حلم شفتيه و تفسر بعد مده / قديم

انا حلمت حلم وفسره الشيخ اني اجيب بنت وفعلا جبت بنت

انا بحكي لكم عن حلم مو انا اللي شفته لا خالتي اللي طول بعمرها والكلام دا كان قبل يمكن 13 سنه
اذكر يومها جات عندنا في رمضان وقاعده تتكلم مع امي بعد الفطور وقعدت تحكي امي عن حلم حلمته هي وفيه خالي ( أصغر واحد هو وقتها كان عمره 45 سنه )وولدها اللي بعمر خالي تقريباً،،،
قالت لأمي قبل كم يوم حلمت إن ولدي وأخوي شايلين فراش قطن كبير وماشيين وانا معاهم وبعدين طاح منهم الفراش وانشق وسار يطلع منه كتاكيت صغار وهي سارت تصيح عليهم وتقول لهم لموا الكتاكيت وهم يلموا فيهم وهي خايفه على الكتاكيت لايضيع منهم شي ...
المهم طبعا أمي مافهمت شي قالت لها وي يعني ايش يعني خير إن شاء الله !!!

قامت قالت لها هذولي في ظهرهم ذرية انا زعلانه ومو عاجبني قعدتهم كده ( حرمة خالي اللي يرفع عنها مريضه عندها كانسر من زمان ومسوية ربط وطبعا ماتجيب عيال وعندها بس ولدين وبنت ) وحرمة ولدها ( بنت خالي الثاني الله يرحمه ويرحمها كانت مريضه بالربو وبرضك عامله ربط وعندها ولدين وبنتين ) وطبعا خالتي حرمه كبيرة وتبغى ولدها يملا لها البيت عيال مو عاجبها اربعه بس الله يحفظهم ...
المهم امي قالت لها ياشيخه اذكري الله هذول مايبغوا يتزوجو على حريمهم والله يحفظ عيالهم ...
قامت قالت ربنا قادر على كل شي بس انا زعلانه وهذولي شباب ولازم يجيبوا عيال ...
المهم مالكم بالطويله ماكلمت سنتين او اقل على دا الموضوع وخالي يروح يتزوج اجنبيه فوق حرمته المريضه ,,, وبنت خالي الله يرحمها ويغفر لها تتوفى ... ويتزوج ولد خالتي كمان
والحين خالي جاب ثلاث أولاد ،،، وولد خالتي جاب بنتين وولد ,,,, سبحان الله رغم إن الظروف وقتها كانت مختلفه لكن ربي قادر على كل شي ... هي خالتي استبشرت خير بالحلم وشوفو ايش سار ...

up

فكره حلوووووه تسلمين ....

والله اتذكر مره حلمت اني اسوي الشاي للفطور طبعا ..واحط اللبتون الا وهو يحترق الورقه حقته من النار..

وصحيت في يومها نفسه والفطوووووور علي من بين اخواتي واسوي الشاي الا ونفس الطريقه مسكته علشان مايحترق من
قوة الحراره فكيته واحترق نفس الحلم بالضبط...))سبحان الله

اللهم ارنا رؤية سارة بارة ترفعنا وتنفعنا في الدنيا والاخرة
آميييييييييييييييييييين