®™]●]®™

صباح الخير بنات تصدقون وانا قاعده اقرا مبسوطه من سولفكم :D فجئه تعكر مزاجي وانا اقرا اختي مدعاة السرور قالت انها في غربه وذكرتني بالي ينتظرني بعد كم شهر والجمره اللي بصدري اللي محد يدري عنها حتى اهلي ماقلتلهم الين الحين ساكته ماابي اضيق صدورهم والسالفه ومافيها ان زوجي قبل شهرين جاء وقال بنسافر لبريطانيا بعد كم شهر فرحت شوي وبناقز من الوناسه:32:على اساس انها سياحه طبعا قال بنروح بنقعد اربع اوثلاث سنين على حسب :eek:انصدمت وش السالفه قال بيروح بعثه عن طريق العمل والله لاشعوري قمت اصيح وانهرت :06: لا ماقدر اروح واتغرب عن اهلي وناسي 0ولا وفوق كل هذا خايفه ماادري احس اني بعيش ذا السنين طرما مااتكلم الا معه ومع ولدي ماعرف احد ولا الواحد يقدر يتاقلم بسرعه مع الوضع الله يصبرهم اللي متغربين وشلون عايشين لا واختكم في الله مهناش في اللغه على قدي يعني اطقطقلي بعض الكلمات هذا اللي شايله همه زياده وش بسوي هناك عاد لاتضحكون علي عارفه ان مافيه احد الحين مايرطن انجليزي بس انامشيه عمري هنا وش السوات بنات اروح ولا اقعد بس ويروح لحاله بس صعبه صح اخليه لحاله احس العيشه هناك صعبه والغربه اصعب والله اني اذا ذكرت الموضوع احس راسي بينفجر مدري اشيل هم ولاده ولا السفر يالله الله يسهل ان شاء الله000
ماعليش قلبت روسكم بس حبيت افضفض شوي واتكلم بالي كاتمته بصدري احس اني ارتحت لكم من سواليفكم 0
واشكر اللي ردو علي ماطنشوني0

الحمد لله يا سان على السلامه ومبروك البنوته
وان شاء الله تشوفيها عروسه
والله دخلت الملف عشان اباركلك مع اني زعلانه من بنات الملف كدا مره اسلم ولا وحده ترد السلام بس يالله الطيبات لله
حبيبتي بالنسبه لتشققات الصدر حطي عليها شوي زبده ودهنيها وكل مارضعت بنتك حطي ثاني واستخدمي الواقي تبع لصدر عشان ملابسك ما تتلوث
وراح تشوفي الفرق حيخف الالم ويختفي الدم بس استمري عليه الا ن يتعود صدرك على الرضاعه
انا مجربته في ولاداتي السابقه والحمد لله ارتاح من المعاناه
ان شاء الله تخلصي م الاربعين وانتي احلى عرووووسه دعواتك لي بتسهيل ولادتي

هلا أم بندوري لاتشيلين هم ياقمر بقولك شي هذي فرصة كبيييييييييييييييييرة انك تتعلمين اللغة واكيدفيه عرب يمكن اكثرمن الإنجليزنفسهم توكلي على الله وريحي بالك ياااااربي فيني نوووووووووووووووم بس ماني عارفة كيف انام

ايه صح بس هذا موشهر ولا سنه اربع سنين قطعت قلب وماتدرين وش بيواجهك هناك وش الاوضاع هل بتلقين الناس اللي يناسبونك ولالا صعبه موسهله00
فيك انوم حطي راسك على المخده ونامي :p مافيه اسهل منها:D

مدري ليش احس اننا كلنا ماحنولد قبل الاسبوع الاربعين

وبيني وبينكم لما قريت في موقع الدكتور سمير عربي عن حالة الجنين في كل اسابيع الحمل عرفت ان لكل اسبوع قيمته في تطور الجنين حتى في الاسبوعين الاخيره فليش نستعجل اللي صبرنا طوال هالشهور يصبرنا الاسابيع الباقيه