شاركي في النقاش

سجلي الدخول لإضافة تعليق.

التعليقات

85
  1. @krstalh_7



    الله يعينك ويهدينا وياك يارب

    اول شي انصحك تتصدقين بنية المداومة على الصلاة وبعد الاستغفار مثل ماقالو البنات

    وبعد بالاول راح تتعبين شوي لانك مب متعوده على الالتزام بالصلاة

    بس اجبري نفسك شوي شوي بتلتزمين فيها بس لاتسمعين كلام الشيطان اذا وسوس لك انك

    ماتقدرين او مالك خلق

    وذكري نفسك بالموت

    لايجيك لاسمح الله وانتي ماتصلين وتضيعين اخرتك

    لاتتوقعين مره بتقومين من النوم تلاقين نفسك محافظه على الصلاة

    يبيلك تجاهدين نفسك

    والله يهديك ويشرح صدرك وكل مسلم اللهم امين
  2. @hddh

    صاحبة الموضوع
    الله يعطيكم العافيه ويسهل عليكم

    وانا بسوي الي انتو تقولونه انا اليوم صليت الفجر والظهر والعصر اول ما يأذن اقوم على طول عشان ما اتهاون

    وابي منكم دعائكم الله بخليكم ادعو لي اداوم على الصلاه ماتصدقون كييف انا متضايقه من نفسي

    ومشكورين على ردودكم والله حمستوني وعطيتوني امل

    وانا هالمره ابي يصير اخر مره احاول اصلي فيهاااا ابي اليوم يصير اول يوم لي في بدايه صلاتي الي ما حتنقطع الا لما اموت

    الله يسهل علي يا رببببببببببببب :44:
  3. @golden_phoenix

    الله يهديك يارب ........ خليك معانا وزوري قسم الفتاة المسلمة بالموقع وإن شاء الله تتبدل حياتك كلها
  4. @rosee

    يا اختي
    اول شي ربي يعافيج ويعافينا من كل شر وبليه
    بعدين شو فايده الاستغفار والتسبيح
    واول شي يسال عنه يوم القيامه الصلاه

    وييييييييييين الصلاه تنهى عن الفحشاء والمنكر والصلاه هي عماد الدين من تركها ترك الدين
    يعني انتي دامج مب مصليه يعني انتي تاركه دينج

    شوفي عشان فعلا تلتزمين لازم تعرفين ان لموت حق واول ما تنزلين بقبرج تنسالين عن الصلاه اذا كانت صلاتج صحيحه مافيها شي عقب تتحاسبين على كل طاعاتج الثانيه

    والرسول صلى الله عليه وسلم (في سكرات الموت وعلى فراشه ) كان يوصينا بالصلاه
    (( كان يقول صلى الله عليه وسلم الصلاة الصلاه وماملكت ايمانكم )))

    يعني انتي مب ملتزمه بالصلاه احس لانج مامريتي بمصايب وابتلاءات .... حياتج ماشيه تمام
    يعني لو ابتليتي بمصيه الله لا يقول بامور حياتج عقب بتحسين بقيمه الصلاه وبتواضبين على الصلاه

    ما تخافين ربج يبتليج مب اللحين لا عقب بسبب ذنبج لتركج الصلاوات

    انا صدق احس لولا صلاتي ما ادري شو صار فينا الله يثبتنا يارب العالمين والله يعافيج ويعافينا من كل شر وبليه


    ترا كل الصلاه اللي تاركته من يوم عليج قضاءه يعني كم بتيمعين اللحين ومتى بتقضين ها كله ؟؟؟؟!!!!!!!
    انا متاكده لاني سمعت فتوى بهالخصوص لازم تقضين اللي عليج لو كان اخر يوم بحياتج


    يا ختي الدنيا فاااااااااااااااااانيه ما تدرين متى يومج تعوذي من الشيطان

    حتى انج لازم ترتبين حياتج على اساس الصلاه
    مب ترتبين صلاواتج على حسب حياتج


    اعرف وحده ماشاء الله عليها تقضي صلواتها كامله وييييييييييييييين ماكانت تصليها
    حتى مره كانت مسافره بالطياره فتره طويييييييييييييله يعني 7 ساعات تقريبا وحده تقولي عنها انها قامت توضت وخذت ركن وصلت

    ووحده اعرفها شفتها لمن كانت مسافره
    قامت تصلي بمكان ما يخطر على بالج والناس قامت تطالعها

    ليش تهقين هاذا كله !!!!!!!!؟؟؟؟؟؟؟؟؟؟؟

    لان الصلاه شي اساسي بحياتج



    لو ضليتي على هالحال اخاف يصير لج شي وعقابتج الله العالم فيها لو ما تبتي اليوم قبل باجر ترا هي كبيره تركها مب شي هين


    وسامحيني لو اني زعلتج بكلامي
    ترا لحرصي عليج وخوفي عليج واانتي كاخت مسلمه واجب انصح لها وخبرها


    والله يهديج ويهدينا جميعا يارب العالمين
  5. @hlahh

    الله يهديك ويعينك على طاعته
    لاتأخرين الصلاة عن وقتها اذا قامت امك صلت انتي وراها
    وتذكري القبر وظلمته والله انك بتفزين على طوول
    واشوي اشوي بتتعودين وبتصير شئ اساسي بحياتك

تابعي تجارب أخرى من هذا القسم.