عدة مشاكل اولها أمي ولكن ابرزها في شكلي ومسببتلي عدم ثقه بالنفس.. وآه منكم يالبشر

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

88

  1. @alsmt_hkm_1

    معليش لنت ركزت على الشكل وهو مهم لكن البنات ماشاء الله ماقصروا
    انا باكلمك من اتجاه ثاني وهو تطوير نفسك ترى الشهادة مو كل شي ركزي على هذا الجانب شوفي لك وظيفة دوري لك دخل ثاني ياما حريم طالوا بفلوسهم ومناصبهم اشياء ماطالوها الجميلات ... الشكل مو كل شي .

  4. @dlaa_17

    يوووه كل شي ولا الاسنان انا مجربه معاناتك ..

    بس على الاقل انتي سهله مشكلتك .. انا احتااج عمليه ولاني قادره ادفع المبلغ علشان اسويها !!

    شفتي شلون ان مشكلتك اهون ..

    المهم ..

    صديقتي كانت كذا .. وركبت اربع اسنان اماميه واختلف اللون للاسنان التركيبه عن الاسنان الثانيه مثل حالتك تماماً ..

    راحت للدكتور وصبغ لها اسنانها كللللللها ( الاصليه والتركيبه ) وصارت لون واحد وطلعت ابتسامتها تهبببل ..

    تري مشكلتك بسيطه والله وحلها سهل بإذن الله ..

  5. @ohdh_mn_albshr

    صاحبة الموضوع
    أسطورة الأيام
    ياقلبي وش هالحساااسية الي فيك بالنسبة لاسنانك والله ثم والله اني اعرف وحده سوت تلبيسة وفيه اختلاف بلون اسنانها << والاختلاف بسيط بس انتي اكيد 24 ساعه تناظرين في المرايه لين عقدتي نفسك ليش كذاااا حرام عليك ونصيحة بلاش تغير الاسنان الجانبية …
    مشكوره اختي على الرد

    وفعلا انا جدا حساسه بس هالحساسيه تكونت مع الزمن بسبب معاملة اهلي واخواني وعائلتي لي بقسوه ومهانه وعدم احترام .. وكان سبب رئيسي في انعدام الثقه بنفسي ..

    واما بالنسبه للأسنان ماقول الا الله يسخرلي دكتور ممتاز ويرضون اخواني يودوني له لأنهم للأسف مايرضون الا بالدكاتره اللي بجنب البيت بجد تحسونهم يبغون الدكتور بجنب البيت مايبغون يتعبون وودونا والله لو اقدر اخدم نفسي واروح بلحالي لارحت بس الشكوى لله .. الله يفرج علي ويعزني ويكرمني ولا احتاج لهم بيوم من الأيام ..


    وبالنسبه للزواج انا مقتنعه انه نصيب من الله بس كل مازادت المشاكل والاساليب الغلط كل مازاد همي على نفسي ورغبتي بالزواج اكثر وكل ما استغفر الله زاد اليأس اعوذ بالله من غضب الله ..

    وبالنسبه للنظافه فالحمدلله من زماااااااااااااان متغيره احوالنا ولله الحمد وكل شي تمام الان بس للأسف الأقارب اللي هم عقارب اصلا مو تاركينا في كل مكان اروح له يقطون اهانات وكلام جارح عشان امي ماكانت نظيفه ودائما مايجرحوني الا انا بذمتكم اجل قولولي فيه وحده تجي تزور احد بالبيت وتجي تقول وانتو بكرامه ابغا اروح للحمام قلت لها تفضلي بكل احترام فيه حمامين ادخلي اللي تبغين تقوم تقولي اي واحد فيهم نظيف بذمه وين داخله داخله حمام محطة بنزين عشان تقولين اي واحد فيهم نظيف قمت رديت عليها بحترام وقلت يوه ههههه كلهم نظاف الله يسلمك قامت ردة بكل وقاحه وقالت اي حمام ماتدخلونه ااااااااااااااااااخ ياقلبي بس يعني وش تبغوني ارد على وحده مهما وصفتها ما اوفيها من الكلام طبعا قمت رديت عليها وقلت كلهم ندخلهم قالت ايه بشوف اجل تحسونها مجنونه ولا مهبوله مدري يعني وش اقول عنها حسبي الله ونعم الوكيل

    وبالنسبه لأمي انا مو قصدي اتكلم عليها بطريقه مو كوسه هي امي ونا احبها واحترمها بس انقهرت انها ماكانت مثل الامهات وبسبب اسلوبها الناس تكلمت علينا ونا عارفه انه موذنبها ولا ذنبنا بس ان كان فيني نوع من القهر واللي زاده وكبره معاملة الاخرين لي انا بهالقسوه وهالاسلوب الغير محترم ونا مالي ذنب بشي وغير كذا حرمانها لي من الطلعه ماتبغاني اطلع ولا اروح ولا اجي وتزعل لاقلت بروح لمكان قمة العذاب انا عايشته انا ما ابغا اروح لمكان وهي مو راضيه وهي مشكلتها مستحيل ترضى دام اني بطلع اوسع صدري مع زوجات اخواني تبغاني 24 ساعه بالبيت مع ان اختي موجوده واخواني موجودين وعيال اخواني الثانين لو بغتهم يجوون بس هي ماتبغاني الا انا ..

    تصورو أن تقول لبنتها انتي اصلا مين يبغاك اللي بياخذك بطلقك في يومك .. ومره غلطت وظنيت اني اتكلم مع أم وقلت لها ياريت ربي يوقني واتزوج وارتاح من مهانة اخواني .. وجا يوم قلت بسافر مع احد اخواني اوسع صدري وقلبت علي وصارت تقول لخوي اختك ماتستحي تقول تبي تتزوج انا ماعلمتك فشيله .. يعني تصورو أم ماتبغا بنتها تتوفق لاحول ولاقوة الا بالله

    اتمنى منكم حاجه وحده بس ادعولي برضى ربي عني والقرب منه وانه يجعلني من عباده الصالحين والمحافظين على صلاتي وبالتقرب منه ابغا بس رضاه عشان اعيش في راحه ايه والله ..

    ومشكوره على طيبتك واخت عزيزه وغاليه

تابعي تجارب أخرى من هذا القسم.