بديت أعلم ولدي استخدام الحمام ... ولكن.......!!!

السموحة يا هنونة على التأخير .. بس والله كان عندي ظرف قاهر وما قدرت ارد عليج .. وبصراحة كانت عندنا حالة وفاة.


حبيبتي .. المفروض الحين طاف حوالي أسبوع .. فهل الأمور لا تزال مثل ما هي والا حصل تطور؟؟؟


على كل حال بالنسبة للكاكا .. فمعروف ان الطفل يتأخر يسويها في الحمام .. بس طبعا مب كل طفل مثل الثاني في الفترة .. يعني انا ولدي تم ثلاث ايام ما يسوي كاكا اصلا .. ومرة سواها وهو نايم مع انه ما كان يسوي الكاكا وهو نايم ابدا ابدا .. بس سبحان الله مب شرط كل الأطفال يكونون نفس الشي .. يعني عادي طفل غيره ياخذ فترة أطول شوي.


وبعد احنا اتفقنا ان في البداية الطفل ما بيطلب الحمام ابداً .. وانا عن نفسي ولدي بدا يطلب الحمام تقريباً عقب شهر من التعليم

أما الكلوت العادي فأعتقد لسه بدري .. انا عن نفسي تجرأت ولبسته الهاف العادي عقب شهرين وشوي تقريبا من التعليم .. وفي كل الأحوال فوضع الطفل هو اللي يحدد اذا تلبسينه الكلوت العادي والا لا .. يعني يوم تشوفينه قادر يمسك نفسه مثلا اكثر عن ثلاث او اربع ساعات .. أو قلّت هفواته وكبواته فوقتها تقدرين تستغنين عن كلوت التدريب.

اما بالنسبة لسؤالج الاخير فوالله يا الغالية ما اقدر اقول لج .. لان بصراحة الفترة وايد قصيرة .. وما ادري اذا فعلا ممكن يكون تمكن من الحمام بشكل كامل او لا في اقل من شهر!!!!


الله يوفقج ويقومج بالسلامة يا رب.

الله يرضى عليج .. زهقتي عقب ثلاث ايام؟؟؟؟؟؟؟؟؟؟

عيل اللي طالعة عينها صار لها اسابيع شو تقول؟!!!!!!!!!!

يا عمري وضع ولدج طبيعي جدا جدا .. يعني عااااادي جدا انه مب كل مرة يسويها في الحمام وعادي جدا جدا انه ما يتبرز الحين في الحمام


و يا حبيبتي لا تسمعين لكلام الناس وايد لان مب كل اليهال مثل بعض .. يعني في طفل يكون مستعد في عمر السنتين وفي طفل ما يستعد الا عقب السنتين ونص او حتى قرب الثلاث .... القصد ان ما في قاعدة عامة تشمل كل الأطفال .. فلا تشغلين بالج بالكلام الزايد لان كل وحدة تتكلم عن تجربتها الخاصة اللي مب شرط تنطبق عليج وعلى ولدج.

صحيح طبعاً ان احتمال ولدج ما يكون مستعد .. بس ما ترومين تحكمين عليه في ثلاث ايام .. انتي عطيه اسبوع او عشر ايام وراقبيه وشوفي .. اذا في تقدم كملي .. واذا تم الوضع مثل ما هو بدون اي تطور فمعناه ان الولد فعلا مب مستعد والأفضل انج تأجلين التعليم شوي.

بس الغالية ديري بالج .. الولد ما يتعلم الحمام في يوم وليلة .. هو يحتاج وقت للتدريب لين يقدر يتحكم في نفسه عدل .. وهالوقت مب ثابت .. بس خلنا واقعيين .. يعني مب معقول تتوقعين انه يتمكن من الحمام 100% في اسبوع او اسبوعين او حتى شهر.