حلا..... ما عندها ما عند جدتي

13 يونيو 2008

مراحب حلاااا
ياقلبي عليك..
:icon28::icon28::icon28:
اول شي الف الف مليون مبروك الله يوفقكِ ويسعدكِ ويجعلك ناصية خير عليه..ويصب ربي حبك في قلبه..وحبه في قلبك..
:biggrinlo

حبيت اقولك بعض الحاجات المهمه شويه واللي جايه الان على بالي
اول شي كيف تتعاملين معه: (قوزك يعني)
ياقلبي احتـــــرميه :arb: لانك لااحترمتيه بيحترمك..
اهتمي فيه اكثر من نفسك بس مو تهملين عمرك لااااااا الرجال يحب البنت اللي تدلع نفسها وتهتم بانوثتها..
اسمعيله اساليه عن يومه كيف احواله صحته يعني كأنو بيبي (طفلك)بس عطيه جوه يعني خليه يحكي..
دايم لاسولفتي عليه خلي سوالفكي شامله الرجال مايحب البنوته اللي سالفتها نفسها اليوم وبكره وبعده يعني شويه رومانس على خفة دم على هبال بنات على براءة على دلــع على نكت على سوالف جاده وزي كذا طبعا كل شي بالعفويه يجي حلووووووو انتبهي تتصنعين الرجال مايحب التصنع ابدا ابدا ولا تتهزأين باحد او تغتابين عنده ترى تطيحين من عينه..:44:
اذا شفتيه معصب او متضايق خليك القلب الحنون له احتويه بكلامك ولمساتك له وصيري له زوجه وحبيبه وام واخت وصديقه..انتبهي لاشفتيه معصب تزيدين عليه او تطنشينه ولا تقعدين تقولين قولي وش فيك وتضغطين عليه لاااا الرجال طبعه لاتضايق يسكت لين يشوف الوقت المناسب اللي يتكلم فيه بس انتي هيئي له الجو..لاتصيرين نكديه وتلاحقين اخبار الناس ومن تجين عنده شفت فلاان جاب لزوجته كذا وشفت ابوي جاب كذا وشفت خالتي سافرت لااااااا الرجال مايحب كذا حتى لو مو قصدك الا من باب السوالف الرجال مايحب اللي يقارنه باي شخص يحس هذا تنقص في شخصيته بالعكس حسسيه انه رجل وله شخصيته اللي انتي معجبه فيها حتى لو فيها اشياء مو عاجبتك صدقيني تقدرين تغيرينها مع الوقت من دون مايحس..كمان الرجال لاقدرتي اهله قدرك وحطك انتي واهلك على راسه من فوق.. انتبهي تجيبين اهله بالشينه عنده حتى لو غلطوا عليك انت لك عقل يعرف يتصرف في هالامور..
عوديه عالكلام الحلو لانه راح يسوي مثلك راح ياخذ من طبايعك اللي تعجبه فدايم قولي اشياء حلوه عشان يقولك, مو تقولين له بعدين انت ماتقولي كلام حلو وغزل ولاماقد مدحتني طيب انتي امدحيه حتى لو مسوي شي بسيط مثلا مرسل لك مسج( أحبك ياحلااا)<<هذا المسج لاتفرحين به وتسكتين ابدا بالعكس ارسلي له مسج يااااااااالله احس الكلمه طالعه من قلبك....الخ ومن ذا الحكي يعني حتى الشي البسيط امدحيه..
كمان التربيه اللي مربينك عليها اهلك لا تتنازلين عن اي ادب منه بالعكس مهما كانت الظروف لاتنسين هو ماخطبك الا وهو عارف تربيتك وعاجبته فلا تغيرينها..الا الشي اللي يغضب رب العالمين ((اكرر التربيه مو العادات))كمان ياعسوله دايم ابدعي فكري بحاجات تسوينها له حتى لو ترسلين له مسج لاترسلين جاهز لا انتي ابدعي وابتكري تكلمي في المسج لو كلامك عامي او يضحك عااااااااااادي بالعكس ترى اللي من القلب يدخل بالقلب..الرجال بطبعهم يحبون الاكلات فدايم لا طبختي له ابدعي بالنكهه والشكل لان الرجال بطبعه بصري مو كلهم بس اغلبهم فدايم خلي اللي قدام عينه حلو..خليه يشوف كل شي حلو منك ويسمع كل حلو ويشم كل حلو منك..وكمان صووووووتك لايرتفع عليه ابــــــدا انتبهي حتى لو وصل النقاش للحامي لاترفعينه لا خلاص ماقدرتي وهو يرفع صوته لاتنسين انك انثى ياااسكتي ونزلي عيونك ولا ابكي..

مممم كمان انتبهي تقولين كلمه شينه له حتى لو من باب المزح احيانا المزح يودي للداهيه ولا تخلينه يذب عليك حتى لو انتي تحبينه وحتى لو كنتوا لحالكم اليوم لحالكم بكره يتعود يقولها عند الناس او عند اهله او اهلك..

ولااااعمرك تقولين له عجبتني حركه عند بنت خالتي وبسوي زيها او شفت فستان بنت عمتي وبطبق مثله لااااااا انتي لا تنسين ان لك مخ وعقل فهو بيحط في باله اي شي بعدين تسوينه يعني انتي مقتبسه الحركه من فلانه وعلانه..

كمان لاتتخلين عن هواياتك ومواهبك الرجال يحب البنت اللي تمارس هواياتها حتى لو هواياتك بسيطه لو هوايتك الخط ابد اقعدي خطي وابدعي قدامه واكتبي اسمه ودلعه وكنيته ومن ذا الحكي اهم شي انك تمارسين هواياتك ولاتتخلين عنها..الرجال يحب البنت اللي معها سالفه بس مايحب البنت اللي من يدخل وهي ماسكه التلفون ويطلع ويروح ويجي وهي تكلم حتى لو هي امك..كمان فيه اشياء كثيييير بس كل رجل له طبيعته ونمط الشمالي غير الشرقي وغير الغربي وغير الجنوبي وكل نمط يختلف عن الاخر بس هذي الاشياء الشامله ولا الباقي يعتمد على نمط زوجك
ان اصبت في نصيحتي فتكفين لاتنسيني من دعواااااااااااتك وان ربي يفرج علينا كربتنا عاجلا غير اجل من غير حول منا ولاقوه تكفييييييين طلبتك وان الله يسخر لي كل من هو اقوى مني ويسعدني وكل اهلي وينجحني واطلع من هالترم من دون مااحمل ولا ماده وبدون انذارات:icon33:
وموفقه يالغلا..:39:

التعليقات

مشكلتي ما الها حل

اسفة اني اضطريت اقول هذا الكلام لكن ما عندي حل

الله يحرم جلدكم على النار يا بنات شو الحل يلي بتعرف ما تقصر

ما الحل💔

اللي ماعندها حل او نصيحة لا تبخل علي بدعوة رجاءءء