اللهم اغثني يالله يالله يالله ... والطف بي وبمن يساعدني ..
السلام عليكم ورحمة الله
عزيزاتي ..
طلعت حامل بعد 11 عام توقف والحمد لله كل اللي من عند الله خير
سويت التراساوند قالوا في الاسبوع الخامس
بس الكيس لاصق في جدار العملية القيصرية الاولى
طلبت مني الدكتورة مراجعة بعد اسبوعين
رحت لمستشفى ثاني الدكتور سوالي سونار من تحت
وتبين انه الجنين مافيه نبض وانه في الاسبوع الثامن
وعلى طول قال لازم تنزليه نسويلك كورتاج
او نعطيكي حبوب وبعد 4 ايام برضو نسوي عملية
ولما سألته عن التكلفه قال 5 الآف وشوية
وقال لازم تستعجلي المفروض الاثنين الصبح
ولما طلعت من عنده كنت مترددة
واستعجاله خوفني ممكن استعجال مادي بحت
خصوصاً انه اكتفى بالسونار وماسوى لي تحاليل
وسألت كل اللي اعرفهم فاقترحوا علي الانتظار ثم الانتظار ثم الانتظار
وكلهم استغربوا قالوا النبض ممكن ماينسمع الا على الشهر الـ 3
وبما فيهم ولدي الله يباركلي فيه في سنة ثالث طب
ترك حبيبي دراسته ورجع يذاكر اللي تعلمه من قبل
وفتح كتب الحمل وبعد ساعة من المراجعه
قال : لاتستعجلي النبض ممكن ماينسمع الا في الاسبوع 11
وخبرني ان البروفيسور اللي يدرسهم
قلهم انه ترك العمل بالمستشفيات ليش ؟؟
يقول: المستشفى طلب منه شرط ضروري
وهو انه لازم يدخل لهم من المرضى شهرياً
راتبه وراتب الممرضه اللي معاه وراتب الساعي اللي يخدم عليه
وهذا كله مضروب بـ3 علشان الدخل يزيد
والمستشفى يكسب من ورانا
طبعاً تخيلوا انتوا كل مريض وش يقرر الطبيب معاه
وهذا الشي خلاني اتردد الفين مرة
والحين ابغى مساعدتكم بليييييييييييييز
كل وحدة تقترح علي رأي
أنا من انصار قول ماخاب من استشار
منجد انا محتارة مدري وين اروح وايش اساوي
والله العظيم نفسيتي زفت و لله الحمد الذي لا يحمد على مكروه سواه
اللي تعرف اي معلومة لا تبخل عليّ
بدي اعرف عن النبض متى اخر فرصة له؟؟
هل هناك فحوصات وتحاليل تؤكد سلامة الجنين
او انه فعلا مات خصوصاً انه انا ما يجيني وحم في حملي السابق
وعلشان كده مدري لو توقف الوحم لأنه من علامات موت الجنين
فيني نغزات والم في الصدر من بداية الحمل ومازالت
وضعي مستقر ومافي اي اعراض الحمد لله
مع العلم انه نزلت افرازات بنية في بداية الحمل
واستعملت الديفوستون وخلاص وقفته من اسبوع
والحمد لله توقفت وبعدها سويت سونار اللي في الاسبوع الـ 5
والحين انا تحت رحمة ربي و مادام الله معي فأنا في رعايته
انتظر آراؤكم ودعمكم
و
دعاؤكم