صينية الدجاج بالتوست والجزر والله رهييييييييييييييييبه واللي تدخل ماراح تندم على ضمان

السلام عليكم
حبايبي جايبتلكم طبق والله كلمة روعه شويه عليه والكل راح يسألج عن المقادير
المقادير هي:
دجاجه مسلوقه وتقطعينها بدون العظم
جزرتين كبار مبشورات
فلفل اخضر بارد مقطع شرائح
بصله كبيره مقطعه شرائح
مكعب ماجي
ملح
فلفل اسود
فطر مقطع شرائح
توست بس تشيلين الاطراف يعني تصير بيضه كلها: بس إحتفظي بالأطراف راح نحتاجها
كريمه كي دي دي لون العلبه وردي(في كريمة المراعي بس كلش موحلوه انا جربتها حاست الطبخه:11:
جبن مبشور أي نوع ( أنا أحط موزاريلا )
واذا تبين تحطين بقدونس كيفج
الطريقه:
تجيبين البايركس وتتصفين قطع التوست في كل الجهات ماتخلين ولا فتحه
الدجاجه اذا سلقتيها وقطعتيها حطيها على جنب
بعدين اقلي البصل مع الفلفل الاخضر
بعدين اذا كان الزيت كثير شيلي نصه بعدين حطي فوق البصل والفلفل الأخضر الجزر المبشور والدجاجه المقطعه شرائح.. بعدين حطي مكعب ماجي وحطي ملح وفلفل أسود حسب الرغبه.. بعدين حطي فوقهم الكريمه ..
وذوقيها إذا ناقصها ملح زيدي مو تكتينه كت:o
ألحين إخذي خلطة الدجاج وحطيها بالبايركس فوق التوست
ألحين يجي دور أطراف التوست ( للزينه )
حطيها فوق خلطة الدجاج بالطول والعرض ( إضغطي عليها بإيدك عالخفيف )
بعدها رشي الجبن المبشور.. بعدين دخليها بالفرن من فوق بس .. لحد ما تتشقر الجبنه
بالعافيه عليكم
بنات انا مادري اذا في احد كاتب الطبخه قبلي ولا لأ بس هذي اول مشاركه لي واتمنى تعجبكم
ودمتم

20 تعليق 2,862 مشاهدة

شاركي في النقاش

سجلي الدخول لإضافة تعليق.

التعليقات

20
  1. @miss_sfer

    يعطييييييييج العااااافيه وتسلم ايدج

    خووووش طبق

    بس الفطر وين موقعه من الاعراااااب هىهىهى اكيد مع البصل والفلفل الاخضر؟؟

    وجزاج الله خير

تابعي تجارب أخرى من هذا القسم.