلاقينهم مشتاقين لك وعاملين لك الف حساب ومتكلفين عشان يكونون قدامك شي

لكن

لواخذتي ولد عمك او خالك اوعمتك اوخالتك

في رايي كانك بنت مابعد تزوجتي ورايحه مع اهلك تزورينهم عارفين عنك كل شي وعارفين اسلوبك وطريقتك في كل شي ماراح يتغير عليهم وماراح يحطون لك قيمه حتى عند زوجك لانهم متعودين عليك من كنتي صغيره وهم يشوفونك حتى لو كنتي حلوه يشوفونك عاديه لانهم ملو منك ( هذا رائيي )


واللي ماتتفق معاي تقولي ليه لاني من جد مقتنعه
والله يوفق الجميع

انا اقول كل شي قسمة ونصيب
ما فيه وحدة تحدد نصيبها هذي شغله مكتوبة من قبل لا ننولد
بعدين بالنسبة لي انا متزوجة ولد خالي اللي عمري ما شفته ولا شافني بس الحين الحمد لله عايشين مثل السمن على العسل
بس الي ما اييده اني اتزوج واحد من جنسية ثانية
وهذي وجه نظري وشكرا