تجمع أوزان تحت ال 60 .. اللي تبا تنزل بس اقل عن 10 كيلو (انتهت المدة)

يا هلا بالبنوتات كلهم وما شاء الله عليكم عيني عليكم بارده الله يحفظكم ويوصلكم للمطلوب وان شاء الله ارشق من راعيات هوليوود
انا ان شاء الله راح اخبركم وزني الجديد يوم السبت القادمه ويارب يا رب يكون خير ..لاني الاثنين مسافره عنكم لمدة اسبوعين ادعولي ما اخرب كل شيء في السفر:unhappy:

حبيبتي عيون الوحش تراه الوحده قبل العرس يمكن اي تغير بسيط في جسمها تعتبره كرش وتهول الموضوع عشان هي عروس ..انا اتذكر بنت عمي ضعييييييييفه وتجي تقولي انا فيي كرش؟؟؟ طبعا هذا قبل زواجها وكنت اقولها لا طبعا!! بس هي النفسية كذا قرب الزواج!!

لكن هاي ما يمنع انك تساندينا في الريجيم لان وزن الخمسينات حلو والفستان يستاهل :22:

يا هلا بسوووومه احنا الحمدلله بخير لما اجي اكل اتذكركم واقول لاااااا البنات ما ياكلون لازم استحمل واصير مثلهم:)
خاصه احس ريجيمي دلوع مقارنه بكم لكن ان شاء الله يجيب نتيجه:)

وامس كنت فرحااااانه عشان كليت بس كورن فليكس سبيشال وحليب قليل الدسم وكمثرى وسلطه وملعتقين شوربه هذا يعني في اليوم كامل وقلت عاد صرت كما البنوتات الحلوات قويه :42:

ان شاء الله yuliaaولا يهمش الميزان راح يكون مثبت يوم السبت 12 يوليو راح احط وزني وان شاء الله خير :)
ومرسيه على الموضوع الحلو حمستي البنات :26:

اررررحبي bat2005 تروحين وتردين بالسلامه ياقلبي لا ان شاء الله ماراح تخربين الريجيم بالعكس بالسفر دايما الواحد يضعف لأنه يتحرك واجد واكله قليل ..اما بالنسبه لي اللي حولي يحسون اني مهوله بس انا جد افتشل من كرشتي يعني مو حلو بنت وكرشها كذا وش خليييت للي توها والده ..الحين قاعده اكتب واشرب زعتر وكمون شغاله عليه من امس وقعدت ارقص قبل شوي يعني رياضه انا ووجهي (:بس ان شاء الله في تقدم ماخبصت بالأكل كليت سلطة تونه ولما جعت بعدها كليت توسته ولبنه ..وعشان اكون صادقه كليت قطعه صغيروووووونه من الدونات والله مو كلها بس عشان الشهوة مشكله (:
وان شاء الله نضعف كلنا بصحه وعافيه (:

تحياتي لج للبنات المجاهدات همتكم ياصبايا (:

ايوا حبيبتي نريدش قدوه لباقي البنات وان شاء الله الميزان ينتظرنا بعد كم يوم ...يبغالنا نوريه شغله:mad:
دايما يحبطنا خلينا هالمره احنا نحبطه:30: