شاركي في النقاش

سجلي الدخول لإضافة تعليق.

التعليقات

158

  3. @dnya_ghrybh_2

    صاحبة الموضوع
    تفاءلي بالخير
    مررره حلو موضوعك الله يجزاك خير يسلموووو و نبي زيادة:)
    اللوحه الرابعه
    فاطمه ..عندها ثلاث اطفال وموظفه .. وعندها شغاله اسمها ساتي حليوه وجايه تشتغل عشان تدرس
    عيالها وتبني لهم بيت..اثنين من الاولاد يروحون المدرسه والبنت تخليها مع ساتي حتى ترجع من الدوام ..زوجها خالد ما يبداء دوامه الا بعد ثمانيه وهي لازم تداوم سبعه
    احيانا تدخل النت تشوف وش الجديد ومسجله في منتدى نسائي وطاحت عينها على موضوع عنوانه انتبهوا من الشغالات
    صاحبة الموضوع تشتكي للبنات من شغالتها وانها تسوي اشياء ما تعجبه وناشبه تبي تكلم اهلها وهي ما تبيها تكلم ا ووش تسوي فيها !!
    طبعا الردود كانت مختلفه ومن بين الردود رد ام الخير قالت عامليها بالطيب اذا زينه معك ومع عيالك ولا تخسرينها عشان تليفون من حقها تكلم عيالها وتسمع صوتهم واذا شفتي منها شيء ما عجبك ولا شكيتي جهزي تذكرة سفرها بدون ما تدري وقولي لها بنفس اليوم الي بتسافر فيه بعد ما تكوني شريتي لها شنطه فيها كل شيء جديد ولا تعطينها من شنطتها القديمه الا صور عيالها وبوكها ودفترها ولا تأذينها كما تدين تدان
    وطبعا لا بد من وجود صاحبتنا ابهدم بيتكم
    ردت عليها وقالت يوووووووووووووووه مجنونه انتي تطلعين وزوجك والشغاله في البيت لو انا منك افصل من الوظيفه بالناقص واذا شكيت منها في شيء لا تسكتين لها ترى الشغالات ما يجون الا بالعين الحمراء حمري لها عينك وهدي حيلها بالشغل عشان ما يكون لها وقت تسوي شيء واذا استدعى الا مر خلي زوجك يعطيها كف عشان تكرهه ولا تتحرش فيه وبعدين انتي جايبتها تشتغل ةلا تقرقر في التليفون ولهانه على عيالها كان جلست عندهم

    قفلت فاطمه النت وجا الشيطان صاحب ابهدم بيتكم وقال لها انتي الحين شلون تطلعين من الدوام وزوجك والشغاله في البيت اكيد بيصير بينهم شيء وبعدين الشغالات يكذبون يبكون يقولون يبون عيالهم وهم يبون يكلمون ناس يعرفون بس عشان تعطفين عليها وتخلينها تكلم لا لا لازم تأدبينها وبعدين لو انا منك اهد حيلها بالشغل عشاتنام وهي ما تشوف شيء من التعب
    وبدا الشك يدخل قلب فاطمه مع ان شغالتها حليوه وما فيها شيء وصارت تأنبها على اتفه شيء وتحرمها من المكالمات وتخليها تشتغل حتى ينهد حيلها طبعا الشغاله انسانه وتحس وقررت تنتقم قالت انا كويسه مع مدام بس مدام مو كويسه لازم انتقم وقامت اخذت من ملابسها وطلبت تسافر وسفرتها فاطمه بعد ما خصمت من راتبها لتذكره وهي رايحه المطار اعطت زوج فاطمه كاسيت قالت اعطيه مدام
    واعطاها زوجته وقالت في الشريط انا اخذت من ملابسك وبسحرك وانتقم منك لانك ما كنتي كويسه معي وترى بنتك الصغيره كنت كل يوم اشربها من فضلاتي ..انصدمت فاطمه وندمت بس بعد ايش !!

    وقفه
    حيث قال صلى الله عليه وسلم موصياً بالإحسان إليهم، ومحذراً من تكليفهم ما لايطيقون ومن الإساءة إليهم : "إخوانكم خولكم، جعلهم الله قِنْيَة تحت أيديكم، فمن كان أخوه تحت يده فليطعمه من طعامه، وليلبسه من لباسه، ولا يكلفه ما يغلبه، فإن كلفه ما يغلبه فليعنه".------------------------------



    اللوحه الخامسه
    هند توها عروس وساكنه عند اهل زوجها وعايش معهم في البيت ابو زوجها وامه واخوانه اثنين واخته واالباقيين متزوجين
    كانت تنزل الصبح تسوي لزوجها فطور وتزيد الكميه عشان الي يصحى يلاقي فطور جاهز
    وفي العصر تنزل تتغدا مع عمتها واخته واحيانا مع زوجها في الغرفه وفي اليل اذا نومت زوجها نزلت تسهر تحت مع اخته وسوالف وبسط ويسوون لهم شغلات من المطبخ ويرقصون يعني ينبسطون مع بعض
    في يوم قالت ابدخل النت من زمان عنه ابشوف وش الجديد وصفحه ورا صفحه وتتنقل من موقع لموقع حتى دخلت منتدى ولفت نظرها موضوع الي ساكنه مع حمولتها تجي
    والكل كتب طبيعة حياته وقررت تسجل في المنتدى وسجلت وكتبت انها ساكنه مع اهل زوجها وطبيعة حياتهم على نياتها
    قامت جات صاحبتنا ابهدم بيتكم وكتبت
    وليه صابره على هالوضع انتي مو احسن من غيرك لازم يكون لك استقلاليتك من اليوم مدي البوز شبرين وبما انك عروس بيراضيك وقولي له ابي بيت بالحالي واذا رفض قولي له ما اخليك تقربني حتى تنفذ طلبي وكوني شديده لا تلينين وصدقيني بينفذ طلبك
    وبعدها كتبت ام الخير
    ليه يا ابهدم بيتكم تخربين بيت البنت خليها في حالها مدامها راضيه ومبسوطه وكل الي في البيت يحبونها تصبر وعشان عين تكرم مدينه .. ما عليك اختي في كلامها ولا تزعلين زوجك وترى الي تمنع زوجها عنها ملعونه انتبهي لا تطيحين في الاثم ومدام يبر في اهله وساكن عندهم وفيه خير لهم اكيد بيكون له خير فيك وبتشوفين بركة بر الوالدين في حياتكم

    بعدها صارت هند توديها افكارها وتجيب مره تقول ابي اسكن لحالي من حقي ومره تقول بس انا مرتاحه كذا ومره تقول بس انا ما شرطت عليه بيت ورضيت اني اسكن مع اهله عشانهم متعلقين فيه وهو يبي برهم
    وافكار توديها وافكار تجيبها وانهزم شيطان ابهدم بيتكم هالمره وانتصرت نصيحة ام الخير
    وصرفت نظر عن موضوع السكن لحالها


    وقفه
    التفكير السليم بتأني قبل اتخاذ اي قرار لا يأتي الا بخير

تابعي تجارب أخرى من هذا القسم.