موضوع جديد لتلقى الاسئلة للدكتورة راندة

هلا دكتوره

عندي اربع اطفال وبعد المولود الاول كان سقط وسولي تنظيف وبعدهم 3طبيعي
وبعدين سقطت اربع مرات ورا بعض وسولي تحاليل وقالوا السقوط طبيعيه
وماتحتاجين تنظيف
مع العلم دكتوره اني خلال هالسقوط كنت اسوي رياضة تكسير دهون الي هي الظغط على الجسم والتدليك
والعب في نادي رياضي وماكنت اعرف اني حامل الا بعد ما اسقط السقط الاول قبل مابدا رياضه والثلاثه بعد
راجعت اكثر من مستشفى وقالوا لي احتمال كبير من الرياضه والتدليك
بس المشكله يادكتوره الحين اخر سقط كان في 16/5/2008
وبقى الدم معاي لين 30/5ووقف3 ايام وسار فيها جماع وبعدها بيومين نزل لين اليوم بني ومرات مايل للاسود
واليوم بني ومعاه دم سولي تحليل هرمون الحمل قالوا 385 والسونار قالوا كل شي تمام بس يمكن عندك بواقي
هي الي رافعه هرون الحمل بس ماتبين في الصوره هالبواقي وبيسولي تحليل يوم الاحد يتاكدوا اذا نزل الهرمون
يقولوا احتمال حمل جديد مع اني زوجي عزل في الجماع
سوالي يادكتوره هل في تبويض في حالت الاسقاط وانقطاع الدم ورجوعه ينزل مره ثانيه في نفس الشهر يعني؟
ومتى يختفي هرمون الحمل بعد الاسقاط؟
وشو يعني هالدم الي باقي ينزل هل هي بقايا وماتبين في الصوره التلفزيونيه؟
وجزاك الله خير يادكتوره والله اني في هم من هالموضوع

دكتورة افيديني بهالحالة الله يجزيك الخير

وحدة ترضع على نظافة يعني بعد الولادة ما جتها الدورة و ما تجيها طول ماهيه ترضع

وهيه بكرية

بنتها صار عمرها 8 اشهر و لسه معتمدة عليها بالرضاعة + وجبات خارجية

و للان ما جت الدورة و لا تستخدم موانع اخرى

سؤالي في احتمال يصير حمل و ايش الحل بهالحالة ؟؟؟

دكتوره انا في الاسبوع الاول من الشهر التاسع ومن التحاليل عندي صديد في البول وسويت مزرعة جراثيم لقو التهاب في البول بس ماستعملت علاج والحين احس بالم في جنبي الايمن وش اسوي خايفه على الجنين هل لها تأثير على الجنين