التجمع الجديد لستات البيوت الشاطرين جداااااااا

يا بنااات .. فين مدام وائل .. ليها وحشة كبييييييييييييييييييييييرة قوى قوى قوى قوى قوى قوى قوى قوى قوى قوى قوى .. يا ريت يا ايمان تدخلى دقيقة واحدة بس تطمنينا عليكى .

اذيكم يا بنات

وحشتونى جداااااااااا

مش قادرة اقولكم اذاى

هتقولولى طيب اللى بيشتاق بيسأل

بس والله ملبوخه مع بودى خالص فى موضوع تعليم الحمام كمان طبعا كنت شلت لة البامبرز نهائى

وبقيت استعمل اندر وير بلاستيك اللى هو مبطن بفوط
المهم

والولد جالة حساسية رهيبة انتشرت فى جسمة بشكل بشع والله بقا صعبان عليا جدااا وطبعا باباه

ميتوصاش حقن ولسيونات وغسول وحما 10 مرات فى اليوم بالديتول وفيلم يعنى بأمانة شىء

مزعج للطفل والام لما يكون الاب دكتور اطفال
الدواء بالميلى مش بالملعقة وانا ساعادتكم بتحول للمرضة المسؤلة عن تنفيذ اوامر الطبيب بدون اى

سؤال يخص حالة المريض اللى هو ابنى مش بقولكم حاجة مزعجة

ربنا يشفية يارب وطبعا تبعا لتعليمات الطبيب رجعنا تانى للبامبرز تجنبا للحساسية والولد بيقاوم بشدة

تقلش يعنى فالح بيتعلم اصلا

حكيت لكم صقة حياتى يالا كل الامهات اللى علموا الحمام استعملوا اية فى فترة التعليم

اما السبب التانى

فهو انى عندى اكتئاب حاد جدااااااااااا

لية؟؟؟؟؟؟؟؟

من منظر شقتى

والله ما حد يصدق ان دى شقة واحدة منظمة اصلا فضلا عن كونها مهندسة ديكور بتهيقلى لو حد

من الدكاتة فى الكلية شافها خلاص استحالة يدخلونى اشرح محاضرة وممكن كمان يسحبوا

الماجستير


لية يا بنتى كل دة؟؟!!!!!!!!
هأقولكم واستحملونى افضفض معاكم
عندى الصالة هى الريسبشن فيها الانترية والسفرة والحمد لله الحمد لله ان الصالون فى اوضة من

منفصل ولو انها اتحولت حاليا لمخزن لكل الحاجات اللى بنشيلها منه

من شقاوة بودى بية ربنا يحيمية يارب بيطلع على كراسى السفة ومنها على الترابيزة وينط على

الارض وطبعا مرة تصيب ومرة تخيب مره يتعور و مرة كويس ربنا يستر
وكذلك تابيزة الانترية والطقاطيق الصغيرة فأكيد يعنى تخيلتوا انى شايلة حتى الابجاورات وحتى

ترابيزة الانترية نفسها خلاص اختفت عناها

من يومين وقع كرسى سفرة المرة دى فاتكسر!!!!!!!!!!

المهم دخلنا الكراسى للمخزن اللى هو اوضة الصالون سابقا

بقيت الشقة والله شكلها غبى جداااااااااااااااااااا

حماتى جت عندى افتكرتنى بنضف البيت فاشايلة العفش بس لما بتشوف شقاوتة بتقول مينفعش الا

كدااا

انا عايزة تقولولى اعمل معاه اية لانة خلاص بيتتطور بيتمرجح فى الستاير وبيطلع على البوفية

تسلق ذى اللى بيطلع النخلة

وبيفتح الابواب فعايشين فى سجن معايا ماديلية فيها مفاتيح الاوض بافتحها للضرورة القصوى

بجد والله عندى اكتئااااااااااااااااااب رهيب
هتقولولى ودية نادى يلعب باخرجة مرتين فى الاسبوع ومرة عند ماما وحاولت فى النادى ادخلة فى

تدريب للجمباز هو ينفع جدااا بس قالوللى لسة بدرى لانة لسة صغير
اما اودية حضانة فدا مستحيل لانة فعلا بيعمل حاجات خطر ومفيش مدرسة ممكن تسيب كل الفصل

وتهتم بية علشان ميعملش مشكلة لنفسة
اما من ناحية العنف فهو مش عنيف والله خالص ولا بيضرب ذى الاطفال وبسمع كلامى باثناء اى

موضوع يخص النط والتنطيط من مكان لمكان
ولما بيجلنا ضيوف او بنروح عند حد مبيتحركش من جنبى خالص ولا اى شقاوة يارب بس يفضل على كدا

حد يساعدنى
والله هاتجنن

ومش بينام يمكن احيانا 4 ساعات فى اليوم كلة وحاولت كل الطرق وكلة فااااشل
هيبقى شكلى وحش لو قلت لكم هأساعدكم فى حلول ديكورية مش كدااا؟

بس هو شغلى وبجد لو حد عايز يعمل تجديد يبعتلى بس الصور او حتى مقاسات الاوضة والالوان

على الخاص وانا اساعدكم فيها بأذن الله


توتة

بالنسبة للافتكاسات مش بس تكون فى الديكور انتى عارفه بامانة مع ان المفروض مقلش كداا باعتبار

الرجالة هما اللى بيدفعولى لما باعمل الديكور لكن مبيلفتش نظرهم اوى التغيير ذى الستات

لكن علشان تستقبلية -حتى انثوية بقا- يعملى لة سوا راجع على العشا او حتى الفطار عشا او

فطار رومانسى فى اوضة النوم بشمع حلو واشكال فية فى محلات اتنين ونصف اشكال شمع على

شكل قلوب ومبع واسطوانة كبيرة تجبيهم وتحهيم وعلى جنب الترابيزة اللى بيتجهزيها يكون فية تل

احمر او ارجانزا تتحط بشكل تلقائى على الجنب وفى الاوضة لازم يكون فية فواحة فيها ريحة

البرفيم اللى بيحبة وطبعا انصاف الاكل حتى لو فطار تبقى كأنك عاملة عزومة ومهمه كمان وعصير

وبالنسبة ليكى لو ينفع تغيرى لون شعرك وتصية قصة جديدة وعلى قميص نوم شيك ورقيق

رومانسى مش حاجة تانية وبرفيوم جديد علية خالص ومكياج رقيق وفى نفس الوقت مختلف بالنسبة

للى متعودة عليا

كدا هيكون احسن استقبال

وعن تجربة النتائج مزهلةةةةةةةةةةةةةةةةة

بس اوعى ولادك يصحوا

لانها حصلتلى وتعبى راح على الفاضى
هههههههههههههههههههههههههههههههههههههههههههه


طيب كمان عايزة اقولكم اية


عندى تجربتين كدا على السريع

للتخلص النهائى من العرق ويفضل يوم كامل لو حتى برا البيت
بعد الحما بستعملى كريم بيتعملية بنفسك

اذاى؟؟؟

نجيب من عند العطار شبة بودة مطحونة سهل دى ورخيصة اوى وتحطى عليها نصف علبة كريم

جليسوليد او اى لوشن للجسم ويفضل لو فية برفيوم بودى كريم بيكون تحفة وتحطى عليهم شوية

مسك سوا مبشور من المكعبات او البودرة وعليهم نقطتين من اى زيت عطرى بتحبيه وتخلطيهم

كويس لحد ما يبقوا ذى الكريم وتستعمليها كل يوم وبعد كل شور

والنتيجة ريحة حلوة كمان بدل ريحة العرق

2 فى 1 يعنى

كمان وصفة هايلة للكل المتزوجات


بعد انتهاء البريود نجيب مسك بودرة من عند العطار بس يكون عطار أمين طبعا
ونضيف علية ماء وشوية ماء ورد ويستخدم فى الغسل والطهارة فى المنطقة الحساسة لمده 3 ايام

ورا بعض

وانسى بقا اى التهابات او مشاكل والله دى باعملها على طول تحفة

طيب اخر حاجة

يويماتى

عملت صلصلة بطريقة شيماء اسرع من طريقتى كثير وكمان خزنت فوصوليا خضراء بطريقة

التخزين الصحيحة ليها وجبت شوية جزر وبشرتة وخزنتة فى اكياس فى الفريزر
و2 كيلو ورق عنب بس لسة معملتش الا نصهم

اللى ناوية اعملة الاسبوع دة بأذن الله عايزة اغسل الشابيك كلها ولازم اغلفها ببلاستيك لان التراب

والغبار عملى حساسية
والسجاد بأذن الله

شيمو سبحان الله والله بافتكرك دايما فى السجود وادعيلك بكل خير ربنا يتقبل يارب

انت فين ياحبوبه
وحشتيييينى
ووحشت كل احواتك

بالنسبه لابنك الحبوب والحمام

واكيد بالاضافه لكل للى بتعمليه

وبما انك متفرغاله
بالنهار حاولى متلبسهوش بامبرز او بلاستيكات نهائى
وكفايه 2 غيار داخلى مع البنطلون
بس لازم كل شويه توديه الحمام
علشان يفضى المثانه

قرب النوم لبسيه البامبرز

هو تعب فى المتابعه ليس اكثر
بالنسبه للشقاوه

العبى بالاضواء حاليا
الرسيبشن حاولى تضلميه بالستاير بعد التهويه اليوميه
مع كثييييير من التحذيرات الكلاميه
والتصميييييم
يعنى مفيش لا زعيق ولا صريخ ولا ضرب طبعا
لكن عدم الملل من التصميم
اتعودى تقعدى اكبر وقت ممكن فى غرفته
او فى اللفنج
وهو بيلعب
وتنسحبى كل فتره وسيبه يندمج

يعنى انت اللى تتعبى من التابعه والتصميم والتأكيد على المظلوب
الاولاد اذكياااااااء


بالنسبه للشقه
انت الفنانه
ازى افيدك
ولو انى تقريبا
بشارك فى تغيييير كل شقق اصحابى طوال حياتى

الصبر مع الوقت كله هيكون تماااام
ربنا يبارك فيكم جميعا
كل المجموعه وحشتتتتنى

سلالالالالالالارم

اخيرا مدام وائل ظهرت
وحشتيييييييييييييييينا
الف سلامه على بودى ربنا يحميه
انا من راى ماما زوزو وكنت بعمل كدة مع طومى فعلا
اه هى مرة تصيب ومرة تخيب بس فى الاخر بنحس بنتيجة
طومى بقى عكس بودى بمجرد بمتلبس البامبرز يجلها التهابات فظيعة بقيت البوسهلها لشديد القوى
معلش الله يعنا عليهم ويهديهم
انتى بتقولى بودى مدوخك
طب خدى عندك اللى طومى بتعمله فيه
بتطلع على درج التسريحة فى اوضه النوم وتوصل للمكياج والبرفان والذى منه
وكذلك فى المطبخ
ودلوقتى قاعدتها المفضله على السفرة وعلى ترابيزة الكمبيوتر
فمتتخيليش ان بودى متعب لا والله كلهم كدة
بس الظاهر العيب فينا احنا

صباح الخير يا قمرات

ازيكم يا حلوين

انجي انتي مختفيه فين بقاللك يومين

نانا بالذمة شفتي التعليقات هههههههههههه

ايجبتي حبيبتي انا مش زعلانه و لا حاجة بس انا فعلا محتاجة السمسار ياريت لو جوزك ممكن تجيبي لي منه النمرة

مادو مش عارفه فاكرة حد رد عليكي بالنسبة للشربات بتاع الكمبوت ده المحلول السكري اللي الفاكهه بتبقى فيه
فطوم ربنا يعينك على طومي

مدام وائل حبيبتي ربنا يخليكي و يكرمك و بجد اوعي تغيبي عننا كده تاني ابدا و ربنا يهديلك بودي يارب معلش يا حبيبتي استحملي و اصبري
بس عايزة اقوللك على حاجة انا عارفه ان هو صغير بس حاولي تشوفي العاب و هوايات تشغله يعني حاجة يستغرق فيها زي ماما زوزو ما قالت لك................
مش عارفه اقوللك ايه بس هي فيه حاجة اسمها مراحل النمو الحركي و العقلي للطفل طبعا انا نسيتها بتعرفك كل مرحلة من ممراحل نمو الطفل ممكن تعملي معاه ايه ............
و الله الكتب مش عندي بس ممكن تعملي سيرش ع النت و تشوفيها

نيرفانا

ايه الشطارة دي هههههههههههههههههههههههه يعني الاكل اتحرق هههههههه و نسيتي الفلوس هههههههههههههههه
صح هي دي ست البيت المصرية الجدعه ههههههههههههههههههههههه عادي بتحصل في احسن العائلات ههههه

زهرة و اسيرة العشق و كل البنات مش عايزة انسى حد كلكم بتوحشونا

نوشا

انتي مختفيه فين طمنينا عليكي