ما تعرفون وحدة تنفس(يعني تساعدني في النفاس)

اهلين بنات ابغى وحدة تنفسني في البيت لان اما ودي اتعب امي واشغلها
اللي تعرف الله يجزاكم خير تدلني عليها محتاجتها ضروري في اقرب فرصة
.

5 تعليق 1,016 مشاهدة

شاركي في النقاش

سجلي الدخول لإضافة تعليق.

التعليقات

5
  1. @sarah_9

    مرحبا اختي
    اذا عندك جارات ممكن يساعدونك او صديقات يعني يكفي يسوون لك شاهي الاعشاب والحليب ويحطون لك بترامس
    ويعملون لك تمر بالرشاد
    المفروض اي بنت بالمنتدي وتشوف اي وحدة نفاس سواء جارة لها او في حارتهم المفروض تساعدها لوجة الله لان اكبر الاجر بوقت النفاس
    انا اسويها الان مع جاراتي اي وقت اشوف نفسي ما عندي شغل سويت حليب وشاهي اعشاب وتمر وخبز مفروك ووديتة لها
    والان حاطة عيني على جارتي الثانية الله يقدرني واساعدها بنفاسها
    لاني مريت بهالتجربة وانا بعيدة عن اهلي ولا اعرف جاراتي قعدت فترة مريضة لان الاهتمام ما كان جيد
    فيا اخوات ساعدوا النفاس سواء جارة او بعيدة واحتسبوا الاجر عند الله
    وان شاء الله بتلقين اللي يساعدك
  2. السلام عليكم(اختي لذة العيش)اتمنى اساعدك باللي اقدر عليه دون مساعدة احد وهو انك تأخذ ين تمر وتبعد ين النوى
    عن التمروتضعين قليل من الزبده اوالسمن على التمروقليل من الرشاد. والحبه السوداء.وتسخنينه على النار قليلا وتسوينه بكميه كبيره يكفي نفاسك وزياده لا نه مايخرب ولايتغير طعمه وتضعينه بالثلاجه قبل الولاده وبعد الولاده انشاءالله.تاكلينه بالعافيه .وهو اهم شي للنفساء واول شي تاكلينه بعد الولاده مباشره في المستشفى يجيبلك زوجك قليل منه او الاهل لان التمرمعروف بالفائده للنفاس تأكلينه الصباح بدري حتى تشبعين .وبعدها بساعه تأكلين اي شي مصنوع من البر تكونين عملتيه وحفظتيه بالفريزركل كميه تكفيك يوم تضعينهافي كيس او علبه بلاستيك.مثلا المصابيب.قرص البر.المخامير.وغيرها مع عمل الحليب بالحلبه كل صباح وضعه بالترمس.وتجهزين لك قبل الولاده كمون مع قليل من المره وكلها تكون ناعمه نقعيها بماء وضعيها بالثلاجه وبعد الولاده مباشره اشربي منها يوميا لكي تحميك من الالم والالتهابات.بسب رائحة العطور. واشياء كثيره اتمنى من الاخوات مساعد تك واسفه على التقصير.واسمحيلي لا ني مااحب الكتابه بس احب اقراء مع كل تمنياتي لك بالذريه الصالحه وجعل ربي يهون عليك.
  3. @lth_alaaysh

    صاحبة الموضوع
    ايا رب الله يجزاكم خير الله يوفقكم ويا ليت عندي جارات ينفعون يا اخت ساره كل وحده لا هيه بنفسها وبيتها ومشكورة ما قصرت
    الاخت تراحيب الله يعافيك على المرور ويمكن مثل ما تقولين لو اسوي الاشياء الى احتاجها قبل ما اولد بس ما تبرد القلب وبعدين من ياخذ عني اللي بجيبه ويلعبه لين اقوم من يسولف علي ويسليني ومن يغصبني على الاكل وعلى اللهومات اشياء كثيرة مقدر اسويها لحالي .
    انا ابغى وحدة تقعد عندي في البيت طول الاربعين واعرف ناس جابولهم مصريه بالفين ريال وما شا الله عليهم
    اللي تعرف رقمها او وخدة غيرها لا تقصر الله يعافيكم.
    الاخت عمة الحسن كله يارب تلقى وحدة تنفسها وتساعدها .:26:

تابعي تجارب أخرى من هذا القسم.