تفشلت يابنات ابي بن زين

كل يوم وزوجي تهزيئ ويرمي الفنجال وش ذا القهوة ومدري ايش :arb: شكله شايف له شوفه:icon28: المهم كنت والله اسويها زينه الحين وانا اعترف انها مقبوله بس ابي مساعده ممكن تعطوني اسم بن زين ودرجه التحميص حقه وطريقه عملها تكفون :26:

12 تعليق 2,048 مشاهدة

شاركي في النقاش

سجلي الدخول لإضافة تعليق.

التعليقات

11
  1. @ghsn_alslam

    السلام عليكم ورحمة الله وبركاته

    أشوف ان البن الزين عند بارنيز لكن عني أنا أحب اجهز البن بنفسي...أحمصه في البيت لدرجه اللي ابغاها
    وقيل ماأفي عن احط حبتين مستكة ....ولمن يبرد أحطه في علبة وأطحن كميه بسيطة منه حق مرتين أوثلاثة
    جربي وشوفي كيف ريحة القهوة تشعشع في بيتك
  2. اف اف اف يرمي الفنجال في وجهك معليش تراه فنجال قهوة لا راح ولا جا


    شوفي يا قلبي
    انا اسويه واطحنه بنفسي
    اول شي اصفيه من الحجر والشوائب اغسلها زين ما زين واخليها تنشف فوق الثلاجة واحمصها بس مو لما تغمق يصير لونها حلو عشان ما تمرر

    اطحن قليل على قد 3-4 مرات يعني كل تقريبا ثلاث ايام اطحن شوي هو والهيل و

    وطريقتي فيها اغلي موية واحط البن عليها
    واخليها على نار هادية ربع ساعة
    اكون مجهزة الترمس فيه الخلطة الجاهزة اسمها زاد الشويعر صغيرة صح بس تقعد عندي لان القهوة ما تحتاج منها كثير نص ملعقة صغيرة تلقينة عند العطارين
    واحط فيه الهيل ملعقتين صغار وبس
    وازل القهوة عليه
    مع تمر سكرية يا سلام
  3. @mlh_o_skr_2

    البن الزين هو اللي بالخيشه
    اسمه باشنفر
    اذا غسلتي القهوه وترمتيا بصحن كبير تنشف
    احمسيها في الصاج او بوسط الفرن اتركيها بعد كل خمس دقايق حركيها
    الين توصل للون المطلوب واذا غامقه شوي احسن
    وطريقتي في اعدادها
    اذا غلت المويه((تقريبا 2او3علب ماء صحه ))ضيفي لها فنجال قهوه بن اذا كنت مغمقتها
    واكثر اذا كانت افتح
    واتركيها تغلي ثم وطي النار وخليها تطبخ ربع اوثلث ساعه
    طفيها واضيفي لترمس القهوه مقدار ملعقة الكريمه هيل مطحون وزعفران
    وقدميها وان شاء الله النتيجه ترضيك
    ويصير ما يستغني عن طعم قهوتك ياحلوه
    وعند لك فكره اذا كان يحب قهوة احد من قرابتكم واذا اللي بينكم عادي لو تعطينها قهوة تحمسها لك او انك تخلينها توريك طريقتها بالحمس
    وبالتوفيق
    واذا في استفسار ارسليلي ع الخاص لان يمكن ما ارجع للموضوع
  4. @ytymh_tayhh

    ولا تحملين هم عندك القهوه الهريري اذا تبينها تكون ناعمه وحلوه ومو مركزه اخذي تحمير رقم واحد واذا تبين تحميرتها حلوه ورزه تاخذين واحد ونص من محلات القهوه العربيه موجوده في كل المناطق وطريقتها مثل طريقة الاخت بنت ناس انا اسويها تماما ولا عليها اي كلام

تابعي تجارب أخرى من هذا القسم.