دعوة للحوار { زواج السعودية من أجنبي!!! مع ام ضد ؟؟}

السلام عليكم ورحمة الله

بصراحه من زمان بغيت افتح موضوع كذا
وبغيت اشوف رأي الناس والعالم
بهالموضوع .. يعني ابغى ارائكم بكل صراحه
وليش اذا انتم

كنتم
مع
أو
ضد..

(زواج الخليجيه وبالذات( الفتاه السعوديه ) من الرجل الأجنبي ) :icon28:
يعني نشوف الرجال عادي يتزوج من اجنبيات ( سوريه .. مصريه .. امريكيه
روسيه .. واحيانا هنديه )

والأهل ماعندهم مانع وماتشوف احد واقف في طريقه ومعترض
على هالزواج وليش ومايصير مع إنه مو من عاداتنا
و بنات بلده موجودين وفيهم الزين والطيب

طيب موب مشكلة ..
المشكلة هي هنا
البنت .. ليش ماتقدر تاخذ واحد اجنبي ..
في اجانب واقصد العرب وغير العرب .. مسلمين وملتزمين :26:
انا ماقلت تاخذ واحد مو مسلم .. لا هنا فيها كلام
بس اذا كان مسلم وملتزم ويخاف ربه وخلوق وابن عائله محترمه
وبغاها على سنه الله ورسوله وين المشكله..
لأنه موب سعودي !!!..لأنه مو من نفس القبيله
!!! ..لأنه موب ولد عمها!!!( وهذي هي الطاااامه الكبرى ))
ياعالم.. يمكن يكون هالأجنبي احسن من ولد العم
يعني هالعادات خلاص .. راح وقتها


قال الرسول صلى الله عليه وسلم ( إذا اتاكم من ترضون دينه وخلقه فزوجوه ) من مفهومي للحديث
ماقال .. لازم يكون من نفس القبيله والا ولد عمها
والا من نفس الجنسيه
يعني احيانا تصير .. يكون هالأجنبي
دينه وخلقه احسن من هالشاب الي جاي يخطبني من نفس ديرتي

أهم شئ
الدين والأخلاق وحسن المعامله :angry2: :angry2:

في كلام كثير ابغى اقولة .. بس موب عارفه كيف اشرح لكم

يعني كثرت نسبة العنوسة .. مع ان هالمصطلح ( العنوسة ) موب في قاموسي انا لأن احس ان هالكلمة مالها داعي
وكله من زواج هالشباب من اجانب .. وياعيني انه عادي
بس لو تجي على سالفة ان البنت تتزوج واحد اجنبي ..
لا هنا على قولتهم .. فيها قبايل
الناس من يوم ليوم من احسن لأحسن
وبدا الوعي والعقول تتفتح وعلم
وحنا للحين قبايل ومو قبايل وعادات

ماابغى اكثر في الكلام ... :(

وشو رايكم

هل انتم مع او ضد زواج الخليجيه أوالسعوديه بشكل خاص من الرجل الأجنبي ؟

مع ذكر السبب

4 تعليق 628 مشاهدة

شاركي في النقاش

سجلي الدخول لإضافة تعليق.

التعليقات

4
  1. @ghzoh_2005

    الموضوع له جوانب متعدده بين القبول والرفض للزواج من اجنبي وكلمة اجنبي لا تنطبق على العربي

    ........ بصراحه من الناحيه الدينيه لا يشترط القبيله او الجنسيه ......

    اما من ناحية العادات اكيد كمجتمعات محافظه تشترط وبقوه الاصل والجنسيه ... وهذه عادات فيها الصواب والخطأ !!!

    والمفروض مانعمم على الكل ..... لكن الظلم بحق المراه في اختيار من ترضا دينه واخلاقه !! للزواج منه


    ليه يحق للرجل مالا يحق للمرأه ؟؟

    لأن المرأه تحت امارة ووصاية الرجل .. بين الاب والاخ ثم الزوج لاحقا ....... ولا ننسى ماتتعرض له المرأه من ظلم وجبروت بعض الرجال .....

    عشان كذا الاهل ماتطمن تعطي البنت لغريب يغربها ببلده وقد تتعرض معه للمعامله السيئه ... اقلها ببلدها وبين اهلها ..... لو صار معها ماينغص عيشتها يكون الاهل على درايه بوضعها .......

    اكيد مو شرط كل من تزوجت بغير بلدها او قريبها يصير لها ماسبق وذكرته ... ولكن هذه حجة الاهل بالغالب !!

    وياريت يعامل الرجل بنفس معاملة المرأه بالزواج من اجنبيه ..... لان الخسران بحالة عدم التوافق
    هم الأبناء ......!!!!!!

    موضوعك رائع ..... وننتظر وجهات نظر اخرى من كل العضوات واذ في تجارب ناجحه او فاشله
    لاي اخت ياريت تعطينا وجهة نظرها عن تجربه لها او لاحد تعرفه ....
  2. @roro_hanm

    موضوع جميل
    يا اختي الرسول قال من ترضون دينه وخلقه
    ولم يقل جنسيته وبلده
    اختي كلنا مسلمين وطالما انه ملتزم خلوق فما المانع
    من القبول
    ربما هو من يسعدك ومن يرفعك
    الموضوع يحتاج الى اخذه ببساطة
    لا داعي للعنصرية
  3. @roaa_altbyaah

    اختى كل عائله ترجع لعااددتها وتقليدها انا اشوفها عادى مافيها مشكله ربا اجنبى افضل من ابن بلدك باخلاقه واطياعه وسكرا
  4. @alshmos90

    اذا كان مناسب من جميع النواحي مافيها شي

    وشفت كذا وحده سعوديه ومتزوجه غير سعودي وحياتهم عاديه

تابعي تجارب أخرى من هذا القسم.