عايز تموت ازاى؟؟؟؟


عايز تموت ازاى؟؟؟؟




واحد سألني.. عايز تموت إزاي؟
*******
عاوز تموت شهيد؟
ياتركب طيارة.. ياتركب عبارة
عاوز تموت م الجوع؟
ياتشتري شقة.. ياتشتري عربية بالقسط
عاوز تموت م الحسرة؟
ياتتفرج ع الفاترينات فى سيتي ستارز.. ياتروح زيارة لمارينا
*******
عاوز تموت م الغيظ؟
ياتتفرج ع القنوات المحلية.. ياتتفرج ع النشرة الجوية
عاوز تموت م الزهق؟
ياتستنى الأشاره لما تفتح .. ياتستنى دورك فى الطابور فى التأمين الصحى
عاوز تموت م الهبل؟
يا تخش ع النت.. ياتسمع نجوم الإف إم
*******
عاوز تموت مخنوق؟
ياتروح مصلحه حكومية.. ياتقرا الجريدة اليومية
عاوز تموت مفروووس؟
ياتركب تاكسي.. ياتركّب دش
عاوز تموت مرعوووووب؟
ياتستنى نتيجة الثانوية العامة.. ياتستنى نتيجة التحاليل عند الدكتور
*******
عاوز تموت منكاد؟
ياترشح نفسك في الانتخابات.. ياتخش ف اتفاقية الجات
عاوز تموت مشهور؟
ياتتجوز رقاصة.. ياتنصب على بنك
عاوز تموت مليونير؟
ياتعمل فيديو كليب.. ياتلعب كورة
*******
عاوز تموت ورا الشمس؟
ياتشغل مخك.. ياتفتح بؤك
عاوز تموت م الحزن؟
ياتفكر دايما ف أحوالك.. ياتحط الحكومة ف بالك
عاوز تموت ف حالك؟
اعمل نفسك دايما.. مش واخد بالك
****

***

10 تعليق 912 مشاهدة

شاركي في النقاش

سجلي الدخول لإضافة تعليق.

التعليقات

10
  1. انا عاوزة اموت ساقدة ... أوليلي اعمل ايه ؟؟

    اكيد أصلي كتيييييير ... صح ؟؟

    مشكووووووووووورة

    اعرف اتكلم مصري ؟:hahaha:

تابعي تجارب أخرى من هذا القسم.