رواتب الابتعاث، وجهة نظر لكي لاتتلحطي أختي العزيزة (يمنع رفع النقاشات القديمة)

متابعة النقاش، صفحة 8

شاركي في النقاش

سجلي الدخول لإضافة تعليق.

التعليقات

153
  1. @l0l

    منىالروح
    اما انا وضعي مختلف لأني محاضرة باحدى جامعات مملكتنا الغالية ولازم اكمل دكتوراة(الزامي)لا ولازم اكمل في الخارج!!!!طيب كيف ؟انا اسرتتي ماشالله كبيرةانا وزوجي وعييلي ثمانية والمكافأة مثل ماقلتم وراتبي في السعودية يخصم نصفة لو رحت بعثة والنص…
    موضوع مره حلو

    ولو اني ماقريت كل الردود ( عندي ولد الله يصلحه بس يطخطخ بالكي بورد )

    كلامك فيه نسبه كبيره من الصح واتفق معك

    بس اختلف معك في بعض الاشياء مثل السياره , خاصه للي عندها اطفال .

    و اعتقد ان الكلام الي ذكرتيه ينفع لاحد عزابي او زوج وزوجته بس

    ماينفع لعائله واطفال . الوضع يختلف معهم تماما

    انا زوجي تكلم مع واحد ياباني وساله عن موضوع المكافاه وقاله زوجي

    قال الياباني انا اخذ نفس الي تاخذه مع الطفل !!!!

    شفتي شلون الفرق

    حتى اسمع ان باقي دول العالم تاخذ اكثر منا بكثير

    شئ يقهر وغريب بصراحه واحنا نعتبر من اغنى الدول في العالم .

    يعني المكافاة تكفي وممكن توفرين منها مبلغ بسيط بس بشروط

    مافيه طلعات ولا مطاعم ولا تشترين سياره والمقاضي تشترين بس الاساسيه فقط

    والدراسه بالنسبه للزوجه انسي لان الحضانات غاليه جدا هنا

    المكافاه تحتاج زياده واعادة نظر

    ويارب ان شاء الله يصير هالشئ عن قريب





    صح لسانك كلامك ميه ميه :)
  2. @braaa_6

    الكنديشن
    ياااااااااااابدورة الحلوة بلييييييييييييز لا تخليني ازعل منك :) انا مااعترض على نقطة وحدة في كلامك لكن اعتراضي هو على مبدأ التعميم والاستغراب !!!! بمعنى .... ليه دايم الناس اللي قادره تدبر امورها او مبتعثه في دوله او مدينه ماتكلف !!! ت…
    صح لسانك والله :44:

    والله يابدور المكافأة ماتكفي أبددد ...

    >>> يقالك صرت اقتصادية وإلا أطبخ إلا في البيت و..و.. >> برضه خلصت المكافأة في نص الشهر :icon33:
    >>>لولا الله ثم لولا بعض التدبيرات منا ومنا كان رجعنا من زمااااان..

    إلا يابنات فيه وحدة منكم زوجها جرب الشغل في حرم الجامعة ؟؟؟




    عموما الله ييسر للجمييييع يارب
  3. @aksford

    حبيبتي كلام غير معقول الا لما تكون وحده هي وزوجها بس ممكن تنبلع واللي عندها عيال وش تسوي فيهم في الشتاءلازم التدفئه تشتغل على طول طلبات المدرسه وجباتهم حقت المدارس ووجبات البيت ورحلاتهم اذا جاك طفلك يقول هذا معه لعبه وانا لالالا هذا شراءكذا وانا لالاغير رسوم المدارس السعوديه 150 باوندعن الطفل الواحد غير حضانات الاطفالوغير وغير وغير وطلبات المدارس فواتير الكهرباء الغاز وتليفون والجوالات وملابس العيال واستهلاكهم لها ماااااايكفي وبعدين ياختي مو معقوله انه الواحد بيتغرب ويصك بيته لايطلع ولايرفه نفسه شوي النفس تحتاج لترفيه مو معناتا غربه خلاص سكري باااااابك واجلسي عشان توفرين ماااااااااااااااااايكفي
  4. @aaaylty_hby_2

    دخلت علشان اقوللك


    اسلوووووبك يااااا بدور
    خطييييييييييييييييييييير


    ولا مالي اي تجربه بهالموضوع

    الله يوفق الجميع
  5. @out_of_reach

    ياحبي لك يا الكنديشن صح لسسسسسسسسسانك ...
    أنا اضم صوتي لاخواتي في امريكا .. الراتب ابددددددددددددا مايكفي .. واللي يجرب بنفسه بيعرف ..
    وبعدين مو ترف ولا بذخ انك تسكين بمنطقة سكنيه آمنه .. ولامثلا اروح اسكن في منطقة رخيصة و طلق النار
    اسمعه كل يوم واقول يالله علشان اوفر .. وطبعا هذا باغلب المدن الامريكية الكبيرة .. وفيه ناس ظروفهم تحكمهم..
    مثلا اعطيك مثال بسيط .. لو زوجك طبيب متدرب (يعني طالب) في امريكا ويضطر يناوب بالاسبوع على الاقل مره ..
    ويضطر انه يروح المستشفى في اقل من 10 دقايق لو طلبوه .. يعني لازم يسكن قريب من المستشفى
    وفي المدن الكبيره زي سان فرانسيسكو .. بوسطن .. نيويورك .. الخ .. ايجار الشقه في الداون تاون يتجاوز ال2000 دولار
    وهذا بس غرفيتن صغيره يعني غرفه يجمع فيها اطفاله وغرفه له .. ولازم سيارة .. وطبعا السياره تبي بنزين وتبي مواقف
    في السكن ومواقف في المستشفى .. و..و.. و.. لو اتكلم من الحين الى بكره واحط لك المصروفات الضروريه مايكفيني..
    ظروف الناس تختلف باختلاف مكان سكنهم وباختلاف عدد افراد الاسرة وباختلاف احتياجاتهم الاساسية ..
    والله اني احمد الله ان الاهل مو مقصرين لما اشوف حال الناس اللي معتمدين بس على راتب الملحقية ..
    واصلا ياليت الراتب يوصل كل شهر .. والله العظيم ان راتب بعثتي انقطع شهر كامل مادريت عنه الا بالصدفه .. ولما راجعتهم
    قالوا بالغلط وبنرسله والى الحين ماشفته .. يعني لو مادريت عنه بالصدفه كان راح ..
    وبعدين موضوع ان السعودية ماتقدر تزيد الراتب ماراح اتكلم عنه علشان ماطلع عن الموضوع
    يكفي اختي بس تعرفين كم وصل سعر برميل النفط :)

تابعي تجارب أخرى من هذا القسم.