أول سيدة كويتية تعمل في خدمة البيوت





السلام عليكم ورحمه الله وبركاته

هدفي من نشر الصوره طبعا شفتها في منتدي لكن سبق وان كنت افكر كثيرا كيف لو زوجي توفي كيف سيكون مصيري ؟ كيف ارعي اولادي ؟؟ الاعمار بيد الله شئ مفروغ منه .
لكن في زمنا وبسبب ندره الوظائف كيف تستطيع المراه اداره شؤنها ..؟؟ الضمان الاجتماعي ليس كافيا ؟؟؟؟؟؟؟؟ اسئله كثير مازالت تجول في خاطري

15 تعليق 1,724 مشاهدة

شاركي في النقاش

سجلي الدخول لإضافة تعليق.

التعليقات

13
  1. @gulum

    السلام عليكم ورحمة الله وبركاته

    أولا أختي طبيعي كل وحدة منا تخاف من المستقبل وخصوصا بزمنا صار كل شي جايز

    نرد للموضوع أنا قريت العنوان أعتقد في دعاية لمجلة الجريمة الأسبوع اللي فات والمعروف عنها المبالغة مثلها مثل بعض المجلات والجرايد اللي عندنا بالكويت الي يقصون ( يكذبون ) على العالم لدرجة الاستخفاف بالعقول علشان تزيد مبيعاتهم ....
    علشان جذي أنا بصراحة ما أصدق هالمجلات :01:

    على العموم مثل ما قلت كل شي بزمنا جايز
  2. @white_dwarf

    غريب هالخبر

    عموما أختي أحب أطمنج أن الدنيا ما زالت بخير والكويت بخير ونعمة الله لا يغير علينا

    والكويت مثل ما تعرفين حبيبتي فيها وزارة الشئون ( اللي إن شاء الله ما راح تقصر مع أحد ) بالإضافة إلى بيت الزكاة اللي مساعد البدون ومعيشهم فما بالج بالكويتيين

    وأنا اعتقد أن الخبر غير صحيح ولو كان كذلك لكتبت عنه الصحف اليومية..

    وأقولج أختي مرة ثانية تطمني ولا توسوسين

    مشكورة على الموضوع
  3. @bright_q8



    السلام عليكم ورحمة الله وبركاته
    :21:

    أختي العزيزه .. انا مثلج خايفة من هالزمن وخايفة من المستقبل .. بس الحمد لله رب العالمين كل مااتذكر طيبة أهل الكويت وأعمالهم الطيبه مع العالم ... أطمن

    الكويت بلد خير ولله الحمد ودائماً تساعد الدول الأسلاميه وغيرها .. فما بالج بأهلها ..
    ومو كل اللي ينكتب الجرايد والمجلات يكون صحيح .. يكون فيه نوع من الإثارة لجذب القراء وهذا طبيعي بهالوقت .. وذلك لزيادة عدد وسائل الأعلام والفضائيات .

    وحتى لو اهي بالظروف هذي صدقيني ما راح تلقى ايي بيت كويتي يرضى أنها تشتغل عندهم .. تدرين ليش ؟؟

    لأنهم راح يساعدونها من غير ما تشتغل عندهم ... الدنيا ليما الحين بخير وعيال الحلال وايد .

    ونهاية كلامي ما قول الا ... الحمد لله رب العالمين اني انولدت كويتيه .

    والسلام عليكم ورحمة الله وبركاته .



    أسفه على الإطاله ...:27:
  4. السلام عليكم ورحمة الله
    أشكر أختي العزيزه دمعه وحزن على هذا الموضوع
    وان دل على شيء انما يدل على غيرتها وحبها لأمات الله
    ولكن الحق يقال ولا لومة عليه
    اننا في الكويت وبفضل الله تعالى نعيش تحت ظل آمن
    بل والله ان هناك وزاره خاصه للأيتام والمطلقات
    حتى انها تسمى بكافلة اليتامى والنساء وهذه ولله الحمد
    وزارة الشئون كماذكرت لك الاخت
    وحتى من تتزوج غير كويتي وتترمل أو تتطلق
    مكفول حقها في هذه الوزارة ولله المنه وهذا الذكر من باب
    ذكر فضل الله علينا ونسأل الله ان نكون خير عباد شاكرين
    ليس في الكويت انما في جميع الدول الاسلاميه كون الاسلام أعظم نعمه

    فمستبعد هذا الامر والخبر عزيزتي
    والله تعالى أعلم
    أأسف على الاطاله وأشكرك مره أخرى يادمعه وفرح باذن الله

تابعي تجارب أخرى من هذا القسم.