لعبه حريم للبنات بس تعالوا شوفوا وش كنا نسوي.....

انا: طق طق طق

انتم: مين؟؟؟

انا: أم التوأم الثلاث

انتم:هلا والله وغلا تو مانور المنتدى بوجودك

انا:يابعد والله الله لا يحرمني منكم قولوا اامين

انتم: اااامين ولا يحرمنا منك

انا:بصراحه عندي موضوع يخليكم تستانسون

وهو نبي نرجع شوي لايام الطفوله وبما اني كبرت ابحكي لكم

اللعبه المفضله عند البنات من اول

والي ماكانت تلعب هاللعبه من قبل اشك بوضعها صراحه:confused-

الموهيم هي لعبه (حريم)

وتتكون من الشخصيات الاتيه:

1-الام وهي حنا يامعشر الحريم:biggrinlo
2-الاب الي دايم طالع من البيت :arb:
3-الاطفال(العرايس) وغالبا يتراوح اعمارهم ما بين الشهور الى 5 سنوات:04:
4-وبنات الجيران حسب الرغبه<< صارت طبخه:icon8:

وبعدين كل وحده وحسب تمثيلها مثلا انااسوي نفسي اقوم الصبح

واقوم العرايس اقصد العيال وافطرهم وبعدين اخليهم يسرحون

يمرحون بالبيت واروح اقيل شوي الصبح

على بال مايجي ابونا:33:

وبعدين اقوم على العيال اكفخهم عشانهم حاسوا

البيت علي :angry:وبعد شوي يجي ابوهم

وبعدين اغدي العايله الكريمه :cook: وبعدين أخذ قيلوله

<<طول اليوم تقيل

الموهيم هذي نبذه بسيطه عن لعبنا قبل بس كل وحده لها طريقتها

باللعب وهذا ان دل يدل على الطريقه الي تطمح لها البنت

بحياتها في المستقبل وتربيتها لعيالها

يعني انا رحت غلطه دام حياتي كلها قيلوله

بس اهم شي بالموضوع ان الله سبحانه جعل الامومه فطره فينا

واننا نستمتع وحنا نربي ونتعب


عاد والله انا هذي لعبتي المفضله حتى ان عروستي كل ما انهرت وتقطعت

اروح اخيطهاولا ابي غيره<<وه بث ادنن

عاد الحين دوركم اسدحوا لعبتكم المفضله يوم انكم بزارين

<<هذي انا ايام الطفوله هع هع:wink2:

بالله عليكم تقبلوا موضوعي اللي يخلكم تستانسون

وتحسون انكم كبار الحين



بس سؤال اخير:
ليه ماصنعوا عرايس للعيال؟؟<<اقوووول ضفي بس

97 تعليق 12,810 مشاهدة

شاركي في النقاش

سجلي الدخول لإضافة تعليق.

التعليقات

95
  1. @nor_aldnya_16

    نحب نلعب حريم علشان نسير ونتقهوى بس هذا الي اتذكره

    انا حرمه واختي جارتي واسير عليها وتقهويني بالكاسات والمواعين اللعبه
    هذا همنا واحنا صغار ونحسب الحريم بس يتقهوون ويسيرون هم وبزارينهم

    يازين ايام الطفوله بس
  2. هههههههههههههههههههههههههههههههههههههههههههههههههههههههههههه
    لي رجعه لموضوعك ان شاء الله
  3. @aakdlolo_1

    اما انا كنت احب اوقف التكايات_المساند مدري ايش تسمونها المخدات اللي تحطين يدك عليه في المجلس مو اللي ورا الظهر<<<يازين الوصف
    المهم اوقفها وأحط فوقها شرشف او لحاف خفيف وادخل داخلها ....هذا بيتي :)
    وطبعا اختي بعد لها بيت....
    وبعدين نسير على بعض بعد مانحط روج ونلبس العباية خخخخ
    وقهوتنا موية وحلانا عجين ....يعععععععععع
    يا زين هالايام
  4. @lyan_14

    يووووووووه يازينها ايام تجنن
    اذكر كنت اذا لعبت العب بجد واعصب اذا محد ضبط الدور ههههههههههه

    طبعا حنا ساكنين بفلل جنب بعض يعني عمامي اهل بابا كلنا بس مفتوحه على بعض ان شاءلله فهمتو
    المهم
    كان كل وحده لها عروسه تجنن كانهم صدق اطفال

    وبنات عمنا عندنا

    ونلعب

    انا ببيتي وزوجي اختي نلبسها ثوب وشماغ
    وعندي بس عروسه بنتي تكون

    واختي ببيت ثاني ماعندها زوج هههههههههه بس متزوجه وعندها اولاد

    وبنت عمي ببيت ثاني زوجها اختها هههههههههه وعندها بيبي

    طبعا انا لازم اول وحده اسوي عزيمه

    اروح احط معجنات وحلى وبيبسي
    المهم اكشخ مره وازين البيت

    عشان العزيمه

    والبس من لبس ماما ههههههه
    واحط مكياج

    ويجون ويسولفون عاد بنت عمي واختي يضحكون !!
    انا اقعد اعصب لاتضحكون العبو جد!!! هع هع

    واذا خلصنا العزيمه يقولون يووه بيتك يجنن نبي ننام عندك واعصب وازعل ههههههههههههههههههههه
    لان ماسوو لي عزيمه

    وكل مره يقصون علي ابداء العزيمه انا واذا خلصت قالو بنام عندك ولا مره عزموني



    او مثلا نلبس عبايات واختي وبنت عمي يلبسون ثياب وشمغ

    وانا واختي وبنت عمي كاننا بنروح السوق وهم يعاكسونا هههههههههههههههههه
    ويتحرشون فينا وحنا نعصب واخوي كانه يشوفونا ويعصب علينا هههههههههههههه

    ايام تجنن
    كنا بالابتدااائي لين صف ثالث متوسط وحنا نلعبها

    الحين حنا بالجامعه ونحن لها نقول نلعب هههههههههههههههه
    امهاتنا يقولون لاتلعبون تزوجو صدق هع

    وبس طولتها :)
  5. @ghla_mysho

    ياربيييييييييي
    ذكرتيني باحلى ايام
    كنت العب انا وخواتي
    نلعب دور اخوات يتيمات<<<<<<<<< مالت علينا كنا نفاول على حالنا خبلات
    عاد وحدة تشتغل بمستشفى ووحدة تدرس بالجامعه <<<<<< ذابحتنا هالجامعه كنا نتهول منها
    وحدة تدرس بالثانوي
    عاد بزارين ومطفق شوفي انواع الخبال
    ونحط مكياج يالله ايام حلوة

تابعي تجارب أخرى من هذا القسم.